لن يسبقني إلي الله أحد ʚϊɞ ʚϊɞ •.¸(3)¸.• ʚϊɞ ʚϊɞ

[img][img][/img][/img]




ʚϊɞ ʚϊɞ •.¸(3)¸.• ʚϊɞ ʚϊɞ

يوم ورا التاني و وداع رمضان بيقرب ،،،وبسرعه جداً خلاص وصلوا للعشره الأواخر

#أ & #ب ماشيين ع الجدول حاسيين بلذة الطاعات فـ رمضان ، إحساس بفرحه شديده وهم بيوزعوا شنط رمضان ، كل ما يخلصوا كتاب ديني يدخلوا ع إللي بعده وأهم دلوقتي فـ الختمه التالته ما شاء الله ده غير الحفظ إللي بيراجعوه سوا بعد الفجر والأذكار ودلوقتي بيستعدوا ويجددوا حماسهم لإستقبال العشره الأواخر
وحاطين قصاد عنيهم هدفهم وشعارهم الأساسي
(( #لن_يسبقني_إلي_الله_أحد ))
~
~
~
أما عن #ج & #د لسه فـ غفله ومش حاسيين بالوقت إللي بيمر ويضيع من بين إيديهم فـ ثواني بالنهار حر وقرف وعصبيه وضغط أعصاب وبالليل أكل بإفترا وإسراف وسلة القمامه مليانه بواقي من أكلهم إللي لسه جديد زي ما هو وما إتلمسش !!
أما عن حالهم مع التليفزيون فـ كإنه ساحرهم أو مغناطيس بيجذبهم مش قادرين يبعدوا عن التليفزيون ولا المسلسلات ده حتي تاريخ أيام رمضان بقوا يعرفوه من عدد حلقات المسلسل
~
~
~
بدأ أول يوم فـ العشره الأواخر و أ&ب قرروا إنهم مش هيناموا ولا لحظه وحتي لو ناموا هيكون نومهم طاعه بـ نية إنهم يناموا عشان جسمهم يرتاح ويقدروا يقفوا فـ صلاة التراويح والتهجد ويتحملوا مشقة الصيام )

صلاة التهجد شغاله فـ المسجد وحتي إللي فاقد أحد أطرافه واقف بكل قوه وثبات بيبكي من خشية الله ويناجيه فـ جوف الليل إنه يقبل توبته و يكون من المغفور لهم بيدعي ربنا يبلغه ليلة القدر

وفـ نفس الوقت ج & د نايمين ولا حاسيين بأصوات المساجد من حوليهم !!

يوم ورا التاني والسما صافيه فـ #ليلة_القدر :'))
أ & ب ما ناموش لحظه ودموعهم ما وقفتش بيناجوا ربهم ، ويبكوا بحزن علي رمضان إللي خلاص بيودعهم


جهزوا الصدقات ولبس العيد وراحوا عند بيت كل فقير يحطوا أكياس الهدايا وجواها الصدقه ع الباب يخبطوا ويمشوا وفـ عيونهم لمعة فرحه ورضا وبيدعوا ربنا يفرح قلوب كل المسلمين فـ العيد :'))
.
.
.
ولا يخفى عليكم حال ج & د نوم وغفله وغفله ونوم وأيام ممله شبه بعضها ، تلاتين يوم أهم مروا من غير ما يتغير حاجه فـ حياتهم غير إنهم إتفرجوا على مسلسلات جديده غير المعتاده فـ الأيام العاديه !
زاد هم قلبهم إللي كان قبل رمضان بـ هموم فوقه أضعاف !

صحي ج فـ آخر يوم فـ رمضان حاسس بهم وغم وخنقه لسه دلوقتي إللي بيفوق !!! مسك المصحف ولقى نفسه معلم عند الجزء الأول !!!!!! لمح ورقه ع التليفزيون نفض الغبار إللي عليها ، فتحها ولقى الجدول إللي إداهوله جاره أ ، قرا إللي مكتوب فوق (( لن_يسبقني_إلي_الله_أحد ))

ولحظتها إتردد فـ ودنه صوت الشيخ وهو فـ خطبة أول ليله من رمضان بيوصيهم ويحذرهم من نفوسهم
فضل يتردد فـ ودانه تحديداً
((رَغِمَ أَنْفُ امْرِئٍ دخل عليه #رَمَضَانَ ثم إنسلخ فَلَمْ يُغْفَرْ لَهُ ، فَقُلْتُ آمِينَ ))

((رَغِمَ أَنْفُ امْرِئٍ دخل عليه #رَمَضَانَ ثم إنسلخ فَلَمْ يُغْفَرْ لَهُ ، فَقُلْتُ آمِينَ ))

((رَغِمَ أَنْفُ امْرِئٍ دخل عليه #رَمَضَانَ ثم إنسلخ فَلَمْ يُغْفَرْ لَهُ ، فَقُلْتُ آمِينَ ))

ولقي دموع الندم بتنزل من عيونه لطمات على خده لكن هيهات هيهات أوقات الندم ما بينفعش لما بيجي بعد فوات الأوان ......

#يتبع ،،،

لـ #ندا_سليمان