الحلقة ʚϊɞ ʚϊɞ •.¸(2)¸.• ʚϊɞ ʚϊɞ

[img][/img]




ʚϊɞ ʚϊɞ •.¸(2)¸.• ʚϊɞ ʚϊɞ


تعالوا نسيب العشاق سوا ونروح على بيت أهل ملك

بعد ما خلاص ودعوها وسلموها لعريسها

رجعوا البيت وفى حلقهم مرارة وأسى
سلموها لعريسها وكأنهم سلموا سعادتهم وقلبهم فى الليله دى لا أمها ولا أبوها ناموا

أمها طول الليل تعيط وأبوها مش قادر يواسيها لأنه حاسس بيها
سابها فى الأوضه بتبكى وراح على أوضة ملك نسى إنها مش موجوده وخبط ع الباب

ولما إفتكر إتنهد دخل ،فتح النور وعيونه لمعت لما لقى الاوضه فاضيه

بص فى الكتب بتاعتها ،هدومها إللى كانت بتقعد بيها فى البيت كل حاجاتها ولقى نفسه بيبكى ، إتمدد على سريرها وحط راسه على مخدتها غمض عيونه للحظات رجعته

لأول ما شال ملك من إيد الممرضه وهى طفله رضيعه بتصرخ عشان خرجت من رحم أمها ، حس بنفس إحساسه يوم ما شالها وضمها وفرحته إنه بقى أب
إفتكر يوم ما أذن فى ودنها ، شافها قصاده وهى بتكبر يوم عن يوم

سمع منها أول كلمة بابا نطقتها وشاف قدامه أول خطوه مشيتها

إفتكر لحظات ضيقها وفرحها وضحكها ، نجاحها ولماضتها وشقاوتها لحد ما شافها بفستان فرحها وسلمها لعريسها ، فضل يبكى زى الأطفال

بكى لإنه بعد كده هيصحى مش هيشوفها قصاده

ولقى حد حضنه ، فتح عيونه لقاها مايسه مراته

مايسه وهى بتبكى : كنت متأكده إنى هلاقيك هنا
وحشتك مش كده ؟؟

هز راسه بأيوه

مايسه: وأنا كمان ، بجد مش متخيله البيت من غيرها يا مجدى
حاسه إن البيت بقى وحش أوى ومضلم ، هو ليه الواحد يجيب بنات عشان يوجع قلبه كده


مجدى وهو بيمسح دموعه : بس يا مايسه خلاص كفايه عياط
يعنى إحنا نقعد من أول ما تتولد نستنى لحظة ما تكبر ونسلمها لعريسها ولما يحصل نقعد نبكى ونندب حظنا !!!! إدعيلها ربنا يسعدها ويهدى سرهم

مايسه : يااا رب


وناموا سوا فى أوضة ملك وهم بيسترجعوا لحظات ما كانت طفله ولحظات شقاوتها من صغرها وبيضحكوا وكأن المواقف دى بتحصل قدامهم دلوقتى




كفايه كده نسيب أبو ملك وأمها
وخلونا نروح بقى بيت ملك الجديد وعش السعاده بتاعها

صحيوا عصافير الحب صلوا أول صلاة فجر ليهم سوا قروا الأذكار ودخلوا كملوا نوم


صحيت ملك وملقتش محمد جمبها لسه هتقوم تدور عليه ولقته داخل الأوضه وشايل

فى إيديه صينية الفطار

ملك مش مستوعبه وقامت وهى بتضحك : إيه ده يا محمد ؟؟


إتناول ورده كان حاطتها جمب الأكل وإدهالها :

أحلى صباح على أجمل وأرق ملكه متوجه على عرش قلبى ^_^


إبتسمت ملك ^_^ خدت الورده ^_^ : أحلى صباح على عيونك يا عمرى أنا

بس ليه حضرت إنت الفطار؟!! كنت صحتنى يا حبيبى وأنا هجهزه

محمد: لأ حضرتك سمو الأميره أول يوم ليها لازم الفطار يجيلها لغاااية عندها وكمان تفطر من إيد حبيبها ^_^

ضحكت ملك والفرحه مش سيعاها أكلت من إيديه وهى مبتسمه وعنيها مدمعه ^_^

محمد: بس إسمعى أما أقولك هو أول يوم بس لحسن تاخدى على كده وتعتمدى عليا فى فطار كل يوم ،هههههههههههههه

ملك: هههههههههههههه لا ما تقلقش يا حبيبى ^_^

وحطت إيديها فى جمبها : بس هو فيها حاجه يعنى لو إتعودت مثلاً حضرتك 3:) :\ ؟؟!!


محمد : لا مين قال كده إنت تتعود وتدلع براحتك يا جميل وأنا عندى كام ملك يا ناس وباسها من خدها :*


فطرت ملك أجمل فطار فى حياتها من إيد حبيب قلبها ^_^

خلصوا فطار وملك قامت فتحت الدرج وطلعت دفتر كانت موصيه ياسمين تحطه فى الدرج ده يوم الفرش

ملك: إتفضل ^_^ أمانتك ، فين الأمانه بتاعتى لو سمحت ؟؟!!

محمد: موووجود يا باشا لحظه واحده

قام جاب الدفتر بتاعهه وهو بيقول : بس أنا حذرتك من الاول خطى إستغفر الله العظيم

ملك : ملكش دعوه يا سيدى عااجبنى من قبل ما أشوفه ^_^

سلموا لبعض الأمانات ^_^

محمد: هتلاقى محمد بين السطور دى من أول ما إتولد حتى حاجات وأنا صغير ماكنتش فاكرها سألتلك أمى عليها وكتبتها ، مبسوطه يا ستى ؟؟

ملك: مبسوووطه أوووووى ^_^

محمد: مش أكتر منى عشان فى إيديا دلوقتى ملوكه حبيبة قلبى وكل تفاصيل حياتها من طقطق لسلام عليكم


فجأه بسمة ملك وقفت وحست بضيق شايفه محمد فتح الدفتر وبيتفرج عليه وهو مبتسم كلمته (من طقطق لسلام عليكم ) بترن فى ودنها
حاسه إنها مش صادقه لأنها ماجبتش فى الدفتر سيرة وليد ولا حكت لمحمد قبل كده عنه ، وحاسه بتردد وحيره مش عارفه تقوله ولا لأ ؟؟!! خايفه تقوله تهتز صورتها قصاده ويبقى كده بتهتك ستر ربنا عليها وده ذنب خلاص ربنا سترها فيه وفى نفس الوقت مش قادره تستحمل إنها مخبيه عن محمد حاجه مهمه زى دى ومحمد دلوقتى أصبح أقرب ليها من روحها حاسه إنه جزء منها وهى جزء منه

وخرجها من حيرتها مع نفسها دى صوت محمد : ملك , عاوزه تقولى حاجه؟؟

ملك: هه , نعم؟؟

محمد: بقولك عاوزه تقولى حاجه ؟؟

بلعت ريقها : حاجه زى إيه يعنى ؟؟

محمد: معرفش ، أصلى بكلمك وإنتى ولا إنتى هنا وقريت فى عنيكى حيره وتفكير يمكن بتفكرى فى حاجه عاوزه تقوليها ومتردده ، فأحب أطمنك قولى وماتقلقيش

ملك: أنا لا أبداً مفيش

محمد: أممممم ماااشى ، هسيبك شويه وأقوم أقرا فى الدفتر ده بجد متشوقله أووى ، سمو الأميره عندها مانع أسيبها ساعه كده ؟؟

ملك: لا يا حبيبي إتفضل وأنا كمان هقرا فى دفترك ^_^

سابها محمد وخرج فى الصاله ، مسكت دفتره وهى لسه حاسه بضيق وخنقه شديده

قامت إتوضت وصلت ركعتين ، حست بهدوء وراحه نفسيه وحيرتها هديت شويه ، مسكت دفتر محمد وبدأت تقرا فيه ، خطه كان جميل عكس ما كان بيقولها
كمان أسلوبه فى الكتابه حلو أووى وخفة دمه وروحه الحلوه واضحه فى كل كلمه كاتبها ^_^



وفى نفس الوقت محمد فى الصاله عايش بين سطور دفتر ملك ^_^
مبسوط أووى وهو بيقرا عنها ، حاجات و طباع أول مره يعرفها ^_^

وإستمروا فى القرايه أكتر من ساعه كل واحد فيهم مندمج لحد ما الظهر أذن وهم مش حاسيين بالوقت


محمد أول ما سمع الأذآن قفل الدفتر وهو مبتسم بعد ما علّم الصفحه إللى وقف عندها ،

إتوضى ودخل على ملك فى الأوضه ، كانت قاعده على السرير وفى إيديها دفتره وبتقرا وهى بتضحك

محمد: يا سلام يا سلام وأنا أقول إتأخرت عن ساعه وماسألتش أتاريكى كمان مندمجه زيّى

ملك: قال وتقولى خطى وحش وأسلوبى مش حلو ومابعرفش أكتب ، ده أنا لو طبعت اليوميات دى فى كتاب وإتنشرت هتاخد أعلى مبيعات

محمد: يا عم مش أووى كده ، المهم أنا هنزل أصلى الظهر بقى وأجيلك يا قلبى عاوزه حاجه من تحت ؟؟

ملك: إييه ده الظهر أذن :O

محمد: أه شوفتى بقى

ملك: طيب يا حبيبي خد بالك من نفسك ^_^

محمد: ماشى يا قلبى بس سيبى الدفتر دلوقتى وقومى صلى لتسرحى وتنسى الصلاه

ملك: لا لا ما تقلقش هقوم حاالاً


نزل محمد عشان يصلى فى المسجد وملك قامت إتوضت ،صلت ورجعت كملت قرايه ^_^

لحد ما محمد رجع من المسجد ، حط صباعه ع الجرس وماسابهوش لحد ما ملك خرجت مفزوعه وفتحتله : إيييييييييه >.< على أساس مش معاك مفتاح صح ؟؟

محمد: على أساس إنى عاوزك تفتحيلى غلاسه بقى عندك مانع :\ ؟؟

ملك: والله ؟؟

محمد: أممم مش عاجبك؟؟!! يعنى أروح أرجعها لبتاع السوبر ماركت بقى وأقوله خلاص مش عاوزين شوكولاته يا عم

ملك: إيييه ده ، إحم إحم أذنى إلتقطت كلمة شوكولاته ^_^ ثح ؟؟
إتفضل يا حبيبى واقف بره ليه
ده أنا أصلاً معنديش مانع أشتغل بوابه ليه لأ؟؟ أى حاجه بس يلا هات


محمد: هات إيه؟؟ وشوكولاتة إيه ؟؟!! هو حد جاب سيرة شوكولاته :\


ملك: تقريباً كده :\ طاب أدخل يلا وهاااااااااات بقى

محمد: هى سفلقه حضرتك:\ ؟؟!! مفيش حاجه ببلاش فى الزمن ده 3:)

ملك: أمممممم طلباتك ؟؟

شاور محمد على خده :*

ملك: ده إستغلال بقى

محمد: هو حد قالك تحتلى قلبى :\

قربت منه وطبعت قبله على خده ^_^

شاور على خده التانى ، رفعت حاجها ،زفرت وراحت على الخد التانى طبعت قبله ولسه هيحرك صباعه ويشاور على مكان تانى

ملك: لأ بقى ده كده إستغلال رسمى خلاص مش عاوزه شوكولاته بقى هه

محمد: طاب خلاص ماتكشريش أعوذ بالله على تكشيرتك إيه ده خدى

أخدت الشوكولاته وهى مبسوطه ^_^ فتحتها وعلى طول أكلت منها وبتعزم عليه : تاخد؟؟


محمد: لأ

ملك: أمال باصصلى كده ليه لما مش عاوز :\

محمد: بتفرج عليكى شكلك حلو أووى وإنتى بتاكلى الشوكولاته

ملك: ^_^

محمد: ملك

ملك بتاكل وهى بتقرا إللى مكتوب على ورقة الشوكولاته كعادتها : نعم ؟؟

محمد: بحببببببببببببببببببببببك ^_^

بصتله ، إبتسمت وجريت على حضنه ، ضمها وهو بيضحك: طاب وربنا بعشششششق أهلك بقى

ملك: وإيه إللى جاب سيرة أهلى فى الموضوع دلوقتى ؟؟!!

محمد: طاااب أقول إيه ناس والله ما لاقى كلمه تعبر بجد

ورفعها عن الأرض إتعلقت فى رقبته وفضل يلف بيها وهى بتضحك من قلبها ^_^

وإذا بموبايلها يرن ويقطع عليهم اللحظة الحلوة دى >.<

نزلها وهى مكشره ونفسها تضرب إللى بيتصل ولقتها ياسمين

ملك: دى قرينتى هرد عليها معلش بقى عشان دى مجنونه ممكن لو ماردتش ألاقيها طابه علينا دلوقتى

محمد: أكيييييد ياسمين

ملك: ومين غيرها يتصل فى أى وقت كدهه ، ثوانى يا حبيبى هرد

ردت عليها ملك وكانت ياسمين بتطمن عليها ^_^ وعرفتها إن قرايبهم هيجوا بعد العصر عشان يسلموا عليها ويباركولها قبل ما يسافروا

قفلت معاها و بلغت محمد بالخبر

وكان ماسك دفترها وبيقرا فيه ، قالتله: طيب هسيبك أنا بقى وأدخل أجهز عباية للإستقبال عشان الناس إللى جايه بعد العصر إن شاء الله ^_^


بعد ما ملك جهزت هدومها وهدوم محمد دخلت المطبخ عشان الغدا والحمد لله ماماتها مجهزالها كل حاجه ومطبوخه تمام على التسخين بس ، سخنتهم وجهزت الأكل
وهى واقفه بتكمل تحضير حضنها محمد من ضهرها ^_^ وطبع قبلة على خدها :*

ملك: إيه يا حبيبي خلصت اليوميات ولا إيه ؟؟

محمد: لسه بس لقيتك بتحضرى الغدا قلت أما آجى أساعدك ^_^

ملك: ربنا مايحرمنى منك أبداااا بس ما تقلقش مش بطبخ ماما مجهزه كل حاجه والحمد لله

محمد: إيه ده يعنى هناكل من إيد حماتى إنهارده

ملك: أيووووووه ، ويلا بقى لو عاوز تساعدنى خد الأطباق إللى على الرُخامه دى ورصها ع السفره ^_^

محمد : من عيونى يا سلام إنت تؤمر يا جميل :* ^_^


إتغدوا ومحدش أكل بإيديه ، كل واحد أكل بإيد التانى ^_^ ^_^

خلصوا غدا وقامت ملك تغسل المواعين دخل محمد معاها المطبخ يسليها ويساعدها

هى تغسل وتناوله ينشف ويحط فى أماكنهم ^_^

خلصوا وعلى طول محمد راح على الدفتر يكمل قرايه أصله قرر يخلصه كله فى يوم ^_^

جابت ملك الدفتر بتاعهه هى كمان وقعدت جمبه ع الكنبه

إتمدد ،سند راسه على رجلها وكمل قرايه وهى بتقرا وتمسح على شعره ^_^

وكل ما تقرا تحب محمد أكتر وأكتر وتحترمه لأبعد الحدود ولقته كاتبلها بكل صدق عيوبه ومميزاته ورجع الإحساس بالخنقه تانى لملك ، هى كمان كتباله كل حاجه بالتفصييل الممل إلا موضوع وليد حذفاه تماماً ، بس خلاص دلوقتى قررت تقوله غمضت عنيها وإستجمعت قواها وقالت : محمد !!


وإنتهت حلقتنا هنا إنتظرونا الحلقه الجايه عشان نعرف ياترى ملك هتقول لمحمد ولا عند آخر لحظه هتغير رأيها ؟؟!! وياترى لو قالتله ردة فعله هتكون إيه ؟؟!!

إنتظرونا الحلقه الجايه عشان نعرف سوا ^_^

لـ #ندا_سليمان