الحلقة ʚϊɞ ʚϊɞ •.¸(23)¸.• ʚϊɞ ʚϊɞ

[img][/img]



ʚϊɞ ʚϊɞ •.¸(23)¸.• ʚϊɞ ʚϊɞ

وقفنا الحلقة إللى فاتت عند أما
محمد راح الشغل وملك كانت مستأذنه منه تقعد مع لينا فى الصيدليه شويه ، خلصت شغل بيتها ونزلت عشان تقعد مع لينا وهى نازله قابلت كرستين

إبتسمت ملك وقالت : إزيك يا مدام كرستين ؟؟

ردت كرستين بإستهزاء : برده هتفضلوا إرهابيين !

ملك: هم مين دول ؟؟

كرستين: المسلمين طبعاً هو فيه إرهابيين غيرهم !!!

ملك: ما إنتى أهه عايشه فى بلد إسلاميه وفى عماره كل إللى فيها مسلمين ما شاء الله يعنى أهه إنتى زى الفل ومحدش إتعرضلك حتى بكلمه واحده !!
مش ذنبنا بقى إنك واخده فكره غلط تماماً عن الإسلام والمسلمين

كرستين: الصوره وضحت زى الشمس يوم 11 سبتمبر يوم عمرى ما هنساه يا إرهابيين يا قتله

ملك: 11 سبتمبر أمممممممم للأسف حادثه مؤلمه فعلاً بس ممكن بقى بعد إذنك تسلطى معايا الضوء شويه على #فلسطين ، مش هذكرلك أى وطن تانى محتل هذكر فلسطين بس دى لوحدها كفايه !!
شوفى من يوم ما تم إحتلالها كام أسره مشرده حاملين مفتاح ديارهم على أمل الرجوع تانى !
شوفى كام طفل وكام ست بيمتوا بأبشع الطرق بلا رحمه !
شوفى كام بنت بتفقد أبوها أو أخوها كام ست بتفقد طفلها أو زوجها ، ممكن طفله تفقد أهلها قصاد عنيها وهى واقفه بتتفرج عليهم وهم بيمتوا برصاص المحتل !!
ولا المعتقلين ولا ولا ...... تحبى أذكرلك إيه تانى ؟؟!!!
بلاش تشوفى إللى على مزاجك وتعمى عينك وقلبك وعقلك عن أى شئ تانى غير الصوره إللى ركبتيها فى دماغك !!
بعد ما تشوفى دول بقى قوليلى مين الإرهابيين ؟؟!!!

ملك ردت عليها ومشيت ، كرستين إتعصبت من ردها بصتلها بغِل وفجأه دفعت ملك وهى نازله من ع السلم
فى نفس اللحظه إللى لينا فيها خلصت شغلها وطلعت تقعد مع ملك لما لقتها إتأخرت
ولسه هتطلع الدور الرابع ولقت كرستين بتدفع ملك وهى نازله من ع السلم ، جريت عليها لكن مالحقتش ، كانت ملك وقعت ، جريت لينا ولقتها فى الأرض بتتأوه إتصلت بالإسعاف وتعمدت ما تحركهاش عشان لو فيه أى كسر ، فضلت واقفه جمبها منتظره الإسعاف وعملتلها شوية إسعافات أوليه وكرستين واقفه عند أول السلم وكأنها لسه فايقه ومستوعبه المصيبه إللى عملتها
بصتلها لينا وقالت: إنتى إنسانه عدوانيه ومعقده ، فكرك هتعدى عملتك دى والله بعد ما نطمن على ملك لأروح أقدم فيكى بلاغ فى القسم عشان لما تتسجنى تتأدبى وتلزمى حدودك

وصل الإسعاف أخدوا ملك و ولينا راحت معاها ع المستشفى ، أخدت موبايل ملك وإتصلت بمحمد

رد : أيوه يا حياة قلبى

لينا : أنا مش ملك أنا لينا يا محمد

عدل صوته : أ أيوه يا لينا أمال ملك فين ؟؟؟؟!!!

لينا : ملك فى المستشفى

محمد بهلع : إييييييييييييييه ؟؟!!!! مستشفى لييييه ومستشفى إيه ؟؟؟!!!

لينا: لما تيجى إن شاء الله هتعرف بس إتطمن هى كويسه الحمد لله


قالتله على إسم المستشفى وبسرعه حتى من غير ما يستأذن ركب عربيته وراح ع المستشفى ، دخل الأوضه إللى فيها ملك وكانت نايمه بص عليها وعيونه بتلمع لقى راسها مربوطه ورجلها ودراعها الشمال مكسورين ووشها فيه شوية خدوش وكدمات ، قرب منها ومسك إيديها قبلّها ،غمض عيونه وحس بألم من منظرها

لقى لينا بتندهله من عند باب الأوضه ، مسح دموعه وخرجلها

لينا: ما تقلقش إن شاء الله ملك هتبقى كويسه ، الدكتور قال إن حصل كسر فى رجلها ودراعها الشمال وفيه خدش بسيط كده فى راسها سطحى يعنى عشان كده ربطوها بس ما تقلقش الحمد لله ربنا ستر وجت على أد كده الوقعه إللى ملك خدتها كان ممكن لقدر الله تتسبب فى أكتر من كده

محمد: قدر الله وما شاء فعل والحمد لله إنها جت على أد كده ، بس هى وقعت إزاى بس ؟؟!

لينا: ما هو ده الموضوع إللى عاوزه أتكلم فيه ، ملك ما وقعتش لوحدها من ع السلم

محمد: مش فاهم قصدك ؟؟!!!!!

لينا: أنا كنت طالعه لملك عشان أقعد معاها فى الشقه لأنها إتأخرت عليا ووصلت فى نفس اللحظه إللى كرستين دفعت ملك فيها من ع السلم

محمد: إيييييييييييه كرستييين ؟؟!!!! وهى تعمل كده ليه ؟؟!؟!!

لينا: معرفش والله وصلت متأخر وللأسف مالحقتش ملك ، أنا بقول بما إننا خلاص إتطمنا على ملك دلوقتى لازم نعمل محضر بقى

محمد: فعلاً ، ده إللى المفروض يحصل

لينا: أنا روحت فعلاً عملته وزمانهم جايين فى الطريق عشان يحققوا مع ملك بعد ما تفوق إن شاء الله

محمد: إن شاء الله ، متشكر جدا يا أنسه لينا

لينا: العفو على إيه بس دى ملك أختى وأكتر ربنا يحفظها وتقوم بالسلامه

محمد: اللهم آمييين

وفى اللحظه دى وصلوا أهل ملك ، باباها بيجرى بهلع وأمها معاه

أم ملك: بنتى حصلها إيه يا محمد ملك مالها

محمد: ما تقلقيش يا أمى ملك الحمد لله كويسه

أبو ملك : الحمد لله يا أبنى ، هى وقعت إزاى بس !!!

محمد غمز لحماه وأخده على جمب حكاله إللى لينا قالتله عليه وإن الشرطه فى الطريق عشان يحققوا مع ملك

وأم ملك مش على بعضها من ساعة ما شافت بنتها بالمنظر ده ، بتعيط ولينا بتسكتها وجت لوجين كمان ساعدت لينا عشان تهدّى أم ملك

رن موبايل أم ملك وكان مروان وهى منهاره مش قادره ترد عليه ، مسكت لوجين موبايلها وردت

مروان: أيوه يا أمى معلش كنت فى محاضره ولسه خارج

لوجين: أنا لوجين يا مروان

مروان: نعممممم ؟؟!! وإنتى مو

قاطعته : تعالى دلوقتى على مستشفى (...........) ملك وقعت من ع السلم بس ما تقلقش هى دلوقتى بقت كويسه الحمد لله

مروان: طيب طيب أنا جاى حالاً


وصلوا أهل محمد والمستشفى بقت مقلوبه عشان ملك

محمد سابهم ودخل قعد جمبها وهى نايمه ، والحمد لله ملك صحيت وأول ما فتحت عيونها لقت محمد جمبها ضغطت على إيديه بوهن وحاولت تبتسم بس حست بألم عشان فيه خدش فى شفّتها

محمد: حمدا لله على سلامتك يا قلبى

ملك بوهن : الله يسلمك يا حبيبي ما تقلقش أنا كويسه

محمد: أنا كنت هتجنن عليكى ، إيه يا حبيبتي حصل إيه بس ليه الإنسانه المعقده دى عملت كده ؟؟

ملك: يعنى دار بيننا حوار و ما توقعتش إنها هتعمل كده ، بس قدر الله وما شاء فعل

دخلت ممرضه وبلغتهم إن الشرطه وصلت عشان التحقيق

بصت ملك لمحمد بتعجب : شرطه وتحقيق ؟؟!!

محمد: عشان الحادثه إللى حصلت يعنى إحنا عملنا محضر فى كرستين وزمانهم محتجزينها ومنتظرين أقوالك عشان التحقيق يكمل ، يلا يا حبيبتي ألبسك نقابك عشان يدخلوا

لبّسها محمد النقاب ووقف جمبها ، دخل الضابط ومعاه كاتب ودخّلوا لينا بإعتبارها الشاهد الوحيد على إللى حصل

قالت لينا إللى شافته بالضبط وسألوا ملك عن إللى حصل

سكتت شويه وبعدين ردت : أنا إتكعبلت ووقعت من ع السلم محدش دفعنى

بصلها محمد وهو مصدوم ولينا كذلك !!!!

قرب منها محمد: ملك فى إيه ؟؟!! قولى إللى حصل

ملك: هو ده إللى حصل يا حضرة الضابط أنا إللى وقعت ومدام كرستين كانت واقفه عند باب شقتها يمكن لما لينا شافتها واقفه ظنت إنها دفعتنى

لينا: لأ يا ملك أنا شفتها وهى بتدفعك ع السلم

الضابط: ده آخر كلام عند حضرتك يا مدام ملك ؟؟

ملك: أيوه ده آخر كلام

خرج محمد يوصلهم بره وهو بيبص لملك نظرة وعيد !!!

لينا لملك: ملك إنتى ليه ما قولتيش الحقيقه ؟؟! ليه أنكرتى إن هى إللى دفعتك ؟؟

ملك: خلاص يا لينا بقى حصل خير

لينا: خير مين يا ماما ده إنتى كان ممكن تروحى فيها

دخل محمد وبص لملك بعصبيه : أقدر أفهم إيه إللى قولتيه للضابط ده ؟؟!!! ماقولتيش ليه إن كرستين دى هى إللى دفعتك ع السلم ما تردى عليا

ملك: محمد إهدى عشان خاطرى ، يعنى لو قلت عليها كان ده هيرجع رجلى إللى إتكسرت ولا إيدى ولا حتى هيصلح حاجه فى الموقف بالعكس العداوه كانت هتزيد بيننا ، ما تقلقش أنا هبقى كويسه إن شاء الله

دخلوا أهلها وأهل محمد يتطمنوا عليها ، فضلوا قاعدين معاها وهى ملاحظه ملامح محمد وضيقه من تصرفها

مر الدكتور وطمنهم على ملك بس قالهم إنها هتفضل فى المستشفى تحت الملاحظه يومين إن شاء الله

فضلوا يفكروا فى إللى هيبات معاها وطبعاً محمد أول واحد وكان مصمم إنه يبات معاها بس ملك رفضت وقالت مش عوزاه معاها عشان شغله ومش عاوزه تتعبه وكمان هم حطوها فى أوضه فى قسم الحريم يعنى المرافق إللى معاها لازم يكون بنت ، مامتها وحماتها كل واحده فيهم مصممه تبات مع بنتها

ساره عندها إمتحانات وكمان لينا فملك رفضت كل دول وكانت الوحيده إللى معندهاش جامعه اليومين الجايين ومش مشغوله عشان تبات مع ملك عادى يعنى هى لوجين ، وملك وافقت لوجين تبات معاها وخلاص فى النهايه الحمد لله إقتنعوا

كلهم مشيوا وسابوا محمد ومروان سهرانين مع ملك ، مروان بعد ما إتطمن عليها طلع وساب محمد قاعد معاها ، لقى لوجين واقفه فى آخر الممر مشى من الناحيه التانيه عشان ما يحصلش بينهم كلام

محمد لسه برده زعلان من ملك ، إبتسمت ملك وقالتله : لسه قلبى زعلان منى ؟؟

محمد: يا ملك يا حبيبتي أنا ماكنتش عاوزك تفرطى فى حقك بالشكل ده كان لازم تتأدب وتلزم حدودها معاكى بقى من يوم ما إتجوزنا وهى قليلة ذوق بشكل متناهى وأهه جت الفرصه نعلمها الأدب


ملك: طيب أحكم إنت ، قالتلى من يومين كده المسلمين إرهابيين رديت وقلت المسلمين متسامحين ، وهى دلوقتى آذتنى وأنا عندى القدره أردهالها الصاع صاعين ومع ذلك عفيت عنها وسامحتها كل ده بس عشان أعرفها يعنى إيه العفو عند المقدره يعنى إيه المسلم متسامح ، هى واخده فكره وحشه أووى عن الإسلام بل ما تعرفش حاجه عنه أصلاً خلينى بقى أعرفها يعنى إيه الإسلام من خلال تصرفاتى وتعاملى معاها مش الكلام إللى ملوا دماغها بيه وزاد بحادثة 11 سبتمبر إللى كان حوارنا عنها إنهارده !!

محمد: أيوه يا حبيبتي أنا معاكى بس

قاطعته : ما بسش يا قلبى سيبنى بس والله انا عندى هدف من ورا كل ده إصبر وسيبنى أوصله وإدعيلى بقى

محمد: ملك إنتى أغلى حاجه عندى فى الدنيا وأى حاجه تمسك بتقتلنى

ملك: سلااامتك ياا قلبى والله انا الحمد لله بقيت كويسه ، الكسر هيلتأم بسرعه إن شاء الله والخدوش دى كمان كلها شهرين وهتختفى إن شاء الله ما تقلقش بقى وإبتسم الله عشان خاطرى

محمد: مااشى ، بس يا بت إنتى هو انا قلبى ضعيف من ناحيتك كده ليه ..!! أول ما وصلنى التليفون كنت هتجنن وكنت هعمل 100 حادثه فى الطريق عشان اعرف أوصلك بسرعه ، هو أنا بعشقك كده ليييييييييييييييييييييييه


ملك: هههههههههههه ، ربنا ما يحرمنى منك أبدااا يا روح قلبى ويحفظك ليا من كل سوء



مروان نزل قعد تحت عشان ما يتكلمش مع لوجين ، لوجين واقفه فوق وشيفاه ، بتفتكر كلام ملك وحكايته مع سلمى نفسها تقرب منه وتقوله ما تقلقش جرحك هيتدواى نفسها تقوله هى أد إيه بتحبه عشان يحس بيها ويرحمها من العذاب إللى هى فيه ، ((أنا دلوقتى بس عرفت أد إيه الحب من طرف واحد مؤلم )) لوجين لنفسها

وإنتهى وقت الزياره والممرضات طلبوا من محمد ومروان يمشوا ، سلّم محمد على ملك ،وصى لوجين تاخد بالها منها وسبق مروان على تحت ، سلّم مروان على أخته وهو خارج قال لوجين :
خدى بالك من ملك ومن نفسك وياريت تقفلوا على نفسكم الباب كويس وماتخرجيش بالليل هه !!


إبتسمت لوجين وردت : لا خلاص بطلنا خروج بالليل ، حاضر ما تقلقش

مشى مروان وهو بيحاول يهرب من عيونها ومن الصراعات إللى جواه !!!

دخلت لوجين لملك وعملت زى ما قالها مروان قفلت الباب بالمفتاح وقعدت جمب ملك


المهندس مجدى خد عربية مروان عشان يروح بيها هو ومامته لذلك مروان ركب العربيه مع محمد

محمد وهو بيسوق : والله فيها الخير لوجين عشان رضيت تبات مع ملك ، بصراحه يعنى من يوم ما سكنا فى العماره أنا وملك ولوجين ما بتسبهاش خالص بنت ناس وأصلها طيب ومحترمه يا بخت إللى هتكون من نصيبه

مروان فهم قصده ورد بخبث : إيه كل ده يا محمد!! إنت ناوى تتجوز على أختى ولا إيه !!

محمد: يا سلام لو ملك قاعده معانا وسمعتك هتسيّح دمى قبل دمك O.o !!
شوف أهه رغم إنى ما إتكلمتش فى حاجه بس السيره دى كفيله تطير رقبينا يا باشا فلم نفسك وأنا عارف كويس أوى إنك فاهمنى فبلاش نلف وندور هه

مروان: حلو الكلام بلاش نلف وندور ، لوجين بنوته كويسه ومحترمه وأى واحد يتمناها غير مروان ، لأن مروان خلاص ما بقاش بيتمنى حد ولا بقى بيفكر لا فـ حب ولا جواز

محمد: ليه إن شاء الله ناقص إيد ولا رجل :\ !!!

مروان: لا وإنت الصادق ناقص قلب :\ !!!!

محمد: هنرجع تانى برده للموضوع ده يا مروان مش قلنا هنشيله من دماغنا

مروان : قلنا ! بس مش كل حاجه بنقولها بنقدر ننفذها ، وسبق وقلت لملك أنا تفكيرى فى الموضوع مش فى سلمى لأن خلاص تفكيرى أكبر من إنه يتناول واحده زى دى إنما كل ما فى الامر إن ثقتى خلاص إتهزت فى موضوع الحب والجواز ده بس

محمد: مسيرها الثقه دى ترجع تانى يا مروان بس إنت إدى فرصه لنفسك وبلاش تقسى عليها بالشكل ده !!

مروان: ربنا يسهل بقى

...........................................................

كرستين بعد إللى عملته فـ ملك حست بخوف دخلت شقتها و حاسه بقلق وبالفعل لقت الباب بيخبط :O ،، تم إستدعائها عشان لينا قدمت فيها محضر ، راحت القسم وفتحوا معاها التحقيق طبعاً نفت كل حاجه :\
وأثناء ما الضابط بيحقق معاها دخل زميله إللى كان عند ملك فى المستشفى وقاله إن مدام ملك نفت فى التحقيق إن مدام كرستين دفعتها من ع السلم

كرستين أول ما سمعت كلام الضابط إستغربت إن ملك ماقالتش الحقيقه رغم إن كان بإيديها تقول على إللى حصل وتسجنها !!

روحت بيتها وجواها تساؤلات كتيير من ردة فعل ملك !!!

وهى غرقانه فى تفكيرها بصت على صورة أبوها إللى متعلقه ع الحيطه قامت مسكتها وسالت دموعها وهى بتقول : I miss you so much dady :'(

...........................................................

ملك أول ما حطت راسها ع المخده ناااامت وكأن بقالها سنين ما شافتش النوم ولوجين فضلت جمبها صاحيه مجافيها النوم ، نفسها مروان يحس بيها
حاولت كتير تبطل تفكير فى مروان لكن بلا جدوى !! ياريت بإيدينا نختار إللى نفكر فيه ماكنش حد غلب !!!!


وتانى يوم الصبح محمد عدى على ملك قبل ما يروح الشغل (هو كان واخد أجازه عشان خاطرها بس هى أصرت إنه يروح الشغل ومايخدش أجازات ) ، إتطمن عليها ومشى

بعدها بساعه جه مروان ومعاه ياسمين كانت لسه عارفه بإللى حصل لملك وجت تشوفها
لوجين لما شافت ياسمين مع مروان إتضايقت وكانت عاوزه تعرف مين دى ؟؟!!!

مروان ساب ياسمين مع ملك وخرج بره ، لوجين سلمت وملك حست إنها عاوزه تعرف مين دى فعرفتها على ياسمين وركزت أووى على إن هى أأكبر من ملك بسنه يعنى أكبر من مروان

لوجين سابتهم مع بعض وخرجت ، شافت مروان واقف راحت عنده

لوجين: إزيك يا مروان ؟؟

مروان: الحمد لله كويس

لسه هيمشى لوجين قالت : صوابعك مش زى بعضها يا مروان

مروان إلتفتلها وسأل بتعجب : مش فاهم قصدك إيه بالجمله دى ؟؟!!

لوجين : قصدى إن مش كل الناس وحشين أو بيجرحوا

مروان فهم قصدها وإتضايق إنها عرفت فرد بعصبيه : برده مش فاهم بتقولى الجمله دى ليه دلوقتى ؟؟!!

لوجين : إنت فاهم قصدى بس مش عاوز تواجه نفسك بيه ولا عاوز تفهم حاجه أصلاً

مروان: فى حاجات كتيير فى حياتنا بتكون أحسن لو مافهمنهاش !!

لوجين : قصدك لو عملنا نفسنا مش فاهمينها :\ !!!

مروان: مش هتفرق
عموماً يا لوجين أنا ممنون ليكى وقوفك جمب أختى ومساعدتها بس صدقينى مش أنا الإنسان المناسب ليكى

وش لوجين إصفر إتعصبت وردت : إنت مجنون ؟؟!!! إنت فاهم إنى بت إمبارح مع ملك ولا كنت معاها عشانك إنت ؟؟!!! ملك أنا أعرفها من قبل ما أشوفك وهى أختى وأكتر من كده وربنا وحده إللى يعلم ، بس مكنتش متوقعه إن تفكيرك ينحدر بالشكل ده يا مروان !!
أنا لا بفكر فيك ولا فى غيرك ، بس كان نفسى تكون ذوق أكتر من كده وتتذوق كلامك قبل ما تخرجه ، بعد إذنك !!!!

سابت مروان ونزلت ، مارضيتش تدخل الاوضه عشان ملك ماتلاحظش الضيق إللى هى فيه ، لقت أوضه فاضيه دخلت فيها وإتفتحت فى العياط حست بجرح فى كبريائها وكرامتها حست إنها مدلوقه على مروان لامت نفسها وقررت إنها تمنع نفسها من التفكير فى مروان ، حست إنها زعلانه أووى منه ، صوت جواها قالها : كفااااااااااايه :'(


مروان بعد ما لوجين مشيت نده عليها بس ولا كأنها سمعاه حس بضيق أووى من نفسه وندم إنه قالها كده بس رجع قال أحسن خليها تكرهنى عشان ما تحطش أمل فيّا .... !


مسحت لوجين دموعها وطلعت لملك ولا كأن فيه حاجه ، بس ملك لاحظت الزعل على وشها ولاحظت كمان إنها معيطه ولما سألتها لوجين قالت : مفيش حاجه


والكل جه يتطمن على ملك وقضوا معاها اليوم ، مشيوا وسابوا لوجين معاها

ملك كانت نايمه وصحيت تشرب لقت لوجين بتعيط ، سألت : لوجين مالك يا حبيبتي ؟؟!!!

مسحت لوجين دموعها وقالت : مفيش ولا حاجه يا ملك

ملك: يا سلام والمطلوب منى أصدق صح ؟؟!!!

لوجين : ملك أنا بجد تعبت وإتخنقت :'( ، حاسه بجرح فى كبريائى وكرامتى ، تخيلى مروان فاكر إنى ببات معاكى عشانه هو وعشان أكبر فى نظره وأتقرب منه :'( ??!!

ملك: إيه التخرريف إللى بتقوليه ده يا بنتى مروان أخويا تفكيره مش كده خااالص !!!

لوجين : لأ كده >.< ، هو قالى ده بنفسه قالى أنا ممنون ليكى وقوفك جمب أختى ومساعدتها بس صدقينى مش أنا الإنسان المناسب ليكى :'( !!

إتضايقت ملك من مروان : خلاص بقى يا قلبى معلش وانا بكره إن شاء الله هشوف إزاى يقولك حاجه زى دى >.<

لوجين : لأ يا ملك لو سمحتى ما تفتحيش الموضوع ده تانى خلاص أنا ولا بحب مروان ولا غيره وأرجوكى يا ملك بقى إنهى الموضوع ده كفايه لحد كده :'(

حاولت ملك بكلامها تهديها ، نامت لوجين و ملك نامت بعد تفكير عميق فى حل لـ إللى مروان أخوها فيه ولأسلوبه مع لوجين

نامت ملك وغرقت فى أحلامها ، شافت نفسها بفستان رقيق أووى ومحمد ماسك إيديها ومبتسم ^_^
فجأه سمعت صوت نباح كلب بصت وراها لقت كلب إسود شكله مخيييف بيجرى ناحيتهم بصت قصادها ملقتش محمد دورت عليه بعنيها وملقتهوش ، فضلت تجرى بهلع والكلب بيجرى وراها لحد ما مسك طرف فستانها وفضل يجذبها ناحيته وهى بتحاول تجرى عشان تهرب منه ، قرب منها الكلب ولسه هينقض عليها و صحيت ملك ، صحيت وهى بتتنفس بسرعه كأنها كانت بتجرى بجد :O

لوجين : خير يا حبيبتي إنتى شفتى كابوس ؟؟

ملك: مايه هاتى مايه

ناولتها لوجين المايه وقالت : أسفه إنى صحيتك بس انا لقيتك بتنازعى وإنتى نايمه فقلت أكيد إنتى بتشوفى كابوس

ملك: الحمد لله إنك صحتينى

وفضلت ملك تردد ( لا إله إلا أنت سبحانك إنى كنت من الظالمين )

مر الدكتور وكتب لملك على خروج ، جه محمد ومروان إستناه فى العربيه ، مرضيش يطلع عشان لوجين

محمد شال ملك وحطها فى العربيه ولوجين لمت حاجات ملك وحاجاتها وحصلتهم ركبت ورا مع ملك وكأنها مش شايفه مروان قصادها وهو كمان تجاهلها >.<

وصلوا العماره وملك طلبت من محمد ينزلها ويسندها بس وهى هتمشى
لوجين سلمت على ملك وقالت هتبقى تطلع لها بعدين لما ترتاح شويه ، سبقهم مروان يفتح الشقه ومحمد ساند ملك وبيطلعها واحده واحده وقفت ملك فى المكان إللى وقعت فيه وإفتكرت إحساسها لحظتها غمضت عنيها وكأنها بتطرد الإحساس ده > ، محمد لاحظ و أصر المره دى يشيلها ،،شالها لحد باب الشقه نامت فى سريرها ومروان قالها هيروح كورس ويبقى يعدى عليها بعده

جت أم ملك عشان تقعد معاها يومين لحد ما تفك الجبس وتتعافى

مر اليوم مزحووم من الناس إللى جت تسأل على ملك وأخييراً ملك هتنام بعد تعب اليوم ده

نام محمد جمبها ، قبّل راسها ونام ، ملك غمضت عنيها وشافت نفس الكابوس إللى كان فى المستشفى :O :O >


محمد قام بالليل وشافها بتنازع وفجأه بدأت دموعها تنزل وهى نايمه ، بسرعه صحاها وناولها كوباية مايه ، صحيت وصورة الكلب إللى بتشوفه فى الكابوس مش عاوزه تفارقها > !!!

حكت لمحمد الكابوس إللى لـ تانى مره تشوفه وهو هداها وحاول يطمنها

قرألها قرآن لحد ما راحت فى النوم -_-

................................................................

ياسمين قاعده متضايقه على ملك وإللى حصلها ومتضايقه على حالها لقت موبايلها بيرن وإتفاجأت لما لقت المتصل وليد !!!

ردت عليه وكان على غير عادته بيكلمها كلام حلو ويعبرلها عن حبه كأنه كان لسه مكلمها إمبارح مش من أسابيع وقالها مفاجأه فرحتها أوووى

ألا وهى إنه راجع مصر بعد شهر إن شاء الله .............!!!!!!!

وإنتهت حلقتنا هنا إنهارده ،إنتظرونا فى الحلقات الجايه إن شاء الله عشان نعرف ياترى رجوع وليد لمصر فيه أذى لملك ؟؟!!! وياترى إيه حكاية الكابوس إللى ملك شافته مرتين ده ؟؟!!! يا ترى كرستين ناويه على إيه تانى مع ملك وملك هتتصرف معاها إزاى ؟؟!!

لــ #ندا_سليمان