الحلقة ʚϊɞ ʚϊɞ •.¸(36)¸.• ʚϊɞ ʚϊɞ

[img][/img]



ʚϊɞ ʚϊɞ •.¸(36)¸.• ʚϊɞ ʚϊɞ

وقفنا الحلقه إللي فاتت عند أما
مشيت عليا وسابت داليا شارده ، إفتكرت إنهارده لما شافت علي في القاعه وعملت نفسها مش شيفاه ، تحاملت على نفسها وراحت ع الحمام ، كانت حاسه إنها هتفقد وعيها لما شافته ، إفتكرت لما كانت واقفه مع طارق ولمحته مستخبي ، بدأت تتجمع قصادها كل ذكرياتهم سوا ،بصت لـ رقمه وداست إتصال بإيدين مرتعشه
.
.
.
شارد في الفراغ وعيونه شايفه ملامحها فـ كل مكان ، رن موبايله برقم غريب فـ طنشه لكن الرقم مُصر ، زفر علي بضيق ورد : ألو

أول ما سمعت صوته إتجمعت الدموع في عيونها وأنفاسها بدأت تخرج بصعوبه ، سيطرت على نفسها وردت : علي !

أول ما نطقت إسمه إتردت فيه الروح ، غمض عيونه وهو سامع صوت أنفاسها وبدأ يتنفس بـ راحه حاسس إن الأكسجين دلوقتي وصل لجسمه :'))

داليا : ممكن أشوفك بكره ؟!

على : تشوفيني !! أ أ أيوه أيوه ممكن طبعاً امته وفين ؟!

داليا : فاكر أول مره في حياتنا نخرج سوا ؟

ابتسم علي ورد : طبعا انا عمري مانسيت لحظه واحده جمعتنا يا داليا :')

داليا : خلاص يبقي هنتقابل بكره ان شاء الله في مكاننا الساعه 12

علي : ده برده نفس الميعاد إللي خرجنا فيه يومها :'))

ابتلعت داليا ريقها : على ممكن اطلب منك طلب ؟

على : أكيد اتفضلي ^^

داليا : ممكن بكره إن شاء الله تجيب معاك اي ذكري بينا يعني الورود والجوابات والهدايا لو لسه موجوده عندك يعني ؟

على : طبعاً كل حاجه لسه موجوده بس ليه يعني عوزاهم ليه ؟؟!

داليا : هتعرف بكره ان شاء الله بس ارجوك يا علي تجيبهم معاك كلهم وماتتأخرش بكره

على : حاضر )

داليا : اشوفك بكره بإذن الله ، مع السلامه

على : خدي بالك من نفسك ، مع السلامه

استنى لما قفلت وبص للموبايل وهو مش مصدق انه من شويه كان بيكلم داليا ، لسه صوتها بيتردد في ودنه ، حضن الموبايل والبسمه مرسومه على شفايفه ، ركب عربيته ورجع ع البيت فضل يقلب في هدومه ويقيس في كل القمصان وشويه يجرب البدل وفي الآخر قرر يلبس القميص إللي داليا جبتهوله هديه ، كواه وجهز كل هدومه ، رمى نفسه ع السرير وسرح في السقف ولسه سامع صوتها في ودانه فضل شارد في ملامحها لحد ما نام .....
~
~
~
داليا من بعد ما قفلت مع علي وهي شارده ، مددت جنب هنادي ولارا ومش جايلها نوم ، خايفه من مقابلة بكره أوي ، خرجت من الأوضه ولقت عادل وأحمد قاعدين في البلكونه

داليا : الله الله سهرانين لحد دلوقتي ليه يا أساتذه !

عادل : مش جايلنا نوم فـ بنتسلى شويه ، تعالي ألعبي معانا

داليا : أوكشن هروح أعملنا دور شاي وأجي أقطعكم

أحمد : إحنا بنلعب مصارعه !!! دي كوتشينه بس لوجيتي هنلعب الشايب ويا وييييلكم بقي اللي هيقع في ايدي

عادل: جزار من يومك تصدق لايق عليك تطلع جزار احم قصدي دكتور

داليا : ههههههههههه هروح اعمل الشاي واجي لحد ما تفرقوا الورق وتجهزوا بس محدش يخم هه خلو عندكم ضمييير
.
.
عملت الشاي وقعدت تلعب معاهم ،بدأت تنسى همها وقلقها مع ضحكاتهم ، حاسه انها فـ حلم ، ماتخيلتش في يوم من الايام انهم ممكن يتجمعوا من تاني زي زمان بتتأمل أحمد وعادل وحاسه براحه نفسيه بوجودهم جنبها ، فضلوا سهرانين بيلعبوا ويتسلوا لحد ما وقفتهم داليا :
كفااايه انتوا مفتريين استغليتوا طيبتي عشان ما بحكمش عليكم وانا اتسليتوا عليا احكام يا دزم

أحمد: أمال فين هقطعكم ومعرفش ايه طلعتي فستك خالص

داليا : هو فيه دكتور محترم يقول فستك ، ماشي ماشي هعديهالك بس قوم يا فالح انت وهو يلا باقي نص ساعه ع الفجر تعالو نصلي ركعتين جماعه

عادل : والله زمااان يا داليا فاكره لما كنا نسهر كده ونصلي ركعتين جماعه قبل الفجر :'))

ربتت داليا على كتفه : ودي ايام تتنسي :') ! يلا بينا بلاش نضيع وقت احسن الفجر يأذن

اتوضوا ووقف عادل إمام ، صلوا لحد الفجر ، نزل احمد وعادل ع المسجد وداليا صلت وبدأت تدعي ربنا يطمن قلبها ، قالت دعاء الاستخاره ونامت .....

•••••••●••••••••●••••••••••●•••••••••●••••••••●••••••

كان سهران واقف بين إيدين ربه بيناجيه ويبكي بحرقه ، من يوم الحكم عليه بالإعدام وهو متغير 180 درجه ، بيصوم كل يوم عشان يكفر عن كل ذنوبه ، أصبح مابيضيعش لحظه واحده وهو بعيد عن ربنا ، مابينامش وإن نام فـَ ساعه واحده أو اتنين عشان يقدر يقف في الصلاه ، مصحفه دايماً في إيديه بيونسه في وحدته بين 4 حيطان في زنزانه كئيبه خلاص باقي أسبوعين ويتنفذ الحكم أصبح كل همه يكفر عن ذنوبه ويتوب عشان يقدر يقابل ربه
كل لحظه يغمض عينه فيها يشوف ذنوبه فـ يفتحها ويجري يسجد بين إيدين ربنا ويبلل الأرض بدموع الندم والخشيه
.
.
أما عن جاسر ومحمود فهم من يوم الجلسه وهم مابينطقوش ، مقضينها نوم ، يمكن فاكرين إنهم بالشكل ده هيهربوا من الأمر الواقع ، أو يمكن أقنعوا نفسهم إنهم عايشيين في كابوس ومسيرهم يفوقوا منه وكأن شيئاً لم يكن .....!!!

•••••••●••••••••●••••••••••●•••••••••●••••••••●••••••

داليا من وقت ماصحيت وهي متوتره ، وقفت قدام الدولاب ، فتشت في هدومها القديمه لحد ما لقت الفستان إللي كانت لبساه في أول خروجه مع على وهي لسه بنوته في الإعداديه ، ظهر شبح إبتسامه على شفايفها ) وقررت تقيسه ، كان زمان ضيق عليها بس بعد الحادثه وحالتها النفسيه إللي خلتها تخس أضعاف وزنها بصت دلوقتي في المرايه ولقت الفستان كمان واسع عليها !!
لبسته ، لفت حجابها و قررت تروح قبل علي ، أخدت معاها كل إللي باقي من ذكرياته وهداياه وراحت في مكانهم ، قعدت وعيونها شايفه البنوته البريئه إللي لسه يدوبك ماتمتش 14 سنه من عمرها قاعده مع حبيبها إللي وعيت ع الدنيا ولقت نفسها ليه :')) ، حاسه دلوقتي إنها شايفه المشهد قصاد عينيها كإنه حقيقه مش مجرد تهيؤات وذكريات بتطاردها دلوقتي :')) ، لاحت دمعه حيرانه في عيونها وفجأه شمت ريحته مابقتش عارفه دي ريحة الحنين ولا هو بجد ؟! مابقتش عارفه تفرق هي عايشه في الماضي ولا الحاضر !
لحد ما سمعت خطواته وراها فإرتجف جسمها وعرفت إنها في الحاضر ، إلتقطت الدمعه إللي واقفه في عنيها قبل ما تنزل وبدأت تاخد نفس عمييق وتطرد توترها مع الزفير عشان تهدا وتقدر تنفذ كل إللي خططتله ..........
~
~
على لبس هدومه وغرق نفسه من البرفيوم إللي داليا بتحبه ونفذ طلبها ، جمع كل ذكرى ليها عنده وحطهم في شنطة العربيه ، اشترى بوكيه ورد ، وراح الساعه 12 بالضبط في مكانهم ، لمحها قاعده ومداليه ضهرها أول ما شاف منظرها إرتجف قلبه حاسس كإنه عايش في مشهد من الماضي ، لابسه نفس الفستان وقاعده في نفس المكان مستنياه :')) ، قرب منها ولاحظ إن جسمها إرتجف أول ما وصل كالعاده بتقدر تميزه من ريحته وخطوات رجليه :'))
~
~
~
بتدور ع الملف فـ كل حته وهتتجنن

_ يا هاله يا حبيبتي على مهلك يا ماما إنتي مش قادره تتحركي

هاله : أعمل إيه بس يا ماما أنا هتجنن إزاي ملف زي ده يضيع كده مش ممكن ، الملف ده لازم الممرضه تعدي عليا تاخده انهارده والمفروض أساساً كان يتبعت من شهر ، طيب إفتكري معايا كده يا ماما حطيته فين عشان خاطري (

_ بس إنتي منظمه وبتحافظي على قصقوصة الورق أكيد يا حبيبتي حطاه في حته وناسيه يمكن في العياده ؟

هاله وهي بتقعد ع الكرسي ومش قادره تاخد نفسها : لأ يا ماما أنا جبت كل الملفات إللي في العياده لما كنا بنفرش ووديتهم الشقـ

جحظت عينيها : ماما الملف في الشقه عند علي

_ قولتلك 100 مره روحي لمي باقي حاجتك من هناك وإنتي بتأجلي أهه إنتي محتاره دلوقتي يا هانم هتتصرفي إزاي ؟!

هاله : هو بابا راجع امته ؟ يعني يروح معايا الشقه اجيبه واجي بسرعه

_ أبوكي راجع الساعه 2 بالليل ان شاء الله انتي ناسيه انه مسافر اسكندريه!

هاله : يا ربييي (( طاب أعمل إيه دلوقتي ؟؟!

_ كلمي علا وخليها تقول لأخوها إنك عاوزه تروحي الشقه

هاله : لا لا أنا هكلمها وأشوف لو مش موجود يبقى مفيش داعي تقوله هروح أنا بسرعه وآجي

_ طيب تمام روحي يلا يا حبيبتي وعلى مهلك

مسكت موبايلها وطلبت علا : إزيك يا علا ؟

علا : الحمدلله يا حبيبتي وحشاني أووي طمنيني أخبارك وأخبار حملك ؟ حبيب عمتو بخير ^^ ؟

هاله بإبتسامه بارده : أه الحمدلله ، بقولك يا علا معلش كان ليا حاجات ضروريه في الشقه عند علي ممكن لو تكرمتي تشوفيه موجود في الشقه ولا لأ ؟

علا : مش موجود دلوقتي لإن أنا وعليا كنا ناويين نروحله ولما كلمناه قال إن عنده شغل ومش هيرجع قبل ساعتين كده ان شاء الله ، بس ليه خير ؟

هاله : كويس أوي ، لا مفيش أنا بس عاوزه أروح الشقه أجيب أوراق مهمه ليا يعني بس معلش يا علا مش هتعرفي تجيبلي المفتاح ؟ لو ممكن أعدي عليكي وتديهولي ؟

علا : بصي يا حبيبتي أما تروحي الشقه هناك على بيحط المفتاح الإحتياطي في الزهريه إللي جنب الباب

هاله : تمام متشكره جداً ) مع السلامه

علا : مع السلامه

قفلت معاها ، غيرت هدومها بسرعه وراحت ع الشقه عشان تلحق تجيب حاجاتها قبل ما علي يرجع ...
~
~
~
قرب منها ومن غير كلام قعد جنبها فإرتجف جسمها للمره التانيه ، إدالها البوكيه إتناولته و حاولت تسيطر على أعصابها لكن هيهات توترها باين أووي من أنفاسها المتلاحقه وإيديها إللي قابضه ع الفستان بخوف

على : إزيك يا داليا ؟

داليا بصوت أقرب للهمس : الحمدلله وإنت ؟

على : أنا ؟! وهو فيه ميت بيسألوه إزيك ؟!

رفعت داليا عينها من الأرض وبصتله بقوه : عادي ما إنت سألت مدبوحه خليتيهم ليه يدبحوكي !!

بص في الأرض بندم ، إتنهد بألم ورجع بصلها : داليا أنا بعترف إني غلطت وكنت في منتهي الغباء لما فكرت ألومك وأتخلى عنك (

لمحت إزازة مكسوره على جنب شاورتله عليها : تفتكر الإزازه دي لو إللي كسرها جه وقف عندها وفضل يقولها أسف إني كسرتك هترجع زي ما كانت الأول ؟ تفتكر ؟؟!

على : أنا عارف إن حتى أسفي ملوش لازمه يا داليا بس إللي بيحب بيسامح

داليا : وماقولتش لنفسك كده ليه لما لومتني ومافكرتش تسامحني على غلطه مليش أي ذنب فيها ؟؟!!

علي : كنت غبي إشتميني حتى إضربيني لوميني طلعي كل إللي جواكي يا حبيبتي

داليا : ههههههههههههههههههه حبيبتي !!! ياااه أد إيه الكلمه دي بقت بتوجع أوي على أد ماكانت بتخليني طايره من الفرحه على أد دلوقتي ما هي بتطعن في قلبي :'(( بس أنا مش جايه إنهارده عشان أعاتبك ، العتاب بيبقى للناس إللي باقيين عليهم بس أنا خلاص مابقتش باقيه على حد يا على :'))

على بخوف : مش فاهم ؟؟!!

داليا : إنهارده جبتك عشان نحط حد لقصه إبتدت من زمان ولازم تنتهي بقى ماينفعش تفضل معلقه كده ! مينفعش قلبك وقلبي يفضلوا متعلقين لازم أنا وإنت دلوقتي نكتب النهايه

علي برجاء : داليا أرجوكي ماتسيبنيش أنا تعبان أوي فـ بعدك ومش هقدر أعيش من غيرك

داليا : يومين وهتتوعد وهتقدر تعيش من غيري ماتقلقش ) ممكن بقى تسمعني بهدوء ؟

على : إتفضلي

داليا : لإن قصتنا كانت مختلفه عن كل قصص الحب لازم نفترق برده بطريقه مختلفه ، لازم نفترق وإحنا بنضحك ومبسوطين ومش فاكرين لبعض غير الذكريات الحلوه وبس :')

على : نفترق !!!!

داليا : على ، مش بيتهيألي كفايه أنانيه !!! وهاله ذنبها إيه ؟! وطفلك كمان ذنبه إيه يجي على وش الدنيا وأبوه مش جنبه ؟! ممكن كفايه بقى تفكير بأنانيه ؟؟! إللي محتجالك أكتر مني دلوقتي هي هاله وطفلك إللي فـ بطنها ، أنا حاولت كتير أفكر إني أرجعلك بس صدقني مش قادره أنسى ، مابقاش عندي القدره أحب أو أحس بأي حاجه ولا عندي قدره أكون أسره وحياه فأرجوك تتفهم بقى وماتصعبش الأمر عليا وعليك :'((

علي : والمطلوب مني

داليا : تساعدني أنا وإنتي نتخطي لحظة الفراق :'(( ، صحيح جبت الحاجه ؟

علي : أيوه في العربيه يا تري عوزاها ليه ؟!

داليا : ممكن تروح تجيبها من العربيه وتيجي ؟

قام جابهم من شنطة العربيه ورجعلها ، إبتسمت لما شافتهم ، وقفت ومسكت الورود بتاعتها وبتاعته ومن ضمنهم البوكيه الجديد قسمتهم وإدتله مجموعه

على : أعمل بيهم إيه ؟؟

داليا : أقف معايا وإرميهم ، وأرجوك إسمع كلامي في كل إللي هعمله من غير نقاش

على : طيب إنتي حره لو عاوزه تدمري كل ذكرياتي وتعيشي حياتك ليه تجبريني أنا أتخلص منهم ما انا حر أنا عاوز كل حاجه !!

داليا : لأ ، إنهارده مفيش حاجه إسمها أنا حر ، فيه حاجه إسمها إحنا الإتنين هنساعد بعض نتخطي المرحله دي

على : مش هرمي حاجه !

داليا : علي ! ممكن تختار ؟ إما تخسرني للأبد أو إنك تكسبني من تاني كصديقه وأخت وبنت خاله ؟! تختار إيه ؟!

على : أختارك حبيبه وزوجه

داليا : لاحظ إني إديتلك إختيارين مابقاش ينفع حاجه غيرهم لو هتختار تخسرني للأبد يبقى ماترميش الورد ولا تعمل إللي هقولك عليه ولو لسه باقي عليا صديقه وأخت وقريبه يبقى نفذ وإعمل زي ما أنا هعمل :'((

بدأت ترمي الورد وهو بيبصلها وقلبه بيعتصر ودموعه سايله على خدوده بصتله داليا وعيونها بتسأله إخترت إيه ؟! فلقى نفسه واقف زيها ومغمض عينيه وبدأ يفرد إيديه ويطلق العنان للورد يطير مع نسمات الهوا إللي أصبحت لطمات على خدوده بتفوقه من أحلامه لكابوس #الفراق ....
.
.
رموا الورد فإتناولت الجوابات أخدت جزء منها وبدأت تقطعه لقطع صغيره وإدتله الباقي وطلبت منه يعمل زيها ، بدأ يقطعهم وكإنه بيقطع قلبه ويفتته :'( حاسس بآلام شديده في قلبه يكاد يصرخ من شدتها :'(( وهي بتحاول تبين إنها قويه وتكتم صرخة ألم جواها :'( كل ما دموعها تتجمع وتبقى على وشك النزول تلحقها بسرعه بكمها وتمسحها ، كل ماتقطع جواب تشوف قصادها نفسها وهي بتقراه وتفتكر إحساسها وقتها وتفوق من أحلامها على صوت الجوابات وهي بتتقطع بقوه ، قوه بتزلزل كيان الذكريات إللي جمعتهم سوا وتهدمها :'( ، بعد ما قطعوهم جمعتهم وراحت عند بتاع الدرا إللي قاعد على بعد خطوات منهم وطلبت منه يحرق الورق ده ، حصلها علي ووقف جنبها وهم شايفيين ذكرياتهم بتتحرق وكإن النار دي واصله لقلبهم بتحرقه ومحدش سامع صرخات قلوبهم غيرهم :'( :'( ،، تابعوا الورق لحد ما أصبح رماد بصتله وحاولت تتصنع الإبتسامه :
كده بقى مش باقي غير الهدايا أظن أحلي حاجه ممكن نعملها إننا نديها للأولاد إللي هناك دول أكيد هيفرحوا أووي لما يشوفوها وتكفينا البسمه إللي هنشوفها على وشهم :'))

ما إستنتش رده راحت ع الهدايا وإتناولتها وعلى ماشي معاها بصمت :'( ، وزعت الهدايا على أطفال من المشرديين في الشوارع وكل ماتشوف طفل بيبتسم معاه الهديه تبص لعلي : شفت مش قولتلك ؟ إبتسامتهم حلوه أوووي :')

على : خلاص يا داليا ؟ نفذتي إللي عوزاه وإرتحتي ؟! بس تفتكري بقى الذكريات إللي لسه بتدور دلوقتي في ذهننا هتمحيها إزاي ؟!!

داليا : الأيام والدعاء :')) ، الأيام أفضل دوا كفيل ينسينا وأكيد لما نستعين بربنا وندعي مش هيردنا :')) ، على عشان خاطري حاول تتفهم بقى خلاص الفراق بقى أمر واقع ولازم نعيشه ونرضى بيه فأرجوك ساعدني عشان نفترق من غير وجع ، ممكن تبتسم ^^ ؟؟

على : مش قادر :'((

داليا : ولو قولتلك عشان خاطري ؟؟

ظهر شبح إبتسامه على شفايفه :'))

داليا : أنا جعانه أوي مش ناوي تغديني ولا إيه >.< ؟؟!!

رفع أحد حاجبيه ومش فاهم هي ناويه على إيه O.o ، داليا : هتبصلي كده كتير يا أخ بقولك جعاااانه >.<

علي : طيب طيب تحبي تتغدي فين ؟

داليا : كشري التحرير ^_^

إنفلتت ضحكه من علي غصب عنه : هههههههههه يااااه إشمعنه يعني ده بالذات ؟؟!! داليا إنتي ناويه على إيه مش فاهم ؟

داليا : مش قولتلك عاوزه نفترق وإحنا مبسوطين وبنضحك ^_^ ؟؟ أهه نفسي أووي نودع بعض وإحنا عايشيين يوم من الماضي ومش لاقيه يوم نعيشه أفضل من أول يوم :')) ، ممكن كفايه أسئله ويلا بقى عشان جعانه بجد ؟

على : حاضر يلا )

داليا : رايح على فين يا أخ ، زمان ماكنش عندنا عربيات ، إتفضل قدامي هنروح مواصلات ^^

علي : يلا جت علي دي ماكل حاجه جنان في جنان !

ركبوا مواصلات وراحوا ع المطعم وداليا راسمه إبتسامه صافيه فيها كتيير أوي من براءة الماضي :')) قعدوا على تربيزه فـ نفس المكان بتاع زمان :'))

داليا : ياااااه المكان وحشني أوووي ، رغم إنه تقريباً إتغير كله بس لسه حساه زي ما هو :'))

على : :'))

داليا : فاكر لما حوشت مصروفك 3 أيام عشان تعرف تخرجني الخروجه دي

علي : ياااااه يومها كمان بعت التغذيه لواد من أصحابي وكنت عايش في تقشف

داليا : هههههههههههههه ولما قولتلك أنا محوشه خد دول كمان بصتلي بصه وكنت هتضربني قولت يومها

ردد علي معاها في نفس واحد : معندناش حريم تصرف على رجاله ، ههههههههههههههه

فضلوا يضحكوا بهستريا ، ويفتكروا مواقف كتييره ماكنتش تستدعي الضحك ، بس ضحكهم ده ماكنش فرحه ده ضحك من كتر الوجع وده أشد من الدموع ألف مره :'))
~
~
~
وصلت هاله للشقه وطت بألم وإتناولت المفتاح ، فتحت الباب وأول ما إتفتح حست كإنها فتحت باب الوجع والآهااات :'( ، بمجرد ما لمحت الشقه إتجمعت الدموع في عنيها ، شردت في أول يوم دخلت فيه هنا بفستانها الأبيض :'( ، إفتكرت إحساسها في اليوم ده وفجأه فاقت من شرودها على خبطه فـ بطنها ..تأوهت ، مدت إيديها وطبطبت على بطنها عشان تطمن جنينها إللي حس بألمها ووجعها :')) ، أخدت جوله في الشقه كلها وهي بتفتكر كل لحظه مرت في كل ركن منها ، دخلت أوضة النوم وبدأت تحس بتقلصات في بطنها وآلالام شديده في قلبها ، بسرعه جريت ع السرير وقعدت وهي ماسكه بطنها > ، من وقت ما دخلت في التاسع وهي بتحس بالآلام دي بس أول مره تبقى شديده أوي كده :'(( ، بصت للسرير وإفتكرت لما كانت بتصحى قبل علي وتتأمله وهو نايم جنبها ، إفتكرت كل ذكرياتهم وفاقت من شرودها على إتصال من الممرضه بتقولها إنها قربت توصل لبيتها فإفتكرت هي جايه ليه !
فتحت الدرج وطلعت الأوراق بتاعتها ، حطتهم في الشنطه وخرجت بسرعه حتى من غير ما تقفلها ، خرجت وهي بتمسح دموعها وتهرب من الذكريات :'(
وفجأه اتكعبلت في طرف السجاده وقعت ع الأرض وكل حاجه في شنطتها إتنطرت في كل حته ، قامت وهي بتحمد ربنا إن الوقعه مش شديده ، سمعت موبايلها بيرن ، الممرضه وصلت وبتستعجلها فلمت الورق بسرعه ، حطته في الشنطه ومشيت ...
روحت البيت إدت للمرضه الورق ودخلت أوضتها ، حاسه بوجع شديد في قلبها وبطنها :'(( كانت هتكتب مذكرات كعادتها بس لقت نفسها مش قادره تتحرك ، مددت ع السرير وحاولت تنام من غير حتى ما تغير هدومها :'( ...
~
~
~
بعد ما إتغدوا داليا طلبت من علي يروحوا الملاهي ، كانت حاسه إنها عاوزه تصرخ بأعلى صوت وتخرج كل إللي جواها من غير ما حد يسألها عن مبرر لصراخها ومالقتش مكان أفضل من الملاهي ممكن يساعدها :'))
وعلى الرغم من إنها بتخاف بس قررت تركب قطر الموت وعلى مستغرب لإنه زمان إتحايل عليها تركب معاه وقالتله مستحيل هركب طول حياتي لإني بخاف !
بصتله وكإن عيونها بتجاوب على تساؤلاته وكإنها بتقوله إحساسي دلوقتي ورغبتي في الصراخ أكبر من أي خوف :'((
ركبوا قطر الموت وفعلاً فضلت داليا تصرخ بأعلى صوتها وتخرج كل وجع وألم جواها وعلى لقاها فرصه هو كمان يخرج صرخات قلبه المكتومه :'((

ركبوا ألعاب كتيره وفضلوا يجروا ويلعبوا زي الأطفال ، رجعوا تاني لمكانهم عشان علي راكن عربيته هناك ، إشترالها حمص الشام ودرا وراحوا سوا يسلموا ع الراجل إللي كان دايماً يبيعلهم الورد وإتصدموا بخبر موته :'(
على حاسس إن كل الظروف إتحدت ضده ..حتى الراجل إللي شاهد على حبهم وكان بيدعيلهم من قلبه خلاص مات زي ما هم دلوقتي بيموتوا كل ذكرياتهم ويستعدوا للحظة الفراق :'(
.
.
حاولوا يتناسوا خبر وفاة بياع الورد وقعدوا ياكلوا الدرا جنب بعض ، سادت لحظات صمت بينهم لكن صمت يحمل جواه صخب وضجيج وآهات :'(( صمت مزعج كئيب بيوجع في قلوبهم أكتر ما هي موجوعه :'((
إتنحنحت داليا وكسرت الصمت : علي ممكن توعدني وعد ؟

علي : أكيد ممكن ) خير ؟

داليا : ممكن ترجع لمراتك وتعوضها عن كل وجع سببتهولها ؟؟

علي : حاولت يا داليا بس لقيت نفسي هوجعها أكتر لو رجعتها وأنا مابحبهاش

داليا : بس دلوقتي الوضع يختلف أنا كنت في حياتك بس إنهارده قررنا نمحي كل حاجه ومانتعداش كوننا أصحاب وقرايب ، كمان طفلك محتاجلك جنبه وصدقني وقت ما يتولد وتشيله بين إيديك هتنسى الدنيا دي كلها ^_^

على : حاضر هحاول بس ما أقدرش أوعدك دلوقتي

داليا : طيب على الأقل إوعدني إنك هتحاول ؟

على : أوعدك إني هحاول ) ، إنتي ناويه على إيه ؟ هتتجوزي الضابط إللي اسمه طارق ؟!!!

بصتله ورفعت أحد حاجبيها O.o : كإني كنت بكلم نفسي بقولك مش مستعده أبني حياه واسره واحب ، هو طارق أه اتقدملي بس يعني رفضته لإني مش هفكر أرتبط خالص ، كل إللي ناويه عليه حالياً إن شاء الله إني هشتغل وأحاول أرجع زي الأول وبس )

رجع تاني الصمت يبقى سيد الموقف وجوه كل واحد فيهم خوف من لحظة الوداع إللي بيهربوا منها من الصبح

داليا : على ! بيتهيألي خلاص جه وقت الوداع :')) حابه أشكرك على كل لحظه حلوه خلتني أعيشها في حياتي :'))

على : يعني خلاص يا داليا :'(( ??!

داليا : ماتنساش إتفقنا نتودع بإبتسامه :'))

على : إنتي مسمحاني يا داليا ( ؟

داليا : أيوه مسمحاك يا علي ولو ماكنتش مسمحاك ماكنتش هعمل كل ده وأبقى لسه باقيه على صلة القرابه إللي بيننا ، خد بالك من نفسك ومن هاله وطفلك يا علي وربنا يوفقك ويسعدك :'))

علي والدموع متجمعه في عيونه :'( : وإنتي كمان خدي بالك من نفسك يا داليا وربنا يوفقك ويسعدك :')) ، يلا عشان أوصلك

داليا : لأ ، يُستحسن كل واحد يمشي من طريق لوحده ..مع السلامه :'))

على : مع السلامه :'))

إدتله ضهرها وهو كمان ولسه روحه حاضنه روحها :'(( .....

•••••••●••••••••●••••••••••●•••••••••●••••••••●••••••

داليا من بعد ما فارقت علي وهي بتحاول تتناسى وتعيش حياتها ، قربت من ربنا أكتر ويتدعي دايماً ربها يعينها وتقدر تنسى أوجاعها وتعيش حياه طبيعيه ، بدأت تدور على شغل لكن فيه ظاهره بتجرحها أوي ، كل ما تروح مكان يفضلوا إللي فيه يبوصولها ويتهامسوا عليها ، وأكتر من مره تروح تقدم وتلاقيهم بكل بجاحه بيسألوها مش إنتي داليا عمران بتاعة قضية الإغتصاب ؟
والشركه الوحيده إللي قبلتها أول ما دخلت ع المدير سألها نفس السؤال ولقت نظراته ليها قذره فسابت المقابله ومشيت (
كانت بتداري عليهم في البيت وماتحكيش لحد ، دايماً تبان مبسوطه ومبتسمه مش عاوزه توجعهم أكتر من كده (
لكنها ماقدرتش تخبي وجعها عن خالها ، قدر يقرا الحزن في عنيها وتحت ضغط منه فضفضت بكل إللي جواها :'( ..
~
~
~
مروا الأسبوعين وحانت لحظة تنفيذ الحكم ، جاسر ومحمود كانوا في حالة صدمه وبكا بهستريا ، أما عن خالد فوقت ماخدوه من زنزانته كان ماسك مصحفه ومرسومه على شفايفه إبتسامة رضا :'))
وقبل الإعدام طلب يشوف مريم وداليا ، طارق عدا على داليا وبعدين مريم وأخدهم عشان يشوفوا خالد ...
.
.
مريم من إمبارح مانامتش :'(( كل ما تفتكر إن خالد هيتعدم بكره تلاقي نفسها ساجده وبتدعي :'( ، عيونها حمرا من كتر البكا ، راكبه في العربيه مع طارق وداليا ، جسمها بيرتجف ، دموعها سايله بغزاره :'( وبتردد يــا رب :'(
.
.
وصلوا ومريم ماكنتش قادره تمشي ، سندتها داليا وفضلت تربت على كتفها ، أول ما شافت خالد واقف قصادها بالبدله الحمرا زادت رجفة جسمها ومابقتش قادره تقف ، جابولها كرسي بسرعه ، قعدت وداليا سنداها ، قرب منهم خالد والدموع بتلمع في عيونه ، بص لداليا : أنا عارف إني آذيتك وقضيت على مستقبلك بس طلبت أشوفك عشان أرجوكي تسامحيني عشان أعرف أقابل ربنا :'(

داليا بصوت متهدج : مـ مـ مسمحاك ، والله خلاص أنا مسمحاك ربنا يغفرلك ويجعل مثواك الجنّه :'(

نزل على ركبته وبص لـ مريم بحنان وهي باصه في الأرض وبترتجف ، مسك إيديها باسها :* : بصيلي يا مريم :'))

رفعت راسها ببطء ، بصت في عيونه وماقدرتش تنطق لقت نفسها بتترمي في حضنه وتبكي بحرقه :'( ، ضمها لحضنه أووي وفضل يطبطب عليها : مريم عشان خاطري بقى قوليلي طيب إنتي بتحبيني ؟

ماقدرتش ترد أومأت براسها ، فطبع قبله على جبينها :* وحضن وشها بكفيه : يبقى لو بتحبيني بجد ماتعيطيش عليا وكل ما أوحشك إدعيلي وخدي المصحف ده إقري منه دايماً سامحيني يا مريم أرجوكي

مش قادره تنطق من كتر البكا :'(

خالد : بصي يا مريم ده قضاء ربنا لازم ترضي بيه وتعيشي حياتك وإرمي كل حاجه ورا ضهرك عشان خاطري خليكي أقوى من كده :'( ، عاوزك تتأكدي إني بحبك أووي يا مريم ، خدي بالك من نفسك عشان خاطري :'( أنا مش قلقان عليكي عشان عارف إن ربنا معاكي ومفيش أحن منه عليكي :'(

ضمها لحضنه بقوه وهو بيبكي :'( ، وداليا شايفه منظرهم وبتبكي على حالة مريم :'( ، أخدوا خالد ومريم لسه ماسكه في هدومه :'( وبتصرخ : سيبووووووه لأاااا خااااالد ماتسبنيييييش آآآآآآآه :'( :'( :'(

ماقدرش يبصلها فلت إيديها من هدومه ومشي معاهم بخطى ثابته لأوضة الإعدام ، إنهارت مريم ع الأرض وداليا حضناها ،،، نطق خالد الشهادتين وإبتسم قبل ما يتم شنقه :'))

ساعه من البكا والآهات وأخيراً هديت مريم ، فضلت شارده مابتنطقش ، جفت دموعها بس قلبها لسه بيبكي بحرقه وقهره :'( ، فضل كل كلامه يتردد في ودانها ، ضمت مصحفه في حضنها ومشيت مع داليا وهي بتردد : إنا لله وإنا إليه راجعون ... إنا لله وإنا إليه راجعون :'( :'( ......

•••••••●••••••••●••••••••••●•••••••••●••••••••●••••••

داليا فضلت جنب مريم بتساندها ، ومريم الحمدلله بدأت تسترد قوتها وتحاول تتناسى ، ونهال كمان ساعدت داليا وماسابتش مريم لوحدها ...
~
~
ناصر رجع من شهر العسل يوم ميلاد داليا ، كانوا عاملينلها مفاجأه وحفله صغيره في البيت تفرحها ^_^ ، قدمولها الهدايا ولكن هدية ناصر كانت فريدة من نوعها

ناصر : أنا قلت الهديه دي إنتي دلوقتي في أمس الحاجه ليها ^_^

إتناولت منه الشنطه وبدأت تفتحها وأول ما شافت إللي فيها بصتله بدهشه :O ولقت نفسها ساجده في الأرض وبتبكي :'(

عيون ناصر لمعت لما شاف ردة فعلها :')) وكل الموجودين مستغربين ومتشوقيين يعرفوا إيه هي الهديه ، جري أحمد ومسكها وإذا بها تذكره للعمره ^_^
قامت داليا من سجدتها وجريت على حضن خالها : ربنا مايحرمني منك أبداً :'(

ناصر : إستني لسه فيه قرار تاني حابب أعلنه قصاد الجميع ومش عاوز إعتراض من أي حد أنا خلاص جهزت كل حاجه

بص لخديجه وعمران : قررت إن شاء الله بعد ما نعمل العمره أنا وداليا وشيرين مش هنرجع مصر ، أنا هاخد داليا تعيش معايا في لندن هي محتاجه تبعد عن مصر وتستقر شويه بحياتها وأظن يعني مش هتقلقوا عليها معايا )

رغم إن خديجه رفضت في الأول لإنها مش هتستحمل فراق داليا بس لما ناصر أقنعها ولقت إن داليا موافقه وحابه تبعد عن مصر وافقت وبالفعل بدأت داليا تجهز شنطها للسفر ، خلاص بعد 4 أيام بالضبط هتفارق مصر لأطهر مكان وبعده هتبعد وتتغرب مش مهم عندها ما هي عاشت في وطنها وحست بغربه ووجع !
هي فعلاً محتاجه تبعد شويه على الأقل لحد ما تقدر تنسى إللي حصل رغم إنه صعب لكنها هتحاول ....
~
~
~
إتصلت بطارق ودعته وودعت شيماء وشكرتهم على كل حاجه عملوها معاها ، راحت لنهال المصحه ودعت كل إللي هناك وبالأخص منار :')) ، خرجت هي ونهال سوا وفي الآخر ودعتها داليا بحضن ودموع فراق :'((
.
.
بعد ما ودعت نهال فضلت تتمشى في شوارع القاهره لوحدها ،هتشتاق لكل ركن في مصر حتى وشوش الناس إللي بتتأملها في الشارع دي هتشتاقلها :'))
راحت لنفس الشارع إللي إتخطفت منه لقته منور ، رغم إنها كانت بتخاف تمشي فيه بس دلوقتي حاسه بالأمان ، ماشيه فيه بخطى ثابته وقويه ، ماشيه فيه بخطوات إنتصار )
~
~
~
~
_ جرى إيه يا هاله إيه حكاية حاجتك إللي كل شويه تضيع دي >.<

هاله : يا ماما أنا هتجنن الدفتر ده ماينفعش يضيع ده خاص جداً ماينفعش حد يشوفه ، إزاي بس هيختفي كده ده مابيطلعش من شنطتي ( ، معلش يا ماما عشان خاطري دوري معايا لو مالقتهوش تبقى مصيبه (
~
~
~
على ممد على كنبة الأنتريه وفاتح التليفزيون بيقلب بلا هدف ، رن موبايله ، مد إيديه يتناوله من ع التربيزه فوقع ع الأرض ، زفر بضيق ، نزل يجيبه وإستغرب !!!
لمح دفتر شكله غريب واقع تحت الكنبه ، إتناوله وحطه ع التربيزه لما لقى داليا إللي بتتصل ، إبتسم ورد : السلام عليكم

داليا : وعليكم السلام ورحمة الله وبركاته ^_^ أخبارك ؟

على : الحمدلله وإنتي ؟

داليا : الحمدلله ، بتصل عشان أودعك )

على : يبقى كلام ناصر صح بقى إنتي فعلاً هتسافري معاه وتستقري هناك ؟

داليا : أيوه :')) كده أحسنلي

على : ربنا يوفقك ويسعدك يا داليا :'))

داليا : يا رب

على : خدي بالك من نفسك

داليا : حاضر ، وإنت كمان خد بالك من نفسك ومش هوصيك على هاله وطفلكم ) أستودعك الله الذي لا تضيع ودائعه :'))

على : في أمان الله وحفظه :'))

قفل مع داليا ومسح الدموع إللي في عنيه قبل ما تنزل ، إتنهد ودعالها ربنا يحفظها ويوفقها في حياتها ، لمح الدفتر فمسكه وفتحه ، إستغرب وهو بيقرا العنوان :

(( إلى الشئ الوحيد الذي يربطني بأكثر رجل أحببته .. إلى قطعة مني و منه إلى إبني الحبيب ...)) .....
~
~
~
داليا كانت بتودع على قبل ما تركب طيارتها ، وصلت الطياره وحانت لحظة الوداع ضمت أبوها وأمها وأخواتها ،، وصت عادل على أمها وأبوها وأحمد ووصت أحمد يكمل مشواره وحلمهم ، وصت أمها على هنادي ووصت هنادي على أمها ، ودعت عليا ونهال وشيماء ومريم ، حضنتهم بعيونها حضن أخير قبل ماتديلهم ضهرها وتفارق ...

ركبوا طيارتهم وحاسه إن قلبها سابقها طيران للحرم ^_^ مشاعرها مختلطه مابين فرحه إنها رايحه لأطهر مكان في الكون ومابين إحساس الغربه وإنها خلاص مش راجعه تاني !
بصت من شباك طيارتها على وطنها وودعته بنظره أخيره ......
~
~
~
بعد مرور 7 سنوات ....

وبكده إنتهى الجزء الأول من عود ثقاب شكراً لمتابعتكم و إنتظرونا وباقي الأحداث في الجزء التاني إن شاء الله ^_^

لـ #ندا_سليمان