فقرة خاصه بـ تربية الأطفال (ماتستهونوش بأبسط المواقف)
2 مشترك
صفحة 1 من اصل 1
فقرة خاصه بـ تربية الأطفال (ماتستهونوش بأبسط المواقف)
السلام عليكم ورحمة الله وبركاته
ورجعنا تاني مع فقرة خاصه بـ تربية الأطفال
في مره ملك ماكنتش عارفه تفتح علبه حاولت كتير وماقدرتش فلجأتلي حبيت أستغل الموقف فتحت العلبه بسهوله طبعاً بس مارضتش أفتحها بالكامل وقولتلها إني مش قادره
أنا : إستني كده لما أجرب تاني
قلت ((بسم الله )) بصوت عالي وجربت فإتفتحت العلبه
أنا : سبحان الله شفتي عشان قلت بسم الله العلبه إتفتحت بسرعه
وفي نفس اليوم خرجنا وإتفقت معاها على لعبه وإحنا بنعدي الشارع هنشوف مين هيقول بسم الله الأول وبقينا نتسابق سوا
بعدها بكام يوم طلعت عندهم وكانت بتتفرج على كارتون لقتها قاعده بتردد بحماس : بسم الله بسم الله بسم الله
أنا : بتعملي إيه يا ملك ؟؟
ملك : أنا عاوزه توم وجيري يجي،، إمبارح قلت بسم الله كتير ولقيته جه
وفعلاً جه الكارتون ونطت من الفرحه ، قدراً القناه بتعرض الكارتون ده كتير وخصوصاً في نفس الوقت إللي ملك بتتفرج فيه ،،،ومش في الموقف ده وبس أكتر من مره ألاحظها بتردد بسم الله قبل أي حاجه لإن إتكونت عندها قناعه إن بسم الله بمثابة سحر بتستعين بيه في أي وقت
و من يومين روحنا عند دكتور الأسنان أنا وملك كنا هنكشف سوا وقبل ما ندخل في دورنا إتخانقنا وعناد الطفله إللي جوايا إشتغل فخوفتها
أنا : تعرفي ! الدكتور هيديلك حقنه طويييله وبعدين يخرم سنانك بالبتاع إللي عامل زي الشنيور ده
رغم إنها خافت من كلامي بس بينت إنها قويه ومش خايفه : عادي مش خايفه هقول #بسم_الله ومش هحس بحاجه
ولما دخلنا عند الدكتور كانت مرعوووبه قالت بسم الله والدكتور ماعملهاش حاجه من إللي قلت عليها مجرد إستشاره على سنانها وللأسف أنا إللي حصلي كل إللي خوفتها بيه ( وكنت لحظتها عاوزه أقول (( يا شماتة أبله طازه إحم قصدي ملك فيا ))
المهم أنا سردت المواقف دي ليه؟؟ ويا ترى عاوزه أوصّل إيه ؟؟؟؟؟!!!
عاوزه أقول إن ممكن كل أم وأب يستغلوا أبسط المواقف في حياة أطفالهم عشان يرسخوا جواهم مبادئ حياتهم إللي هيمشوا عليها لما يكبروا بإذن الله
يعني مثلاً بخصوص بسم الله أظن فيه فرق لما تقعدي تحفظي طفلك النشيد الشهير قبل ما ناكل بسم الله قبل ما نشرب بسم الله ......إلخ
وفرق لما تعلميه تطبيق كلام النشيد مش مجرد حفظ وبس !
إنتي وزوجك قدوة طفلك قبل الأكل والشرب قولوا بصوت عالي بسم الله ورددوا الأدعيه وذكر الله بصوت عالي وهتلاقوا طفلكم لوحده بيقلدكم زي ما من صغره أول ما يشوف حد فيكم بيصلي يقلده بكل براءه
لما تلاقي طفلك مريض أو تعبان من أي حاجه خليه يردد الإستغفار كتير
.
.
عاوزه تعلمي طفلك قيمة الدعاء والتضرع لله عشان مايكبرش ويبقى زي كتير مننا كبروا ومايعرفوش قيمة #الدعاء !!!
مثلاً لو طفلك جه قالك نفسي أروح الملاهي ولا البحر ولا أياً كان المكان إللي عاوزه ولا الحاجه إللي عاوزها وفعلاً متاح إنكم تنفذوا إعملي حركه ذكيه تعلم طفلك عظمة الدعاء واللجوء لله
قوليله مش هقدر ومش عارفه بابا هيوافق ولا لأ بس عندي فكره إيه رأيك تطلب من ربنا يخلي بابا يوافق نروح ؟؟ ولا يرزق بابا فلوس عشان يجيبلك اللعبه الفلانيه ؟؟!
وراقبي طفلك لملا تلاقيه دعى ربنا ، كلمي زوجك ونفذوا لطفلكم رغبته
في أي موقف خليه يدعي ربنا ويطلب من ربنا قبل ما يطلب حتى منك إنتي وأبوه
لإنكم ساعتها بترسخوا جواه مبدأ اللجوء لله في أي وقت واليقين والثقه بالله
~
~
بإختصار )
ماتستهونوش بأبسط المواقف أهه المواقف دي بمثابة البذره إللي بتسقيها عشان تكبر فتشوف بنفسك ثمارها في الآخر بتنشئة طفل قلبه متعلق بحب #ربنا
ربنا يجعل أولادكم ذريه صالحه وسبب في دخولكم الجنه
لـ #ندا_سليمان
ورجعنا تاني مع فقرة خاصه بـ تربية الأطفال
في مره ملك ماكنتش عارفه تفتح علبه حاولت كتير وماقدرتش فلجأتلي حبيت أستغل الموقف فتحت العلبه بسهوله طبعاً بس مارضتش أفتحها بالكامل وقولتلها إني مش قادره
أنا : إستني كده لما أجرب تاني
قلت ((بسم الله )) بصوت عالي وجربت فإتفتحت العلبه
أنا : سبحان الله شفتي عشان قلت بسم الله العلبه إتفتحت بسرعه
وفي نفس اليوم خرجنا وإتفقت معاها على لعبه وإحنا بنعدي الشارع هنشوف مين هيقول بسم الله الأول وبقينا نتسابق سوا
بعدها بكام يوم طلعت عندهم وكانت بتتفرج على كارتون لقتها قاعده بتردد بحماس : بسم الله بسم الله بسم الله
أنا : بتعملي إيه يا ملك ؟؟
ملك : أنا عاوزه توم وجيري يجي،، إمبارح قلت بسم الله كتير ولقيته جه
وفعلاً جه الكارتون ونطت من الفرحه ، قدراً القناه بتعرض الكارتون ده كتير وخصوصاً في نفس الوقت إللي ملك بتتفرج فيه ،،،ومش في الموقف ده وبس أكتر من مره ألاحظها بتردد بسم الله قبل أي حاجه لإن إتكونت عندها قناعه إن بسم الله بمثابة سحر بتستعين بيه في أي وقت
و من يومين روحنا عند دكتور الأسنان أنا وملك كنا هنكشف سوا وقبل ما ندخل في دورنا إتخانقنا وعناد الطفله إللي جوايا إشتغل فخوفتها
أنا : تعرفي ! الدكتور هيديلك حقنه طويييله وبعدين يخرم سنانك بالبتاع إللي عامل زي الشنيور ده
رغم إنها خافت من كلامي بس بينت إنها قويه ومش خايفه : عادي مش خايفه هقول #بسم_الله ومش هحس بحاجه
ولما دخلنا عند الدكتور كانت مرعوووبه قالت بسم الله والدكتور ماعملهاش حاجه من إللي قلت عليها مجرد إستشاره على سنانها وللأسف أنا إللي حصلي كل إللي خوفتها بيه ( وكنت لحظتها عاوزه أقول (( يا شماتة أبله طازه إحم قصدي ملك فيا ))
المهم أنا سردت المواقف دي ليه؟؟ ويا ترى عاوزه أوصّل إيه ؟؟؟؟؟!!!
عاوزه أقول إن ممكن كل أم وأب يستغلوا أبسط المواقف في حياة أطفالهم عشان يرسخوا جواهم مبادئ حياتهم إللي هيمشوا عليها لما يكبروا بإذن الله
يعني مثلاً بخصوص بسم الله أظن فيه فرق لما تقعدي تحفظي طفلك النشيد الشهير قبل ما ناكل بسم الله قبل ما نشرب بسم الله ......إلخ
وفرق لما تعلميه تطبيق كلام النشيد مش مجرد حفظ وبس !
إنتي وزوجك قدوة طفلك قبل الأكل والشرب قولوا بصوت عالي بسم الله ورددوا الأدعيه وذكر الله بصوت عالي وهتلاقوا طفلكم لوحده بيقلدكم زي ما من صغره أول ما يشوف حد فيكم بيصلي يقلده بكل براءه
لما تلاقي طفلك مريض أو تعبان من أي حاجه خليه يردد الإستغفار كتير
.
.
عاوزه تعلمي طفلك قيمة الدعاء والتضرع لله عشان مايكبرش ويبقى زي كتير مننا كبروا ومايعرفوش قيمة #الدعاء !!!
مثلاً لو طفلك جه قالك نفسي أروح الملاهي ولا البحر ولا أياً كان المكان إللي عاوزه ولا الحاجه إللي عاوزها وفعلاً متاح إنكم تنفذوا إعملي حركه ذكيه تعلم طفلك عظمة الدعاء واللجوء لله
قوليله مش هقدر ومش عارفه بابا هيوافق ولا لأ بس عندي فكره إيه رأيك تطلب من ربنا يخلي بابا يوافق نروح ؟؟ ولا يرزق بابا فلوس عشان يجيبلك اللعبه الفلانيه ؟؟!
وراقبي طفلك لملا تلاقيه دعى ربنا ، كلمي زوجك ونفذوا لطفلكم رغبته
في أي موقف خليه يدعي ربنا ويطلب من ربنا قبل ما يطلب حتى منك إنتي وأبوه
لإنكم ساعتها بترسخوا جواه مبدأ اللجوء لله في أي وقت واليقين والثقه بالله
~
~
بإختصار )
ماتستهونوش بأبسط المواقف أهه المواقف دي بمثابة البذره إللي بتسقيها عشان تكبر فتشوف بنفسك ثمارها في الآخر بتنشئة طفل قلبه متعلق بحب #ربنا
ربنا يجعل أولادكم ذريه صالحه وسبب في دخولكم الجنه
لـ #ندا_سليمان
رد: فقرة خاصه بـ تربية الأطفال (ماتستهونوش بأبسط المواقف)
دي نعمه من ربنا اللي يكون عنده طفل ف بيته .. اختي الصغيره ^^
Ahmed Casanova- متابع/ة مشجع/ة
- عدد المساهمات : 45
تاريخ التسجيل : 27/12/2014
العمر : 31
الموقع : https://www.facebook.com/ahmed.casanova.5
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى