لن يسبقني إلي الله أحد ʚϊɞ ʚϊɞ •.¸(1)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(1)¸.• ʚϊɞ ʚϊɞ

(( أ & ب )) (( ج & د ))

☻.☻
\█/.\█/
.||. ..||.

☻...☻
\█/.\█/
.||. ..||.

جيران ساكنين فـ نفس العماره فـ شقتين قصاد بعض أ & ج إتقابلوا ع السلم سلموا على بعض وكل واحد هنّى التاني أصل شهر رمضان خلاص بعد أيام

تعالوا بينا الأول نروح عند #ج

قعد يتغدي وفتح التليفزيون جنبه قلب فـ القنوات بملل وفـ النهايه ثبت على قناته المفضله
أول إعلان لمسلسل جديد فـ رمضان شده أوي وتوقع إنه هيكون أفضل مسلسل فـ رمضان لكن سرعان ما غير رأيه أول ما شاف إعلان المسلسل التاني إعلان ورا إعلان وساب غداه و نده زوجته #د تناوله ورقه وقلم قعدت جنبه وكل ما يجي إعلان يكتبوا إسم المسلسل ولا البرنامج وجنبه الوقت بتاعه والقناه إللي بيتعرض عليها والإعاده كمان عشان لو فاتتهم أي حلقه ، فضل ج يقلب فـ القنوات و د تكتب وإبتسم براحه لما لقي الورقه إتملت وخلاص عرف إزاي هيسلي صيامه ويقضي يوم رمضان من غير ما يحس بتعب الصوم  .......
~
~
~
فـ نفس اللحظه إللي #أ قاعد فيها فـ أوضته وبرده ماسك قلم وبيسطر ويكتب حاجه فـ ورقه تعالو كده نقرب ونشوف بيكتب إيه ؟
إيه ده ده بيعمل جدول مش فاهمه حاجه من الجدول ده  !!!
إستنوا كده لما أقرا العنوان إللي كاتبه فوق (( #لن_يسبقني_لله_أحد )) ده بيستعد هو كمان بس بشكل مختلف  عامل جدول منظم فيه الطاعات والعبادات إللي ناوي يعملها فـ شهر رمضان ، خلص جدوله وإتملت الورقه ، حط القلم وإبتسم براحه إنه قدر ينظم شكل يومه فـ رمضان ، ويستعد للشعار إللي حطه لنفسه ولزوجته #ب ألا وهو (( لن يسبقني لله أحد ))

وهو راجع من صلاة العشا أخد الجدول طبع منه نسختين لجاره وزوجته ج & د وخبّط علي بابهم وإدالهم الجدول ، إبتسمله ج وشكره ، مشي أ ، و ج طبق الورقه وحطها فوق التليفزيون ودخل نام

يوم مر ورا يوم و ج&د لسه مش ملاحقين علي الإعلانات وكل يوم يضيفوا إعلان جديد فـ نفس الوقت إللي أ & ب طول النهار بيسمعوا دروس دينيه للإستعداد لرمضان
~
~
~
وهل الهلال وأعلن المفتي إن غداً أول #رمضان  إتعلقت الزينات والأطفال إنتشروا بفوانيسهم فـ الشوارع والتهنئات فـ كل مكان حتي نجوم السما فرحانه عشان #رمضان

مر أ على ج عشان يصلوا سوا أول صلاة تراويح فـ المسجد ، نزل معاه ب صلوا التراويح وقلوب المصلين حاسه بفرحه غير طبيعيه :'))
قعدوا يسمعوا الدرس إللي بعد الصلاه ، لمعت الدموع فـ عيونهم لما سمعوا حديث رسولنا الكريم (( ماتصلّوا عليه  ))

قال الشيخ : ارْتَقَى النَّبِيُّ صَلَّى اللَّهُ عَلَيْهِ وَسَلَّمَ عَلَى الْمِنْبَرِ دَرَجَةً فَقَالَ : آمِينَ ، ثُمَّ ارْتَقَى الثَّانِيَةَ ، فَقَالَ : آمِينَ ، ثُمَّ ارْتَقَى الثَّالِثَةَ ، فَقَالَ : آمِينَ ، ثُمَّ اسْتَوَى فَجَلَسَ ، فَقَالَ أَصْحَابُهُ : عَلَى مَا أَمَّنْتَ يا رسول الله ؟
قَالَ : أَتَانِي جِبْرِيلُ فَقَالَ : رَغِمَ أَنْفُ امْرِئٍ ذُكِرْتَ عِنْدَهُ فَلَمْ يُصَلِّ عَلَيْكَ فَقُلْتُ آمِينَ
فَقَالَ : رَغِمَ أَنْفُ امْرِئٍ دخل عليه #رَمَضَانَ ثم إنسلخ فَلَمْ يُغْفَرْ لَهُ ، فَقُلْتُ آمِينَ . .
فَقَالَ : رَغِمَ أَنْفُ امْرِئٍ أَدْرَكَ أَبَوَيْهِ أو أحدهما فَلَمْ يَدْخُلِ بهما الْجَنَّةَ فَقُلْتُ : آمِينَ

خلص الدرس ورجعوا ( أ و ج ) كل واحد فيهم قلبه مليان حماسه وبيدعي إنه ما يكونش من إللي ذكرهم رسلولنا الكريم صلوات الله وسلامه عليه فـ حديثه  

دخل أ بيته كلم زوجته عن الخطبه إللي سمعها وعلي طول قعدوا سوا مسكوا المصحف وبدأوا فـ الختمه الأولي و ( ج & د ) هم كمان بدأوا ختمتهم الأولي

بعد ساعه كل واحد وزوجته دخلوا يناموا عشان يقدروا يصحوا فـ السحور
لكن قبل ( ج & د ) يناموا ج كان بيكلم د عن الحماسه إللي جواه وإنه مش ناوي يضيع وقته فـ رمضان بأي حاجه لا مسلسلات ولا غيره
قالتله : وإيه المانع ما إنت ممكن تصلي وتصوم وتطيع ربنا وفـ نفس الوقت تتفرج !!!!!!!!

ماردش وكإن شيطان نفسه بدأ يكبر الفكره فـ دماغه ويقنعه إنه يقدر !!!!
~
~
~
((تررررررررررررررررررررررررررن ترررررررررررررررررررررررررررررررررن ))
الساعه 2 والمنبه بيرن فـ الشقتين قامت كل من ( ب & د ) كل واحده جهزت السحور وصحت زوجها ، ( أ & ب ) بعد ما إتسحروا وأخلصوا النيه لله قاموا إتوضوا وصلوا ركعتين قيام دعوا فيها ربنا يعينهم ع الصوم والطاعات ويتقبل منهم  ، أذن الفجر و نزلوا ( أ & ج ) يصلوا فـ المسجد .. رجع أ بيته ولقي زوجته ماسكه المصحف وبتقرا فـ الختمه

أ : يا سلام مش إتفقنا هنقرا سوا كده تسبقيني  ؟!

ب : إنت إللي حطيت الشعار (( لن يسبقني إلي الله أحد )) لذلك قررت أسبقك يا زوجي العزيز

ضحك أ  مسك مصحفه وقعد جنبها يقرا هو كمان فـ الختمه بتاعته
~
~
~
أما عن ج فلما رجع من صلاة الفجر لقي زوجته بتندهله

د : المسلسل بتاع غاده عبدالرازق بدأ ، بعد ما صليت الفجر لقيته إشتغل بدايته حلوه أوي وجاي بعده على طول مسلسل هيفاء وهبي

ج : إيه ده بجد طاب إحكيلي إللي فاتني عشان أتابع معاكي

د : بصي يا سيدي ( .......................... )

ج : باين عليه حلو زي ما بتقولي
.
.
فضلوا يتفرجوا لحد ما شرقت الشمس فـ نفس الوقت إللي
( أ & ب ) قاعدين فيه سوا يقروا قرآن ويذكروا الله وبعد ربع ساعه من الشروق صلوا الضحى ودخلوا يناموا شويه ) ..........

#يتبع ،،،

لـ #ندا_سليمان —