لن يسبقني إلي الله أحد ʚϊɞ ʚϊɞ •.¸(2)¸.• ʚϊɞ ʚϊɞ

[img][/img]



ʚϊɞ ʚϊɞ •.¸(2)¸.• ʚϊɞ ʚϊɞ

جهز #أ عشان يروح على شغله وزوجته بعد ما ودعته مسكت مصحفها وبدأت تقرا قرآن
.
.
.
د ودعت زوجها وأخدت الباميه تقمعها عند التليفزيون
.
.
.
(( بعد ساعتين ))
ب فتحت شبابيك البيت لبست خاتم التسبيح فـ صباعها ودخلت المطبخ عشان تجهز حاجات الفطار وهي بتذكر الله )

أما عن د فلسه على حالها سابت الباميه ومسكت التوم ولسه مشغله مسلسل ورا التاني

بعد شويه سابت التوم والباميه ونزلت تشتري شوية طلبات نقصاها ، لبست عبايه أصلها ماينفعش تنزل ببنطلون فـ رمضان عشان صايمه وبصت فـ المرايه ، مستغربه شكلها أوي من غير ميك أب ومش متخيله إزاي هتنزل من غيره وهي متعوده ما تخرجش من بيتها غير بيه !!!!!!!!!

إشترت الحاجه وهي بتتخانق مع دبان وشها ، رجعت البيت رمت الحاجه فتحت التليفزيون وقعدت تاخد نفسها من الحر
~
~
~
لبست ب خمارها وطبيعي ما تستغربش لما تشوف نفسها قصاد المرايه أصلها متعوده تخرج كده دايماً
إشترت الحاجه وحست أووي بالحر والعطش وعلى طول إفتكرت (( قل نار جهنم أشد حرا )) فضلت تدعي ربنا يحرم جسدها وجسد زوجها وكل المسلمين عن النار ، رجعت بيتها وهي بتردد الأذكار ، حطت الأكل ع النار ومسكت كتاب ( أجمل بنت في العالم ) وبدأت تقرا فيه لحد ما الأكل يستوي
~
~
~
أ فـ شغله رغم الحر والتعب إلا إنه بيتقن عمله ويتقي الله و بيتحكم فـ عصبيته ويتعامل بكل إحترام مع أي حد يقابله
عارف إن كل لحظة تعب فـ الصيام بتقربه أكتر من الراحه الأبديه ، بتقربه أكتر من #الجنه

أما عن ج إللي قاعد فـ المكتب إللي جنبه إشتغل شويه بنشاط ولما بدأ الحر يشتد ، بدأ يشتغل أي كلام بس عشان يخلص بسرعه ويروح وكل ما حد من زمايله يدخل يتكلم معاه يتعصب ويزعق على أتفه الأسباب !!!
رجع بيته مش طايق نفسه وعلي طول دخل نام وقال لزوجته ( صحيني ع المدفع ) !!!
~
~
~
أ رجع من شغله ، دخل يرتاح ساعه وصحي علي طول مسك كتاب (الرحيق المختوم ) وبدأ يقرا فيه وزوجته قاعده جنبه ومازالت بتقرا فـ كتاب ( أجمل بنت فـ العالم )

أذن العصر فنزل أ على طول ع المسجد ودخلت ب إتوضت وإستعدت عشان تصلي ، خلّص أ صلاة العصر جماعه وطلع لزوجته قروا الأذكار ، مسكوا المصحف وبدأوا تلاوه
.
.
.
د سمعت آذان العصر وكانت بتسمع مسلسل فضلت مستنيه لما تيجي فقره إعلانيه بعدين قامت إتوضت وصلت ، ورجعت على طول عشان ماتفوتهاش حاجه فـ المسلسل

بعد ساعه من صلاة العصر قلق ج من نومه بص فـ الساعه ولقى إن العصر أذن قام إتوضي وصلّى فـ البيت !!!!!
~
~
~
قبل المغرب بساعه فرشت ب سجادة الصلاه وبدأت تدعي وتناجي ربها وقبل المغرب بدقايق حطت الفطار ع السفره ومازالت بترطب لسانها بذكر الله وتعطر فمها بالصلاة الحبيبي المصطفي ما تصلوا عليه بقي ~
~
~
~
ج بعد ما صلى العصر مسك المصحف يقرا شويه وهو بيقرا ندهتله زوجته

د : ده مسلسل عادل إمام ده طلع تحفه

ج : هو بيتكلم عن إيه ؟

د : ( ........................................) الإعلان خلص أهه ثواني بقى عشان أكمل

حط ج المصحف وقام يكمل مع مراته قصة المسلسل إللي شدته

ج : بس المسلسل إللي كان شغال الضهر أحلي على فكره سمعت حته منه وانا فـ الشغل

د : مالحقتش أسمعه كنت فـ السوق بس عموماً هيتعاد بالليل هبقي أشوفه ، إسكت صحيح مش رامز جلال عامل برنامج مقالب جديد السنه دي

ج : الواد ده ما بيتهدش أخرته سودا هههههههههه هيجي إمته ؟

د : بعد الفطار على طول ، ماتقلقش لما يبدأ هقولك
~
~
~
مدفع الإفطار إضرب

(( الله أكبر الله أكبر .......الله أكبر الله أكبر ..... أشهد أن لا إله إلا الله...أشهد أن محمداً رسول الله ))

أذن المغرب وعلى طول ج & د شربوا مايه وجريوا ع السفره إللي مرصوص عليها أصناف تأكّل عيلتين تلاته وفاتحين التليفزيون جنبهم على برنامج مقالب جديد
~
~
~
أ & ب أول ما سمعوا الآذان فطروا على تمره بعد ما دعوا بكل إللي نفسهم فيه أصلهم عارفين كويس أووي إن دعوة الصائم لا ترد شربوا مايه وإتوضوا ، نزل أ يصلي المغرب فـ المسجد ودخلت ب تصلي المغرب طمعانين فـ كرم ربنا ومش مستعدين يخسروا الساعات إللي فيها إستجابه قرروا يغتنموها ويودعوا أمانيهم لـ من لا تضيع الأماني والودائع عنده

رجع أ لقى الفطار محطوط فطار بسيط جهزته زوجته لإنها عارفه إن لا هي ولا زوجها بياكلوا كتير فـ رمضان ، فطروا وقامت شالت السفره و أ بيساعدها ، غسلت المواعين وهو برده بيساعدها لإنه عارف تعبت أد إيه طول النهار
خلصت المواعين ..

أذن العشا ونزل زوجها ع المسجد وهي صلت فـ بيتها العشا وبعدها صلّت التراويح
~
~
~
ج & د بعد ما أكلوا وملوا بطنهم حسوا إنهم مش قادرين يتحركوا من مكانهم ، فضل ج قاعد ع الأرض لحد ما أذن العشا ، قام إتوضي ونزل يصلي فـ المسجد ، وبعدها وقف يصلي التراويح صلّي أول 4 ركعات وبعدين كسل وقال هيكمل صلاه فـ بيته أصل الإمام بيطول أوي فـ الصلاه وهو من كتر الأكل مش قادر يقف ولا مستحمل ألم معدته !

رجع لقى زوجته إللي عمرها ما فكرت تصلي التراويح مستقبلاه : كويس إنك لحقت البرنامج أهه هيبدأ

قعد معاها يسمعه ونسي يكمل التراويح
مسلسل ورا التاني برنامج ورا إللي بعده وفضلوا ع دا الحال لحد السحور
~
~
~
أ بعد ما رجع من صلاة التراويح قرأ شويه فـ المصحف مع زوجته ودخلوا يناموا عشان يقدروا يصحوا للسحور وقيام الليل ~

#يتبع ،،،

لـ #ندا_سليمان