لن يسبقني إلي الله أحد ʚϊɞ ʚϊɞ •.¸(7)¸.• ʚϊɞ ʚϊɞ

[img][img][/img][/img]




ʚϊɞ ʚϊɞ •.¸(7)¸.• ʚϊɞ ʚϊɞ


الورقه التانيه تحت عنوان الشعار الأساسي ( #لن_يسبقني_إلي_الله_أحد ))
عنوانها (( يا حامل القرآن ))

ودي عشان تنظمي تلاوة القرآن وحفظه ، وبصي بقي هو مش بعدد الختمات وخلاص هو بعدد الآيات إللي تدبرتي فيها بجد مش قرايه أي كلام عشان تخلصي بسرعه !!!!!!!!

قسمي الورقه نصين النص الأول للحفظ
وقت الحفظ إن شاء الله هيكون بعد صلاة الفجر لإن الذهن بيبقي صافي جدا فـ الوقت ده

شوفي ناويه تحفظي إيه فـ رمضان وليكن عاوزه تخرجي من رمضان حافظه سورة البقره أو أي أجزاء من بداية جزء عم ونظمي فـ اليوم هتحفظي أد إيه وطبعاً إعملي التسلسل بتاع من 1 لـ 30

مثلاً فـ أسبوع هتحفظي 6 أيام وتخلي السابع مراجعه
إكتبي عند اليوم رقم 1 من سورة البقره حفظ من آيه 1 لـ آيه 10 ( كمثال )

وهكذا وكل ما تنفذي علّمي علامة √

النص التاني وده فيه الورد اليومي عشان تختمي بتدبر وده مش هقولك حددي فيه عدد أجزاء ولا صفحات لإن مش بالعدد !!
عوزاكي تكوني صادقه مع نفسك شوفي فـ نهاية اليوم قريتي كام آيه بتدبر وفهم بجد وحسيتي إن قلبك هو إللي بيقراهم وإكتبي فـ اليوم رقم 1 مثلاً من سورة آل عمران من آيه 1 لـ آيه 50 ....إلخ
.
.
.
والآيات إللي تحفظيها ياريت تصلي بيها طول اليوم سواء الفروض أو السنن أو التراويح لو هتصلي فـ بيتك ( وده يُستحسن ) أو القيام .. إلخ

عشان تفضلي دايماً بتراجعي ع الحفظ وكإنك بتسمعيه لـ #ربنا

المصحف إللي بتحفظي منه لازم يكون واحد بس وياريت لو عثماني إللي هو بينتهي فـ الصفحه بآيه

ياريت كمان لو يكون معاكي مصحف فيه تفسير المعاني عشان وإنتي بتحفظي أو تقري لو وقف قصادك معني كلمه تشوفيه عشان يساعدك تقري بفهم وتدبر

#إعتذار
(( للبنات إللي وعدتهم نحفظ فـ المقرأه ع الواتس آب ، أنا ماكنتش بقول وعود وخلاص والله بس انا فعلاً مش هدخل واتس آب فـ رمضان وحتي لو دخلت هيكون مره أو إتنين للإطمئنان على صحابي بس وإن شاء الله هنحفظ بجد بعد شهر رمضان
هخليكي إنتي تعيشي الأيام دي مع ربنا من غير ما حد يساعدك الشيطان ومتسلسل يا ستي أهه ملكيش حجه ))
~
~
~
كده خلصنا ورقة القرآن قراءه وحفظ حطي الورقه دي جنب أختها إللي فاتت وهاتي الورقه التالته دي بقي عنوانها ( بنغلط بس لازم نتوب )
أوعي تخلي أي مخلوق يشوفها ، محدش غيرك يشوفها وهتكتبي فيها بكل صدق الذنوب أو المعاصي أو العادات السيئه إللي إنتي دايماً بتعمليها سواء فـ السر أو العلن وطبعاً مش هقولهالك لإنك أدري واحده بيها رصيهم 1 _ 2_ 3 ... مهما كان عددهم إلخ

بعدين إعملي جدول رصي فـ كل خانه المعصيه او العاده السيئه دي بمجرد كلمه تدل عليها عشان لو الورق وقع فـ إيد حد مايبقاش فاهم حاجه إنتي اللي فاهمه ومعلمه كل ذنب بكلمه او علامه معينه (( ده لإن ربنا سترك فيهم بقولك ما تخليش حد يشوفهم عشان ما تهتكيش ستر الله عليكي وكمان محدش من العباد بيرحم ولا بيستر !!!! ))

وإعملي تسلسل من 1 لـ 30 كل يوم يمر ،،، المره دي مش هتعملي علامة ( √ ) هتعملي علامة ( x )
يعني لو مر اليوم الحمدلله بسلام من غير ما تعملي الذنب الفلاني علمي علامة ( x ) عنده ... إلخ كل أيام رمضان ( بس علمي بأمانه لإن محدش هيستفيد من العلامات دي غيرك إنتي بتأدبي نفسك ومحدش رقيب عليكي غير ربنا )

عشان فـ نهاية رمضان تشوفي مدي محاسبتك لنفسك وجهادك معاها

حطي الورقه دي كمان جنب إخواتها وهاتي الورقه إللي بعدها يا أختي

#يتبع

لـ #ندا_سليمان