لن يسبقني إلي الله أحد ʚϊɞ ʚϊɞ •.¸(8)¸.• ʚϊɞ ʚϊɞ

[img][img][/img][/img]



ʚϊɞ ʚϊɞ •.¸(¸.• ʚϊɞ ʚϊɞ


الورقه الرابعه تحت عنوان الشعار الأساسي ( #لن_يسبقني_إلي_الله_أحد ))

عنوانها (( إحسان ))

إعملي جدول برده من 1 لـ 30 بس الخانات واسعه شويه لأ واسعه شويتين

أول يوم مثلاً عملتي صلة رحم أو خرجتي صدقه أو أطعمتي مسكين أو عزمتي فقير عندك ع الفطار ....إلخ
رصي الحاجات دي فـ الخانات أو ممكن ممكن من الأول إنتي تعملي خانات بعناوين زي ( صلة رحم _ صدقه _ إطعام مسكين ....إلخ وتعلمي √ عند إللي تعمليه منهم ( نظمي الجدول بالشكل إللي يريحك
~
~
~
الورقه الخامسه عنوانها ( إقرأ )

بس ثواني بقي مش قراءة روايات وكتب عاديه أو علميه هه خلي قرائتك إتجاهها فـ رمضان يكون فـ العلم الشرعي حددي كتاب أو إتنين أو تلاته وإنوي تخلصيهم فـ رمضان وهديلك أمثله تساعدك :

_ أجمل بنت في العالم

_ صحابيات حول الرسول

_ الرحيق المختوم ( أو أي كتاب سيره )

_ عقيدة المسلم ( للشيخ محمود المصري أسلوبه سهل )

_ يوم في الجنه

_ إنها ملكه

_ حادي الأرواح إلي بلاد الأفراح

( ( دي مجرد أمثله وكل واحد حر ممكن تقري كتب غير إللي فوق دول عادي المهم الفكره نفسها توصل ))
~
~
~
كده 5 ورقات منظمه فيهم إللي ممكن تعمليه الكلام الجاي ده بقي مش بتاع ورق

ممكن تستغني عن التليفزيون والفيس بوك 30 يوم ؟؟

مش هتقدري صح !!!!

طاب يا حبيبتي ما إنتي أولي بكل دقيقه ممكن تضيعيها هتقولي إنك هنا بتتابعي روايات إسلاميه كويسه ويوميات وبرامج بس إنتي واثقه إنك هتتابعيهم وبس ؟! يعني واثقه من نفسك إنك مش هتضيعي وقتك !! صدقيني هتدخلي تشوفي الروايه الفلانيه ولا البرنامج الفلاني إتأخر كام دقيقه هتلاقي نفسك فاتحه أي صفحه تتسلي عقبال ما يبدأ عرض الروايه بوست ورا التاني روايه ورا التانيه هتلاقي نفسك قعدتي طول اليوم ع الفيس بوك ولا التليفزيون !

فحاولي بالله عليكي على الأقل تقللي قعادك لحد ما ينعدم ع الفيس بوك أما التليفزيون فحضرتك ده مفهوش كلام ما تقعديش عليه تماماً بدل ما آجي أشدك من شعرك يا بتش إنتشي وهي هه
~
~
~
*ماتستهونيش بالدعاء إنتي صايمه وفـ شهر مبارك إدعي بكل إللي نفسك فيه
ده ربك كريم أووي أصلاً مفيش أكرم منه

* كل ما تتعبي من الصيام والحر إفتكري إن الحر والتعب إللي فـ الدنيا ده بيبعدك 70 خريفاً عن حر جهنم وبيقربك أكتر من باب الريان إللي هندخل منه سوا إن شاء الله

*حاولي تتحكمي فـ أعصابك عشان الواحد فـ الصيام والحر بيبقي عصبي جدااا وخاصه مع والدتك ووالدك أو إخواتك .... إلخ
~
~
~
ناقص حاجه مهمه عشان كده نبقي نظمنا كل حاجه
كلنا يعلم وزننا بيزيد إزاي فـ شهر رمضان وخصوصاً بقي لو زي حلاتي كده عكيت أووي قبل رمضان إحم إحم المهم يعني خدي بالك من جسمك وأكلك عشان صحتك أولاً وثانياً عشان بعد رمضان ماتتعبيش فـ أنظمة الرجيم هه

بصي يا ستي أنا سمعت فـ برنامج خلطه كده عشان البطن وليها فوايد تانيه صحيه بعيداً عن الرجيم واحده جربتها وقالتلي جابت نتيجه كويسه ما شاء الله لذلك هقولهالكم لربما واحده تحتاجلها :

قبل أي وجبه بربع ساعه ( وبما إننا فـ رمضان فهيكون قبل السحور والفطار )

هتغلي مايه ع النار كإنك هتعملي شاي أو نسكافيه وتحطي فـ الكوبايه معلقة سكر واحده أو عسل أبيض بس حاجه بسيطه ما تكتريش وهتحطي فـ الكوبايه الآتي
*زنجبيل
*قرفه
*كمون حصى
*شرحتين أو 3 ليمون

صبي عليهم المايه المغليه وغطيهم 5 دقايق أو 10 كده بعدين صفيهم فـ كوبايه تانيه وإشربيه قبل السحور والفطار بربع ساعه
وطبعاً أكلك هتنظميه بلاش تملي بطنك عشان تعرفي تتنفسي وتقفي علي رجلك ده شهر عباده مش طفاسه هه وحاولي تعملي تمارين المشي فـ البيت لو مش هتقدري تتمشي بره يعني كمحافظه علي صحتك ورشاقتك
~
~
~
أظن كده إتكلمنا عن نظام كويس ممكن نمشي عليه وسامحوني لو نسيت اي حاجه
وكنت بكتبه ليا انا كمان يعني كل الكلام ده بقوله لنفسي برده مش ليكم وبس وبعتذر للـ إللي هيقرا الكلام ده من الشباب ويلاقيه بصيغة المؤنث معلش بقي شيل التاء المربوطه وحاول تمشي علي النظام برده

أوعوا تضيعوا الفرصه من إيديكم وماتنسوش شعاركم تحطوه فـ كل مكان ممكن تشوفه عنيكم (( #لن_يسبقني_إلي_الله_أحد ))

ماتنسونيش فـ دعائكم ولو زعلت حد بكلمه أو أي حاجه من غير ما أقصد أرجو يسامحني ورمضان مبارك ربنا يتقبل منا جميعاً ويجعلنا من الفائزين فـ رمضان

أتمني أكون أفدتكم وياريت تعملوا شير أو منشن لصحابكم لو مش عاوزين مش مشكله خدوا الكلام كوبي وأبعتوه فـ رسايل ليهم أي طريقه تريحكم المهم توصلوا الكلام لغيركم لربما يكون حد محتار مش عارف يعمل ايه ممكن النظام ده يساعده ولو بجزء بسيط

#أحبكم_فـ_الله

#تمت بحمد الله

لـ #ندا_سليمان