بقيت ساعات أغمض عينى

من طرف ندا سليمان الجمعة ديسمبر 12, 2014 9:31 pm

[img]

[/img]

بقيت ساعات أغمض عينى

ما أشفش قدامى!!!!

وأنا كنت ياما لمّا أغمض

بشوف قصادى أحلى حياه

بشوف حلمى إللى مستنى

بشوف إنسان بيفهمنى

بشوف دمعى بيضحكلى

و جناين صبرى على الألم والآه !!

بصيت فى مرآيتى

لقيت حزنى محاصرنى

وملامحه ساكنه فى ملامحى

غمضت عينى للهرب طالبه النجاه

غمضت وإستنيت ملقتش ولا حاجه !!!

للأسف حلمى هرب منى

حتى الدموع عاندتنى

متجمعه فى عينى بتألمنى

مش عاوزه تنزل تريحنى

ولا عاوزه ترجع تانى تضحكلى

طاب قولولى لما الحلم يهرب

يعيش الكفيف إزاى فى الحياه !!!!!

بقلمى / نــــدا سليمـــان