بحبك يا أحلى ندووش بالكون

أنا ماكنتش بحب الروايات تماماً آخرى قصص قصيره عشان بمل من التطويل لكن بعد ما قرأت ليكي الأجزاء التلاته من رباط الحب والجزء الأول من عود ثقاب بقيت بتمنى تطولي الحلقات أكتر وأكتر وبـ اقرا من غير ملل بجد بسببك حبيت الروايات بس منك إنتي وبس عندك أسلوب ساحر يجذب القارئ وكنت بحس أثناء القراءة إني شايفه المشهد قصادي بتأثر بكل حاجه في حياتهم بل والأبطال أصبحوا جزء من حياتي ومشتاااقالهم جداً مشتاقه لملك ومحمد ومروان ومحمود ومحى وياسمين ولوجين ومروه وضحى والمهندس مجدي والحاجه صفاء ومايسه أم ملك والحاج عبدالرحمن وساره ومهند بجد مشتاااقه لكل الأبطال حتى لحفصه وحمزه كمان مشتاقه لداليا من عود ثقاب كان نفسي تكون لطارق بس ماكنتش عوزاها ترجع لعلي لإنه مايستحقهاش هو اللي باعها من الأول متشوقه جدااا أعرف الأحداث في الجزء التاني
كتاباتك مش بس مسليه بل مفيده وأثرت في حياتي كتير جداً إنتي كمان على المستوى الشخصي أشبه بالملاك بتمنى بنتي تكون زيك ربنا يبارك فيكي ويحفظك ويا بخت إللي هيكون زوجك مامته دعياله ربنا يرزقك زوج صالح وذريه صالحه ويا رب دايماً من نجاح لنجاح ويا رب قريب جداً أقرالك كتب ورقيه بالمكتبات

وليا طلب كقارئه بقى مليش دعوه أرجووووكي خلّصي الجزء الرابع من رباط الحب ما تتصورييش مشتقاله أد إيه كمان ياريت تنزلي عود ثقاب في أجازة نص السنه وحسي بالناس إللي فاضيه ومعندهاش إمتحانات حرام نستني كل ده يا بشرر ربنا ييسرلك وتكون الإمتحانات سهله وتخلصي وتمتعينا وتفيدينا بكتاباتك يا كاتبتي المفضله
بحبك في الله