الحلقة ʚϊɞ ʚϊɞ •.¸(6)¸.• ʚϊɞ ʚϊɞ
صفحة 1 من اصل 1
الحلقة ʚϊɞ ʚϊɞ •.¸(6)¸.• ʚϊɞ ʚϊɞ
[img][/img]
ʚϊɞ ʚϊɞ •.¸(6)¸.• ʚϊɞ ʚϊɞ
وقفنا الحلقه إللي فاتت عند أما
ودعت مارثا و راحت للجامعه من نفس الطريق إللي وصفتهولها مارثا أثناء جولتهم ، وصلت للجامعه وكلها نشاط وحماس ، وماكنتش تعرف المفاجآت إللي في إنتظارها وعلى بعد دقائق قليله منها ......!!!!
كانت في طريقها لمكتب الدكتور المشرف على رسالتها لما جالها اتصال من مصر ، ردت بإبتسامه ودوده : الو اخبار حضرتك ايه يا دكتور kiki رمز تعبيري ؟
_انا الحمدلله بخير انتي اخبارك ايه يا بنتي ؟
_الحمدلله بخير أنا اهه في طريقي لمكتب دكتور عماد
_كويس اني كلمتك قبلها ، دكتور عماد اعتذر لأن والدته تعبت واضطر يرجع مصر وهيطول شويه هنا ، بس ماتقلقيش هو رشح دكتور تاني مصري وممتاز جدا وانا موافق على ترشيحه صراحه لأن الدكتور ده كان طالب متميز جدا عندي وخدوم برده زي دكتور عماد هتلاقيه في انتظارك في مكتب دكتور عماد
_تمام مفيش مشاكل ومتشكره جداً لتعب حضرتك يا دكتور
_العفو على ايه بس ده انتي زي دكتوره صفا بنتي ربنا يوفقكم
_يا رب
_يلا اسيبك مع المقابله بقى وأبقي طمنيني
_حاضر إن شاء الله
_مع السلامة
_مع السلامة
وصلت عند باب المكتب ، تممت على مظهرها وأوراقها وخبطت ، جالها الإذن بالدخول فتحت الباب وكانت المفاجئه gasp رمز تعبيري .... !
•••••••●••••••••●••••••••••●•••••••••●••••••••●••••••
خلّص شغله بدري وقرر يروح يشوف بنته ، فتحتله حماته الباب ورحبت بيه وداليا أول ما سمعت صوته جريت واترمت في حضنه ، ضمها بحب وحنان، قعد في البلكونه وقعدها على رجله heart رمز تعبيري
_وحستني اوووي يا بابا إنت جاي تاخدني أنا وماما عسان نرجع البيت ؟؟
_ انتي وحشتيني أكتر يا روحي ♡ هرجعكم البيت إن شاء الله بس أنا عندي شغل ومش عاوز أسيبكم في البيت لوحدكم خليكم عند تيته لحد ما أخلص الشغل
_طيب ماتتأخرس عسان البيت وحسني اووي وكمان صحابي
_حاضر يا حبيبتي ، هي ماما فين ؟؟
_ في السغل ، سفت صحبتي الجديده kiki رمز تعبيري ؟؟
_ الله جميله اووي العروسه دي ماما جابتهالك ؟؟
_لا عمو سريف جبهالي
إستغرب وقبل ما يسألها أي سؤال تاني ردت البنت بفرحه وهي بتشاور تحت : ماما أهه جت ، ده عمو سريف إللي جابلي العروسه يا بابا
بص لقى شيماء نازله من عربية راجل غريب ، إستشاط غضباً ودخل هو وبنته للصاله في إنتظار وصولها upset رمز تعبيري
أول ما دخلت من باب الشقه وشافت طارق إتصدمت : طارق gasp رمز تعبيري !!!
طاريق بسخريه : إيه ماكنتيش عامله حسابك إنك هتلاقيني موجود ولا إيه ؟؟!!
فهمت قصده فبصت لبنتها : داليا إدخلي أوضتك دلوقتي وأنا هبقى أندهلك
مسكت إيد أبوها : لأ أنا عاوزه أقعد مع بابا وخايفه يمسي تاني ويسيبني frown رمز تعبيري
إنحني وقبل راسها : ما تخافيش يا حبيبتي زي ما اتفقنا لما أخلص شغل هاجي أخدك عشان نرجع البيت
_ وعد smile رمز تعبيري ؟؟
_ وعد smile رمز تعبيري
دخلت داليا أوضتها وإلتفت شيماء لطارق : خير يا طارق ؟؟
_ إنتي إللي خير ؟! إللي شفته من شويه ده تفسيره إيه إن شاء الله ؟؟!!
_ عادي يعني تعبت إنهارده في الشغل وزميلي صمم يوصلني
_ وهو يا مدام يا محترمه يصح تركبي مع راجل غريب لوحدك كده عربيته مهما كان الظرف !!! ولا شغلك نساكي الأصول كمان !!!
_ هتبدأ تاني تلبخ يا طارق upset رمز تعبيري !!
_ لا العفو انا هادي اهه وبتكلم بهدوء وبروووود مش ده إللي حضرتك عوزاه !
_ أنا ماعملتش حاجه غلط !!
_ ماهي دي مشكلتك إنك بتعملي الغلط بحذافيره ومش شايفه نفسك غلطانه فـ حاجه !! صحيح جميله أوي العروسه إللي إشتراها عمو شريف لداليا ، أظن كنتي تعبانه وجه يزورك فجاب عروسه هديه لداليا أو يمكن أسرار بيتنا طلعتله فعرف إن الدنيا متكهربه قرر يصطاد في الميه العكره ولا إيه !
_ طارق لو سمحت شريف إنسان خلوق ومايستحقش تتكلم عنه كده كمان هو مجرد زميل وبس upset رمز تعبيري
_ عموماً أنا كنت جاي أقولك إني موافق ع الطلاق بكره إن شاء الله أكون خلصت المأموريه إللي أنا فيها هكلم عمك وبعد العصر نتقابل عند المأذون وماتنسيش تجهزي شنط داليا وتودعيها ومبروك عليكي العريس الجديد
نهى كلامه ومشي ، ندهتله شيماء ماردش عليها ، خرج وقفل الباب بعنف ، جريت ناحية الباب خبطته برجلها بعصبيه upset رمز تعبيري وجعتها رجلها فقعدت في الأرض تبكي بصوت عالي زي الأطفال cry رمز تعبيري cry رمز تعبيري جريت أمها من المطبخ وضمتها لحضنها ووقفت داليا بعيد خايفه ، حاضنه عروستها وبتبكي على بكا أمها cry رمز تعبيري .....
•••••••●••••••••●••••••••••●•••••••••●••••••••●••••••
قاعد في مكتبه ومركز في الشغل ، خبّط عصام ودخل حط ظرف قصاد عدنان وقعد ، ساب عدنان إللي في إيديه ومسك الظرف : إيه ده !!
_ ده يا سيدي ملتقى رجال الأعمال بتاع كل سنه ، عاملينه المره دي في باريس
حط الظرف وبدأ يكمل شغله : اه طاب كويس جهز نفسك بقى
_ نعم أجهز نفسي مين يا عم إنت !! أوعى تكون مش ناوي تروح gasp رمز تعبيري !
_ بالضبط كده مش ناوي روح إنت مكاني والدعوه التانيه لسما تحضر معاك
_ أنا أه يعني أحب سما تكون معايا في الأجازه دي بس إنت محتاجها أكتر يا عدنان ، محتاج تاخد راحه شويه من الشغل وتغير جو
_ متشكر أنا مش عاوز أروح هاا ناوي تروح ولا أدي الدعوتين لأي حد من الشركه وضاعت عليك الفرصه !!
_ إحم إحم بما إنك مش حابب تروح وبما إن سما وحشتني إذا شكراً لك يا صاح
_ أيوه كده إضبط نفسك وإمشي يلا من هنا مش فاضيلك
خرج عصام من مكتب عدنان وهو بيكلم خطيبته عشان تجهز نفسها وتجيله على أول طياره جايه من أمريكا
•••••••●••••••••●••••••••••●•••••••••●••••••••●••••••
متجمعين في الصاله بيتفرجوا على مسرحيه ، دخل ناصر مبسوط : شيرييين دالياااااا
شيرين : إيه يا حبيبي فيه إيه ؟؟
_ أبشروووا ، وصلتني دعوة في وقتها wink رمز تعبيري
مسكت داليا الظرف منه وهي بتقرا : الله ده ملتقى رجال الأعمال ، يعني فرصه كبيره تتعرف على شركات تانيه وتبدأ تعوض الصفقه إللي ضاعت إن شاء الله wink رمز تعبيري kiki رمز تعبيري
_ بالضبط كده ، اللهم لك الحمد
_ مبارك يا خالو ^^
_ الله يبارك فيكي يا دولّي ، واحده فيكم بقى تجهز شنطتها عشان هتيجي معايا
شيرين :أكيد مش أنا
داليا : نعممممم !! أمال مين إن شاء الله !!
شيرين : ومين غير حضرتك
داليا : لا طبعاً عرفاني مابحبش الحفلات الرسميه الخنقه دي انا هقعد بالولاد وإنتوا سافروا وتعالوا
شيرين : وبالنسبه للأخ محمد إللي حرارته مرتفعه ده !! وا الأخت مرام إللي لازم تشارك أخوها في كل حاجه فمرضت زيه ؟!
داليا : أنا هاخد بالي منهم
شيرين : ماينفعش ، لازم أكون معاهم إنتي عارفه متعلقين بيا إزاي ! إنتي روحي مع ناصر وخدوا معاكم لارا تتفسح وبعدين إنتي إشتغلتي قبل كده وعارفه نظام الشركات والناس هنا إنما أنا لأ هروح أعمل إيه هناك !!!
وقبل ما داليا تتكلم ، همست شيرين في ودنها : يا أذكى أخواتك إنتي مش قولتيلي عاوزه تنزلي تدوري على شغل وأهه جت الفرصه !
بصت لخالها : أممممم خلاص ماشي يا خالو هاجي معاك أنا ولارا
ناصر : تمام جهزوا شنطكم عشان هنسافر بعد بكره إن شاء الله
~
~
~
بعد ما داليا جهزت شنطها كلمت نِهال يتمشوا شويه سوا وحكتلها عن الحفله إللي هتسافرلها ونِهال أيدت رأي شيرين وشجعت داليا تحضر يمكن فعلاً تلاقي فرصة شغل
•••••••●••••••••●••••••••••●•••••••••●••••••••●••••••
وصلت عند باب المكتب تممت على مظهرها وأوراقها وخبطت ، جالها الإذن بالدخول فتحت الباب وكانت المفاجئه لقته قاعد ورا المكتب وبيقرا أوراق في إيديه ، بصتله وهي مش مصدقه gasp رمز تعبيري فركت عينيها على أمل تلاقيه إختفى لكن هيهات هو بالفعل ومن غير ما يرفع عينه من ع الورق
_ إتفضلي إدخلي يا دكتوره مريم
صوته زلزل كيانها ، حاولت تتحرك خطوه للمكتب لكن مش قادره ، دقات قلبها سريعه ومش قادره تاخد نفسها ورعشه خفيفه في أطرافها ، لحظة اللقا بعد فراق دام للسنين صعب على قلب ضعيف زي قلبها يستحملها ، لما لقاها ما دخلتش ساب الورق وبصلها ، بيأذنلها بالدخول وهي سامعه صوته كإنه من ورا إزاز ، وعيونها بدأت تزغلل ، على وشك إنها تفقد الوعي وقف بسرعه من مكانه وسندها ، قعدها ع الكرسي وناولها كوباية مايه ، حاولت تسيطر على نفسها وتتحكم في إنفعالاتها ، فضلت باصه في الأرض
_ أحسن دلوقتي ؟؟
هزت راسها فإتنحنح وبدأ يتكلم : دكتور عماد والدته مريضه ورجع مصر ووكلي مهمة الإشراف على رسالتك ومن الواضح إن حضرتك تعبانه ومش هنقدر نبدأ شغل إنهارده ، تحبي تاخدي راحه إنهارده ولا نبدأ شغل ؟؟
ردت بصعوبه : لأ ياريت أرتاح إنهارده عشان تعبانه من السفر
_ زي ما تحبي
وقفت ، إستأذنت منه ومشيت ، أول ما خرجت من المكتب وقفلت الباب وقفت على جنب بتحاول تسترد أنفاسها إللي هربت منها ، مش قادره تمشي ، تحاملت على نفسها وبسرعه ركبت تاكسي ورجعت ع البيت frown رمز تعبيري
مدام مارثا بتكلمها وهي في عالم تاني ، طلعت على أوضتها وقفلت الباب وراها ، بصت للمرآيه تحديداً لشبح الحزن والألم إللي مستعمر ملامح وشها cry رمز تعبيري بقالها 7 سنين بتحاول تنسى وجعها ومش قادره كل سنه تسعى للبعثه عشان تلاقي فرصه تبعد عن مصر وعن شبح خالد إللي مطير النوم من عنيها ، عمرو إتقدملها كتير بعد إعدام خالد ورفضت ، بعدها قرأت خبر خطوبته في الجريده ، شهر وإختفى من الجامعه ، توقعت إنه إتجوز وسافر زي ما كان ناوي يتجوزها ويسافروا بره ، كان هو الحاجه الحلوه إللي فاضله في حياتها وخلاص مل من رفضها وسابها زي خالد وقبلهم جدتها وجدها وأبوها وأمها ، الكل بيسيبها في نص الطريق ، دااليا كانت دايماً جنبها ، لكن قررت تبعد عن داليا بإرادتها يمكن شبح خالد يسيبها في حالها ، فرحت جداً بخبر البعثه لكن فرحتها إنطفت بعد ما شافت عمرو إنهارده وعرفت إن هو إللي هيشرف على رسالتها بصت للسما ورددت بحرقه : أنا تعبت يا رب تعببببت cry رمز تعبيري cry رمز تعبيري !
كلمت الدكتور بتاعها في مصر وطلبت منه تغير الدكتور المشرف ع الرساله لكنه نصحها إنها تفضل معاه لإن أي دكتور غير عربي ربما يتعنتها وماتقدرش تنجز أي حاجه في دراستها ، ولما ما لقتش أسباب مقنعه تقدمها للدكتور سكتت ورضيت بالأمر الواقع
~
~
~
أول ما وصل من المطار مارجعش البيت راح ع الجامعه بسرعه بعد إتصال صاحبه ، فهمه كل حاجه وسلمه أوراقها ومشي ، أول ما قرا الإسم زاغ بصره وماقدرش يقف على رجله ، قعد ع المكتب وهو بيسترجع كل لحظه مرت بينهم ، إفتكر إزاي إتعذب في بعدها عنه ، وأهه دلوقتي بعد 7 سنين القدر بيجيبها لحد عنده !
غرق في ذكرياته مع مريم لحد ما إنتشلته من بحر ذكرياته بخبطها على باب المكتب ، أذن بالدخول وقلبه بيقوله إن هي إللي ورا الباب وبالفعل كانت هي ، رغم إنه مارفعش عينه من ع الورق بس قلبه إللي دايماً نبضاته بتعزف لحن الحب في وجودها ، بعد مرور 7 سنين وتوقفه عن العزف بدأ من تاني يعزفله نفس اللحن إحتفالا بوقوفها قدامه ، إنتظر دخولها لكن قابلته بالصمت ، راعى إنها دلوقتي في لحظة ذهول ، سابها تستوعب اللحظه براحتها ، ولما بصلها لقاها على وشك إنها تقع فجري سندها ، رغم إنه ماكنش عاوزها تمشي أبداً أذنلها تروح ويأجلوا الشغل لأنه لاحظ تشتت إنتباهها وإنها مش على طبيعتها ~
•••••••●••••••••●••••••••••●•••••••••●••••••••●••••••
_ يا حبيبتي خليني أروح معاكي وأتكلم أنا معاه
_ لأ يا ماما أرجوكي بلاش تتدخلي ، خدي بالك بس من داليا ، هنخلص الإجراءات وهرجع على طول بس أرجوكي لو مهما حصل أوعي تخرجي داليا من البيت
_ حاضر يا حبيبتي
إتناولت شنطتها ونزلت ، شاورت لتاكسي ، قالت ع العنوان وسرحت في الطريق ، هي لسه بتحب طارق بل بتعشقه بجنون بس الحياه بينهم بقت صعبه وكلها مشاكل ، نفسها تفضل دايماً جنبه بس مش قادره تقبل شرطه وتتخلى عن نجاحاتها cry رمز تعبيري !
وصلت عند المأذون وكان في إنتظارها هو و عمها ، بصتله بعيون ملياها دموع الخوف والألم cry رمز تعبيري لف وشه الناحيه التانيه ، دخلوا وبدأ المأذون يكلمهم عن الطلاق ويقنعهم يتراجعوا عن قرارهم لكن طارق مصمم على رأيه ، بدأ المأذون إجراءات الطلاق وفجأه ......!
•••••••●••••••••●••••••••••●•••••••••●••••••••●••••••
غسلت مريم وشها مكان البكا ، وقررت تقوي قلبها وتركن مشاعرها على جنب عشان تقدر تكمل وقفت في الشباك شويه تتأمل الطبيعه ، بعدين قررت تتمشي شويه ، لبست ونزلت ، بلغت مسز مارثا وخرجت وفجأه وقفت مكانها مصعوقه gasp رمز تعبيري gasp رمز تعبيري !!!!!
إنتهت حلقتنا هنا إنهارده إنتظرونا الحلقه الجايه إن شاء الله عشان نكمل باقي الأحداث ....
لـ #ندا_سليمان
مواضيع مماثلة
» الحلقة ʚϊɞ ʚϊɞ •.¸(9)¸.• ʚϊɞ ʚϊɞ
» الحلقة ʚϊɞ ʚϊɞ •.¸(2)¸.• ʚϊɞ ʚϊɞ
» الحلقة ʚϊɞ ʚϊɞ •.¸(29)¸.• ʚϊɞ ʚϊɞ
» الحلقة ʚϊɞ ʚϊɞ •.¸(23)¸.• ʚϊɞ ʚϊɞ
» الحلقة ʚϊɞ ʚϊɞ •.¸(16)¸.• ʚϊɞ ʚϊɞ
» الحلقة ʚϊɞ ʚϊɞ •.¸(2)¸.• ʚϊɞ ʚϊɞ
» الحلقة ʚϊɞ ʚϊɞ •.¸(29)¸.• ʚϊɞ ʚϊɞ
» الحلقة ʚϊɞ ʚϊɞ •.¸(23)¸.• ʚϊɞ ʚϊɞ
» الحلقة ʚϊɞ ʚϊɞ •.¸(16)¸.• ʚϊɞ ʚϊɞ
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى