الحلقة ʚϊɞ ʚϊɞ •.¸(12)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(12)¸.• ʚϊɞ ʚϊɞ

وقفنا الحلقة إللي فاتت عند أما

داليا خلصت شغلها بدري ، نزلت قعدت مع نغم وسالي وباقي البنات تحت شويه قبل ما تمشي ، وصلت البيت ومددت ع السرير شويه ، جه على بالها إللي حصل انهارده ، مش عارفه ليه لحد دلوقتي مش مصدقه إن ده عدنان ! إفتكرت إن انهارده أول مره تشوفه بيضحك فإبتسمت )
خرجها من شرودها صوت الموبايل إتناولته وأول ما قرأت الإسم إستغربت ‏‎confused_rev‎‏ رمز تعبيري !!!
.
.
.
أخدت اجازه من شغلها عشان ترتب الشقه ، قلّبت في الحاجات القديمه عشان ترمي إللي ملهوش لازمه ، إيديها وقعت على شنطه لقت فيها أوراق جرايد وصور ، قرأت العناوين عيونها لمعت وابتسمت :")) الفتره دي كانت أجمل فتره في حياتها ، حققت وقتها الحلم أحسن مما كانت بتحلم بيه ، بصت على اسم داليا وصورها وحست بالخجل من نفسها ‏‎frown‎‏ رمز تعبيري داليا ليها الفضل عليها في كل حاجه حصلتلها ، ليها الفضل بعد ربنا في انها تحقق حلمها ، وانها تتقرب من طارق ، كلام حماتها عن إنه اتقدم لداليا قبل كده عمى قلبها وخلاها تنسى فضل داليا وتشوفها عدوه ليها ‏‎frown‎‏ رمز تعبيري
وبدون تردد مسكت الموبايل واتصلت بداليا ، فاقت داليا من لحظة

الاندهاش ، تمتمت ربنا يستر وردت : السلام عليكم

_وعليكم السلام ، إزيك يا دوللي وحشتيني أوووووي :")

_الله يسلمك يا حبيبتي وانتي كمان والله وحشاني جدااا ‏‎kiki‎‏ رمز تعبيري ‏‎heart‎‏ رمز تعبيري عامله ايه كله تمام ؟؟

_اه الحمدلله ، داليا انا عارفه اني مقصره في حقك اووي وآخر مره يعني اتكلمت معاكي بقلة ذوق ‏‎frown‎‏ رمز تعبيري بس والله غصب عني يعني كان فيه شوية ضغوطات ومشاكل بيني وبين طارق والحمدلله ربنا صلح الاحوال بينا

_ولايهمك يا حبيبتي مقدره والله المهم انكم كويسيين ومبسوطين ‏‎kiki‎‏ رمز تعبيري داليا كويسه ؟

_الحمدلله كويسه وبتسلم عليكي اول ما تصحى هخليها تكلمك ان شاء الله

حكتلها شيماء شويه عن اخبار شغلها واحوالها زي ما كانت دايماً بتحكي معاها ، قفلت معاها وداليا حاسه براحه نفسيه ان المشاكل بين طارق وشيماء انتهت ودعت ربنا يديم عليهم السعاده والحب ‏‎kiki‎‏ رمز تعبيري ~

•••••••●••••••••●••••••••••●•••••••••●••••••••●••••••

إنهارده يوم مش عادي بالنسبه لهم ، ده تاريخ اليوم إللي هاله سامحت فيه علي وقررت تعيش معاه حياه طبيعيه زي أي زوجه ، كل سنه بيحتفلوا بالمناسبه دي ، انتهز فرصة ان الولاد عند حماته بقالهم يومين وقرر يعمل حفله خاصه بيه هو وهاله ، الفتره دي بسبب شغلها وشغله بعدوا عن بعض اوي وحاسس انه مفتقدها ‏‎heart‎‏ رمز تعبيري جرب يطبخ حاجه خفيفه للعشا ، جهز السفره وحط شموع ، اتصل بيها

_أيوه يا روح قلبي فينك ؟؟

_أنا اهه رايحه اركب عربيتي وآجي

_طيب يا حبيبتي ماتتأخريش أنا في انتظارك ‏‎heart‎‏ رمز تعبيري ‏‎kiki‎‏ رمز تعبيري

قفلت معاه ، فتحت العربيه حطت شنطتها والموبايل ، ركبت وقبل ما تتحرك لقت عربيات اسعاف داخله المستشفى وفي حالة هرج ، خمنت انها حادثه ، لقت موبايلها بيرن وكان دكتور زميل ليها بيطلب لو روحت ترجع لإن فيه حادثه ومحتاجين اكبر عدد من دكاترة المستشفى ، قفلت معاه وزفرت بضيق وحيره مش عارفه تعمل ايه ‏‎frown‎‏ رمز تعبيري ؟!
بصت على مناظر المصابين وعلى الموبايل واخدت قراراها بعتت رساله لعلي ، قفلت عربيتها وجريت ع المستشفى تؤدي واجبها ......
~
~
~
على استلم التورته والحلويات من الدليفري ، حطهم في التلاجه وسمع صوت رساله ، لقاها من هاله فإبتسم وتوقع افتكرت مناسبة انهارده وباعته رساله حلوه ، عقد مابين حاجبيه وهو بيقرا (( اسفه يا حبيبي هتأخر شويه ، حصلت حادثه ومحتاجين اكبر عدد من الاطباء ..، بحبك ‏‎heart‎‏ رمز تعبيري ))

قرا الرساله اكتر من مره ، وحدف الموبايل بعصبيه ع الكنبه ، طفى الشموع ، غير هدومه ، ساب كل حاجه زي ما هي ، أخد موبايله ومحفظته ونزل يتمشى في الشوارع شويه ، مش دي السعاده إللي اتخيلها مع هاله لما قرر يردها ‏‎frown‎‏ رمز تعبيري !!
ولا ده الحب المتوقعه منها ، اهملت فيه وحاسس ان مابقاش له وجود في حياتها ، اهتمامها الأكبر بشغلها وحتى لما ترجع من الشغل بيبقى اهتمامها كله بولادها ، لابتتكلم معاه زي الأول ولا تهتم بيه ، حتى الكلمه الحلوه مابقالهاش طعم منها ‏‎frown‎‏ رمز تعبيري ‏‎frown‎‏ رمز تعبيري ، بص حوليه ولقى نفسه عند بيت أهله ، طلع سلم عليهم ودخل ينام في اوضته ، بقاله كتير أوي مادخلهاش ، تأملها وابتسم ‏‎smile‎‏ رمز تعبيري ، إتناول بيجامه من الدولاب ، غيّر هدومه وفرد جسمه ع السرير ، سرح في السقف ورجع لأيام حياته زمان ، افتكر حاجه وقام بسرعه ناحية الدولاب ، جره لقدام ، مد إيديه ، شد الخشبه اللي في ضهره وابتسم لما لقى الحاجه زي ما هي ، طلعها ورجع فلاش باك )
.
.
شارد في الفراغ وعيونه شايفه ملامحها فـ كل مكان ، رن موبايله برقم غريب فـ طنشه لكن الرقم مُصر ، زفر علي بضيق ورد : ألو

أول ما سمعت صوته إتجمعت الدموع في عيونها وأنفاسها بدأت تخرج بصعوبه ، سيطرت على نفسها وردت : علي :')) !

أول ما نطقت إسمه إتردت فيه الروح ، غمض عيونه وهو سامع صوت أنفاسها وبدأ يتنفس بـ راحه حاسس إن الأكسجين دلوقتي وصل لجسمه :'))

داليا : ممكن أشوفك بكره ؟!

على : تشوفيني ‏‎gasp‎‏ رمز تعبيري !! أ أ أيوه أيوه ممكن طبعاً امته وفين ؟!

داليا : فاكر أول مره في حياتنا نخرج سوا ؟

ابتسم علي ورد : طبعاً انا عمري مانسيت لحظه واحده جمعتنا يا داليا :')

داليا : خلاص يبقي هنتقابل بكره ان شاء الله في مكاننا الساعه 12

علي : ده برده نفس الميعاد إللي خرجنا فيه يومها :'))

ابتلعت داليا ريقها : على ممكن اطلب منك طلب ؟

على : أكيد اتفضلي ^^

داليا : ممكن بكره إن شاء الله تجيب معاك اي ذكري بينا يعني الورود والجوابات والهدايا لو لسه موجوده عندك يعني ؟

على : طبعاً كل حاجه لسه موجوده بس ليه يعني عوزاهم ليه ؟؟!

داليا : هتعرف بكره ان شاء الله بس ارجوك يا علي تجيبهم معاك كلهم وماتتأخرش بكره

على : حاضر )

داليا : اشوفك بكره بإذن الله ، مع السلامه ‏‎smile‎‏ رمز تعبيري

على : خدي بالك من نفسك ، مع السلامه

استنى لما قفلت وبص للموبايل وهو مش مصدق انه من شويه كان بيكلم داليا ‏‎gasp‎‏ رمز تعبيري لسه صوتها بيتردد في ودنه ، حضن الموبايل والبسمه مرسومه على شفايفه ‏‎kiki‎‏ رمز تعبيري ، ركب عربيته ورجع ع البيت فضل يقلب في هدومه ويقيس في كل القمصان وشويه يجرب البدل وفي الآخر قرر يلبس القميص إللي داليا جبتهوله هديه ‏‎kiki‎‏ رمز تعبيري ، كواه وجهز كل هدومه ،
بدأ يجمع الذكريات والهدايا إللي كانت بينهم زي ما طلبت ، كان متوقع انهم هيرجعوا لبعض فشال صور وذكريات عزيزه عليهم عشان يفاجئ بيها داليا بعدين ، شالهم في مخبئه اللي ورا الدولاب ، من صغره كان بيحوش فيه فلوسه ويحط الحاجه اللي مش عاوز اهله يشوفوها ، محدش يعرف المكان ده غير داليا ، بعد ما خلص رمى نفسه ع السرير وسرح في السقف ولسه سامع صوتها في ودانه ‏‎heart‎‏ رمز تعبيري فضل شارد في ملامحها لحد ما نام ‏‎squint‎‏ رمز تعبيري .....
.
.
.
بص للصور اللي في إيديه ولإيشارب داليا وأول جواب اعترفتله فيه بحبها واول جواب اعترفلها فيه ، نفض التراب من عليهم وفضل يقراهم اكتر من مره ويتفرج ع الصور وهو بيفتكر كل الذكريات كإنها بتحصل قدامه دلوقتي بيسترجع الذكريات و يبتسم وفي لحظه الشيطان خلى قلبه يميل عن مساره ويحيد عن الطريق المستقيم ، تخيل لو كان إللي اتجوزها هي داليا كان زمانه عايش في سعاده أكتر ، وكان زمانها حاسه بيه ومرعياه ، كان هيبقى هو المرتبه الأولى في حياتها ، حاسس انها وحشاه أوووي ويقرر يكلمها حالاً ، مسك موبايله بدون تفكير واتصل بيها

كانت نايمه وصحيت مفزوعه على صوت الموبايل ، ردت من غير ماتبص ع الاسم : الو !

_إزيك يا داليا ؟

_اه إزيك يا علي فيه حاجه ‏‎squint‎‏ رمز تعبيري ؟؟؟!

_يا خبر أنا اسف اوي نسيت فرق التوقيت بينا معلش عشان صحيتك ‏‎frown‎‏ رمز تعبيري

_لا ولايهمك طمني بس في ايه ؟

_مفيش حاجه هكلمك وقت تاني إن شاء الله يلا كملي نوم تصبحي على خير

_استنـ ....، لكنه قفل السكه ، حطت الموبايل وهي حاسه إن فيه حاجه مش طبيعيه بس قررت تطمن بكره عشان تنام شويه قبل الشغل .....
وعلي ركن الموبايل جمبه ، لقى هاله بتتصل ، كنسل عليها وقفل الموبايل بعصبيه ، ركنه جنبه وحاول ينام.....
...
.
.
هاله خلصت شغلها متأخر ، جريت بسرعه على عربيتها وساقت للبيت ، طلعت ولقت الشقه مضلمه ، فتحت النور ودخلت اوضة النوم مالقتش علي ، خرجت عند السفره واتصدمت ‏‎gasp‎‏ رمز تعبيري ‏‎gasp‎‏ رمز تعبيري !!
لقت اكل وشموع مطفيه ، بصت ع التاريخ في الموبايل وخبطت جبهتها بإيديها بندم ‏‎cry‎‏ رمز تعبيري اتصلت بعلي كنسل عليها وبعدها قفل الموبايل ، قعدت ع السفره وتخيلت وهو بيحضر كل ده عشانها ويتعب بس عشان يفرحها وافتكرت هي اد ايه مقصره في حقه خبطت قبضة ايديها ع التربيزه بعصبيه وهي بتردد : انا غبيه غبيه وما استحقش كل ده ‏‎cry‎‏ رمز تعبيري

حاولت تتصل تاتي ولقت الموبايل برده مقفول ، فضلت قاعده جنب السفره على أمل إنه يرجع ويحتفلوا ومن شدة التعب راحت في النوم ‏‎squint‎‏ رمز تعبيري .......

•••••••●••••••••●••••••••••●•••••••••●••••••••●••••••

صحي في الليل ، صلى ركعتين وبعدين مسك الكتاب وفتحه وهو متشوق يقراه ، بدأ يقراه بنهم لحد ما خلصه بالكامل ، خلصه وقرر مش هيستسلم في حبه لداليا ‏‎heart‎‏ رمز تعبيري حاسس بشوق ليها ، حاسس إنها مختلفه وإن لو عرفت أسرار حياته هتتقبلها ، حاسس إنها بتعرف تقدر وتفهمه ، إنها عارفه كويس يعني إيه حب بجد ‏‎heart‎‏ رمز تعبيري لكن جواه صوت تاني مخوفه من إنه يقرب فيخسرها ‏‎frown‎‏ رمز تعبيري بس المره دي هزم الصوت وقرر يغامر ويجرب ....~...
~
~
~
تاني يوم الصبح عدنان راح الشغل وكله حيويه ونشاط ، وصل مكتبه وكانت داليا وصلت قبله وجهزت كل حاجه ، ابتسم بود : السلام عليكم ثم صباح الخير ‏‎kiki‎‏ رمز تعبيري

داليا في سرها ( الاتنين مره واحده سترك يا رب ثبته ‏‎grin‎‏ رمز تعبيري ) ، ابتسمت : وعليكم السلام وصباح النور يا فندم ‏‎kiki‎‏ رمز تعبيري

_ايه الكتاب الممتع اللي ادتيهولي امبارح ده ! انا خلصته كله امبارح ‏‎kiki‎‏ رمز تعبيري

_ زيي أول ما قريته خلصته برده في ليله واحده ‏‎kiki‎‏ رمز تعبيري

_اتفضلي اهه وعاوز بكره ان شاء الله كتاب تاني على ذوقك

_تمام يا فندم ‏‎kiki‎‏ رمز تعبيري (Y)

بدأوا الشغل ، وحضروا اجتماعات وكان يوم مرهق بس داليا ماحستش بتعب اليوم لإن معاملة عدنان إللي اتحولت 180 درجه خلتها تتحمل أي مجهود ، بقى بيناقشها في كل خطوه قبل ماينفذها سواء تخص الشغل او امور حياته وهي مازالت مهتمه بكل تفصيله في حياته واهمها دواه

وهي في البريك كانت قاعده مع البنات وافتكرت مكالمة علي امبارح واحساسها بالقلق وإن فيه حاجه مش طبيعية ، استأذنت من البنات وطلعت مكتبها اتصلت بيه ، رد من اول اتصال وكإنه كان منتظرها
_ السلام عليكم ، ازيك يا علي ؟

_وعليكم السلام ازيك يا داليا ؟

_ أنا الحمدلله كويسه وانت ؟ في حاجه عندكم ؟؟

_لا خالص ده أنا كنت بتصل اتطمن عليكي ومابصتش في الساعه

_ولايهمك المهم إنكم بخير

_وحشتيني اوووي يا داليا :'))

أول ماسمعت جملته عقدت مابين حاجبيها ، صوته مختلف في الجمله دي ،مش كلمة وحشتيني عاديه حساها خاليه من معاني الاخوه واستغربت !!

_داليا روحتي فين !!!

_معاك معاك معلش يا علي مضطره اقفل المدير عاوزني هكلمك وقت تاني

ما استنتش رده وقفلت وهي حاسه بضيق علي المره دي مختلف فيه حاجه مش طبيعيه ، للحظه اتسرب الخوف لقلبها لكن طلب عدنان ليها خلاها تطرد كل الافكار دي وتقوم تشوف شغلها ولما تروّح تبقى تفكر هتتصرف ازاي !!!

•••••••●••••••••●••••••••••●•••••••••●••••••••●••••••

مارثا طلبت من مريم وعمرو يستقبلوا معاها الساكنه الجديده وبالفعل فضلوا منتظرين لحد ماوصلت ، كانت ساكنه هنا زمان فمارثا ما اضطرتش تروح تجيبها من المطار لإنها عارفه البيت ، سلمت عليها مارثا بود وعرفتها على مريم ، سلمت على مريم بعدم اهتمام ، أما عن عمرو فنظراتها ليه ماكنتش طبيعيه !
مدت إيديها تسلم عليه بكل جرأه ومريم واقفه تقريبا في ريحة شياط طالعه منها

عمرو مد ايديه سلم ع الهوا كنوع من انواع الهزار واعتذر إنه مابيسلمش على بنات ، تهللت اسارير مريم ^_^
وفرحت من موقفه ، وهو لاحظ نظرات مريم ومن جواه اتبسط ^_^

مارثا طلعت مع رزان توريها اوضتها ومريم لقت نفسها واقفه في الصاله لوحدها مع عمرو فطلعت على فوق جري بطريقه خلته يضحك على تصرفاتها الطفوليه !
قفلت اوضتها وهي مش مرتاحه للبنت دي ومش مرتاحه لنظراتها لعمرو ،

بصت في المرايه : وانتي مالك يا ست مريم ما تتنيل تبصله ولا يسلم عليها وياخدها بالحضن حتى ،، ينهار مش فايت بالحضن :O !!!!
طاب ده انا كنت جبتها من شعرها المنعكش ده وقتلته يووووه بقى انا زهقت
طلعت الكتب وبدأت تشغل نفسها بمذاكرتها .....

•••••••●••••••••●••••••••••●•••••••••●••••••••●••••••

هاله صحيت رقبتها تعباها ، كلمت علي لقت الموبايل مفتوح بس مابيردش عليها ، بعتتله رساله بتعتذرله فيها وبرده ماردش بل قفل الموبايل خالص ، وبعد ساعه لقته رجع البيت جريت عليه ضمته زاحها من حضنه بهدوء ودخل من غير كلام لأوضته ، دخلت وراه

_حبيبي أنا عارفه اني غلطانه بس والله حصلت حادثه امبارح وغصب عني والله أنا أسفه

_ وأنا ماقولتلكيش حاجه برافو عليكي ده واجبك يا دكتور :/

_طيب إنت طلعت الشنطه دي ليه !!!

_يعني مسافر مع صحابي يومين لشرم أريح اعصابي

_طيب بس

قاطعها : معلش يا دكتوره مش فايق اسمع أي حاجه نبقى نتكلم لما أرجع إن شاء الله

فضلت متابعاه وهو بيجهز شنطته ومش عارفه تقول حاجه ولا لاقيه كلام تقوله حاسه إنها مهما قالت مش هيتقبل منها لذلك فضلت الصمت في الموقف ده ..

•••••••●••••••••●••••••••••●•••••••••●••••••••●••••••

سما طلبت من داليا تودعها في المطار ، راحت هي وعدنان مع بعض من الشركه يودعوا سما وعصام اللي راح يوصلها لنيويورك ، قعدت سما على جنب مع داليا وعصام لسه بيقنع عدنان يحصلهم : عمك ومراة عمك نفسهم يشوفوك

_وانا والله نفسي اشوفهم اووي

_طاب ما يلا يا عدنان تعالى معانا

_لما اخلص من الصفقه اللي شغالين فيها دي هاخد اجازه محترمه عندهم

_خلاص تمام انا شهرين كده وهرجع

_نعم :O !!! ماتستهبلش هو اقل من شهر والاقيك هنا ورانا شغل احنا مش فاضيين

_ربنا يسهل يا ظالم يا مفتري >.<
•
•
سما: مش هوصيكي على عدنان يا داليا انا عارفه إنه اوقات بيبقى عصبي ومش طايق حد قصاده بس عشان خاطري استحمليه ده عدنان مفيش اطيب ولا احن منه في الدنيا

_عارفه يا سما والله ماتقلقيش انا شايفه شغلي كويس اووي )

_واثقه من ده ، هتوحشيني

_وانتي اكتر ، خدي بالك من نفسك وركزي في مذاكرتك

_حاضر

وصلت طيارتها ودعها عدنان هي وعصام ، وودعتها داليا وغصب عنها بكت :'(
مشيوا وعدنان طلع منديل وناوله لداليا : هي مش مهاجره على فكره كلها كام شهر وهتبقى عايشه معانا هنا على طول بعد ماتتجوز الاخ عصام

_ان شاء الله :"))

_طيب بتعيطي ليه بقى خلاص !

_ غصب عني مابقتش بحب الوداع ، كرهته من كتر ما ودعت ناس بحبهم في حياتي :'(

ركب كالعاده لما تكون معاه جنب السواق وهي ورا ، رجعوا الشركه وهو بيفكر في جملتها ! نفسه يعرف كل كبيره وصغيره عن حياتها ، حاسس إن قلبها مكسور وجواها حزن كبير نفسه يعرف اللي جواها عشان يقدر يبدل كل لحظة وجع في حياتها لفرح !!

•••••••●••••••••●••••••••••●•••••••••●••••••••●••••••

أحمد صحي من الفجر ، صلي وقرا و رده واذكاره وبدأ يدعي ، مالحقش يخلص مراجعة الماده ولا هيلحق والدكتور مستحلفلهم يجيب إمتحان تعجيزي ومش هيزودهم عن مقبول ، اصحابوا كانوا مرعوبين بعد ما سمعوا كلام الدكتور إلا هو كان حاسس بإطمئنان )
لإنه هيتوكل على الله ويعمل إللي عليه وربنا وعده (( ومن يتق الله يجعل له مخرجا ويرزقه من حيث لا يحتسب :')) عمل إللي عليه وواثق في ربنا ، بالتالي مش هامه كلام أي حد واثق إن محدش هيقدر يظلمه في وجود ربنا :')

خلص دعاء وراجع شويه في الماده لحد ما جه ميعاد روحته للإمتحان ، لبس هدومه واتصل برقم ام البنت وهو مش عارف هيناديها بإيه !!

ردت : السلام عليكم

رد بإرتباك : وعليكم السلام ورحمة الله وبركاته ، أاااا أنا حضرتك فكراني ؟!

_مين حضرتك O.o !!!

_أااا عفوا يا آنسه انا اللي اول امبارح كانت والدة حضرتك تعبانه وقولتلك هكلملها دكتور و

_أيوه أيوه افتكرت حضرتك أهلاً وسهلاً يا استاذ ^_^

_أهلاً بحضرتك أنا كلمت دكتور وحجزت وانهارده ان شاء الله الساعه 4 هعدي على حضرتك في البيت وناخد الحاجه للدكتور

_ربنا يكرم حضرتك والله مش عارفه اوفي حق حضرتك من الشكر ربنا يجازيك كل خير

_ واياكم ، السلام عليكم ورحمة الله وبركاته

_هنبقى في انتظار حضرتك إن شاء الله وعليكم السلام ورحمة الله وبركاته
~
~
~
راح الجامعه ولقى اللي بيحاول يلم اي حاجه واللي بينسق الغش مع صحابه ، قابل صاحبه : السلام عليكم

_وعليكم السلام ، بوز الاخص لسه معدي من شويه ورمى علينا كلمتين يتلفوا الاعصاب حسبي الله ونعم الوكيل فيه >.<

_سيبك من الدكتور وكلامه المهم انك عملت اللي عليك وربنا مش هيضيعك ابداً

_يا رب

_بقولك إيه بعد الامتحان ان شاء الله عاوزك معايا في مشوار كده ياتديني العربيه ياتيجي معايا ويستحسن تيجي معايا

_خلاص تمام نتقابل بعد الامتحان ان شاء الله

_ان شاء الله

دخلوا الامتحان ، احمد اول ما استلم الورقه قرا الفاتحه وتمتم بالدعاء ، بص ع الورقه بوجه عام ولقى الحمدلله كل الاسئله سهله ، سمَّ الله وبدأ يحل اجابات نموذجيه

خرج من الامتحان لقى الكل بيشتكي من صعوبته ويدعي ع الدكتور فشكر ربنا على توفيقه ليه :'))

خرج صاحبه : حسبي الله ونعم الوكيل فيه يا جدع يا رب يقعدله في عياله الذل ده >.<

_ماتقلقش ان شاء الله خير ، ربنا عدل ومش هيضيعنا أبداً

_ ونعم بالله ، ها قولي بقى احنا رايحيين على فين ؟!

_ هتيجي معايا بالعربيه ناخد ست مسنه لعيادة دكتور ايهاب ونستنى لما تخلص ونروحها

_مين دي ؟!

_ يعني في مره كنت ماشي وبنت استنجدت بيا مامتها كانت فاقده الوعي وكلمتلها دكتور ايهاب امبارح ها هتيجي ولا وراك حاجه ؟!

_لا ورايا ايه يعني وبعد ام الماده دي مش مذاكر حاجه انهارده

_طيب يلا بينا
.
.
راحوا للبيت وكانت البنت وأمها في انتظاره ، دخل لأمها وأول ماشافته امطرته بالأدعيه على وقفته معاهم وقالتله انها كانت بتدعيله طول الليل ، ابتسم وشكرها ، بعدين نده لصاحبه شالوها للعربيه ، ركبت بنتها جنبها وراحوا ع العياده ، قعدوها ، أحمد طلب من الممرضه تبلغ الدكتور ودخلوها على طول ، دخلوا معاهم الكشف ، سلموا على دكتور ايهاب ، كشف الدكتور عليها ولقى إن تشخيص أحمد مضبوط ، والبنت لاحظت من كلامهم ان احمد دكتور فقدرت تفسر لنفسها اندهاشها من إنه أسعف أمها بمهاره ، كتبلها الدكتور على ادويه جديده وطلب يشوفها بعد اسبوعين ، دفع أحمد الكشف واشترالهم الدوا ووصلهم لحد البيت

_متشكره جدا يا دكتور ممكن حضرتك تقولي دفعت كام في الكشف والدوا ؟؟

أحمد وهو باصص في الأرض : خلاص يا آنسه ااا

_تقى

_خلاص يا آنسه تقى بسيطه مش مستاهله )

_لا والله ابداً كفايه أووي كده على حضرتك

_والله مش مستاهله فعلا ، المهم رقمي مع حضرتك لو حصلت اي حاجه او لاحظتي حاجه غريبه ع الحاجه بلغيني فورا

_حاضر ان شاء الله

_بعد اذنكم

_اتفضل حضرتك ومتشكرين مره تانيه

_ الشكر لله ، السلام عليكم

_وعليكم السلام ورحمة الله وبركاته
.
.
بعد ما مشي ابتسمت ، مش مصدقه إن لسه في رجاله في الزمن ده بالشهامه والنخوه دي :') دخلت تطمن على امها ولقتها لسه بتدعي لأحمد فأمنت على دعائها ....
.
.
ركب العربيه مع صاحبه

_بقولك يا احمد

_خير يا دكتور هشام

_انت وقعت ع الصاروخ ده فين ؟؟؟

_صاروخ ايه O.o !!!

_الآنسه تقى

_صاروخ لما يلهفك لم نفسك >.<

_لأ بجد والله مابهزر هي البت دي بشر !!! عيون ملونه وبيضه و

قاطعه احمد بعصبيه : هشام احترم نفسك وماتخلنيش اندم اني جبتك معايا >.< خليك راجل وأمين على حرمة بيوت الناس غض بصرك مش طالق بصرك لبنات الناس ، يا اخي ده انا اللي شفتها اكتر منك والله ما بصيت حتى لعنيها عشان الاحظ اللون ولا أعرف شكلها إيه !

_يا عم خلاص هدي اعصابك هي تخصك ولا إيه !!

_بما إنها مسلمه يبقى تخصني فلم نفسك وبطل الأسلوب المقرف ده >.<

_آسفين يا عم الشيخ ، هنروح على فين !

_ على البيت نريح شويه عشان نبدأ في الماده إللي عليها الدور يا كابتن

_لا يا عم مش فاتح كتاب انهارده هاخده بريك ، هوديك ع البيت واطير انا

وصل أحمد لبيتهم طمن أمه وكلم داليا طمنها ، بعدين دخل يريح شويه عشان يصحى فايق للمذاكره......

•••••••●••••••••●••••••••••●•••••••••●••••••••●••••••

داليا راحت شغلها وحاسه بصداع شديد ، عملت كوباية نسكافيه ووقفت تشربها عند الشباك ، سمعت حد بيخبط فأذنت بالدخول : اتفضل

اتسمرت مكانها :O غمضت عيونها وفتحتها تاني يمكن دي تهيؤات لكن لما فتحتها لقتها حقيقه ،،ومن صدمتها وقعت كوباية النسكافيه في الأرض !!!!!

وإنتهت حلقتنا هنا إنهارده إنتظرونا في حلقه جديده بعد بكره إن شاء الله

لـ #ندا_سليمان