الحلقة ʚϊɞ ʚϊɞ •.¸(35)¸.• ʚϊɞ ʚϊɞ

" />



ʚϊɞ ʚϊɞ •.¸(35)¸.• ʚϊɞ ʚϊɞ

مروا الـ 3 شهور بسرررعه وجه ميعاد خطوبة لوجين ومروان  
خلال الـ 3 شهور ماكنوش بيتكلموا مع بعض ولا كانوا بيشوفوا بعض غير ناادراً حتى مروان لما يشوفها قدراً يسلم من غير ما يقف معاها لأنه مش عاوز أى حد يتكلم عنها كلمه ملهاش لازمه وكمان باباها طلب منه مايكلمهاش لحد ما الـ 3 شهور ينتهوا وتتم الخطوبه ولأنه راجل..... إحترم كلمة باباها وماكلمهاش   وعصروا على نفسهم ليموووون وإستحملوا


إتفق دكتور محمود مع المهندس مجدى إن الخطوبة هتتعمل فـ نادى بس هتكون عائليه

لوجين بهدلت ملك ولينا معاها عشان الفستان والتجهيزات لحفلة الخطوبة

~يوم الخطوبة ~  

مروان لبس بدلته وجهز وهو مش حاسس بقلبه من كتر ما هو طاير من الفرحه  

محمد معاه فى الأوضة بيساعده يلبس ، دخلت ملك عليهم وأول ما شافت مروان وقفت عند الباب وهى باصّاله
ركبت على بساط الذكريات لطفولتهم ببرائتها و لحظات جنونهم
لأول يوم دخلوا فيه المدرسه ، كل لحظه خططوا فيها لمصايب  
ولكل لحظة كبروا فيها سوا...... لإنها كانت ومازالت أمه وأقرب صديق ليه قبل ما تكون أخته  إفتكرت كل لحظات العذاب إللى شافها والفرحه إللى ماليه عنيه دلوقتى  نزلت دمعتها  وقربت منه وهو مبتسم بعيون لامعه  إحتضنت وشه بإيديها وقالت : إبنى كبر يا ناس وبقى عريس  :')  

إبتسم مروان مسك إيديها وقبّل كفيها وبعدين قبّل راسها وقال: ربنا ما يحرمنى منك أبدااا يا أغلى إنسانه عندى فى الدنيا

ملك: أمممممممم ما خلاص بقى مش هبقى أغلى يا اخويا فيه ناس هتحتل المكان ده  

مروان: فشرررر مكانك إنتى بالذات محدش يقدر يحتله لأنك روحى وماينفعش أستبدل روحى بأى حاجه تانيه

حضنته ملك وهى بتبكي  : ربنا ما يحرمنى منك أبدااا يا روح قلبى ويوفقك فى حياتك ويسعدك دايماً ياااا رب  :')

وإنتبهوا على محمد وهو بيصورهم ، مسحت ملك دموعها وبرّقت لمحمد  : إنت بتصور إيه إن شاء الله  ؟؟!!!

محمد: ههههههههههههههههههههههه بصور تلك اللحظة التاريخيه والله بكتونى إيه إللى إنتوا فيه ده :')

دخلت أمهم وكملت بكا  مروان : ياااااااااجدعاان دى خطوبه انا لسه مرزوع معاكم مش ماشى دلوقتى  وبعدين البنات بس إللى تبكي عليهم يا ماما زى ما عملتى مناحه يوم ملك كده برده فى يوم خطوبتى هتعمليها مناحه تانى

أمه وهى بتبكى : يا عبيط دى دموع فرحه عمرك ما هتحس بيها لأن قلبك مش زى قلب الأم

ضمت ملك ومروان فى حضنها وهى بتقول : ما تتخيلوش أنا وأبوكم سعادتنا أد إيه وإحنا شايفينكم بالفرحه دى

قرب محمد : وأنااااااا حبونى معااااكم  وضم ملك ومروان من ضهرهم  


.....................................................................

لوجين مارحتش كوافير لأنها مش محتاجاه فى حاجه لبست فستان تركواز رقيق أووى وبسيط وحطت ميك آب خفيف وكانت رقييقه أوووى وزى القمر  

لينا: والله وبقيتى عروسه أبت ألوجى ماكنتش مصدقه إنك ممكن تتخطبى ولا تتجوزى ولا الكلام ده كله


لوجين: ليه بقى إن شاء الله يا ماما >.< :\ !!!!

لينا: كنتى مسترجله أووووى بس من يوم ما عرفتى مروان وإنتى أنوثة إيه وذوق إيه ورقة إيه يا سلام عليك يا مروان

لوجين : جتك ضربه أنا من الأول أنثى وكلى ذوق ورقه >.< بس كانوا مستخبين وهو خرجهم دى كل الحكايه

لميس : إييييه يا بنات بتتخانقوا لييييه

لوجين : شوفتى يا لميس بتقول عليا كنت مسترجله إزاى

لميس : ملكيش حق يا بت يا لينا بس صراحه يا لوجى أنا بأيدها إنتى إتغيرتى 180 درجه من وقت ما دخل مروان ده لحياتك

لوجين : حتى إنتى آآآه يا قلبى جبتك يا عبدالمعين :\ ، يا مااااماااااااا بيزعلونى وانا عروسه ينفع كده

إبتسمت أمها ، قبّلت راسها ونزلت دمعه من عنيها :'(

لينا: الله الله إشمعنه يعنى يوم خطوبتى ما نزلتش الدمعه دى :\ ؟؟!

لوجين : بس يا رخمه

لينا: شفتى حتى ماما ماكنتش مصدقه إنك ممكن تبقى عروسه عشان كده دموعها نزلت

لوجين : >.< >.< >.< >.<

دكتوره فاطمه : بس يا لينا بطلى ترخمى على أختك إنهارده سبيها عروسه زى القمر والفرحه مزينه وشها بالشكل ده ^_^

لوجين: حبيييبة قلبى يا ماما ربنا ما يحرمنى منك أبدااا :* ^_^

خرجوا لينا ولوجين عشان يستعدوا للنزول وقربت لميس قبّلت راس أمها ولسه هتخرج أمها مسكت إيديها : مش ناويه بقى تبطلى نشوفية الدماغ دى وتفكرى فى الجواز يا لميس نفسى أفرح بيكى وأشوف عيالك

لميس: مااااااامااااااا أرجووووكى قفلنا الموضوع ده من زماااااان أووى إنتى عارفه رأيي فى الموضوع ده وعشان خاطرى ما تضيعيش فرحتنا بلوجين إنهارده يلا بقى نطلع


مروان ركب عربية محمد وملك جمب محمد قدام راحوا عند العماره يجيبوا لوجين ع النادى
طلعت ملك وأول ما شافتها : بسم الله ما شاء الله ع القمر ده يا ناس ربنا يحرسك ويسعدك يا حبيبة قلبى :*

مسكتها ملك من إيديها ونزلوا على تحت أول ما مروان شافها حس إنه عاوز يوقف كل حاجه فى المكان ويضمها ضمه تعبر عن كل إللى جواه ناحيتها لكن إكتفى إنه يضمها بعنيه ^_^

فتحلها باب العربيه ركبت ولينا ولميس فى عربية لميس وراهم ، وصلوا النادى وكانت عائليه مفيش حد غير قرايبهم المقربين وأصحاب لوجين ومروان ، لوجين كانت قاعده والبنات حوليها فى حين مروان أصحابه شدوه وعملوا هيصه مع نفسهم

جه وقت تلبيس الدبل ، مروان إتناول الدبله من ملك بص للوجين وأول ما عنيه جت فى عنيها وشها إحمر وبصت فى الأرض دخل الدبله فى صباعها وأول ما إيديه لمست إيديها إرتعشت وكانت بارده إبتسم مروان وكمل تلبيس الدبله وهى كمان لبستهاله بخجل وفرحه ^_^

همس مروان : مبروووووك يا أجمل وأرق بنوته فى الدنيا ^_^

بصتله وإبتسمت وهى لسه مكسوفه ردت : الله يبارك فيك ^_^


الكل كان مبسووط أوووى لفرحتهم ، بس ملك كانت حاسه إنها مش طبيعيه فيه زغلله خفيفه فى عنيها مصدعه وحاسه بهبوط بس رجحت إن ده بسبب تعبها مع لوجين واللف والسهر وقالت لما تروّح إن شاء الله هتخلى لينا تديلها أى حاجه للصداع ده >.<


خلصت الحفله وهم راجعين أصحاب مروان عملوله زفه

روحوا أهل مروان ع البيت بس هو روح مع ملك وأهل لوجين عشان يقعد مع لوجين شويه وبعدين يروّح ،كلهم طلعوا عند بيت دكتور محمود ، محمد قعد مع الدكتور وملك مع لينا ولميس والدكتوره فاطمه بيحكوا ومروان ولوجين قصادهم على كرسيين بعيد شويه عنهم

بعد ما ساد الصمت بينهم شويه

مروان: إحم إحم مبروك ^_^

لوجين : الله يبارك فيك بقى

مروان: تصدقى يا لوجين انا مش مصدق إنى لابس دبلتك دلوقتى أخييييراً

لوجين : ولا أنا مصدقه ^_^ بس أوعى تعمل زى ما رجاله كتير كده بيعملوا ويقلعوها هه :\ !!

مروان: لا عيب عليك يا باشا طاب لو عملت كده هتعملى إيه ؟؟!!

لوجين : لا إنت ما شفتنيش وقت الغضب هه 3:)

مروان: لااا شفتك وعربيتى إتكسرت وكنتى مبهدله عربيات البلد كلها هه

لوجين : ههههههههههههههههههههه يا كزوفى كنت لسه متعلمه السواقه يعنى وكده

مروان: طيب يا ستى الحمد لله إن محصلتش خساير أكتر من كده

فضلوا يتكلموا شويه إعتذرلها مروان عن كل إللى عملوا فيها وهى قبلت إعتذاره وقالت إنها نسيت كل ده ، كل واحد إتكلم عن حياته شويه وبعدين محمد غمز لمروان عشان الوقت إتأخر ودكتور محمود ممكن يتضايق فقرر مروان ينهوا الكلام إللى ماشبعش منه ده إلى وقت آخر

إستأذنوا منهم ومشيوا أخد مروان عربية محمد يروّح بيها ويبقى يرجعهاله الصبح إن شاء الله

أما عن لوجين ففضلت قاعده بالفستان وماسكه لوحة مروان تبصلها شويه وتبص للدبله شويه وتبتسم ^_^ النوم مش عاوز يزورها من كتر ما هى فرحانه ^_____*

.................................................................

ياسمين الحمد لله نطقت وبدأ علاجها مع دكتور عمر ، إتكلمت عن نفسها وبدأ يمشى معاها خطوات علاج ناجحه وكمان مستمره فى جلسات العلاج الطبيعى ورجلها بدأت تتحسن الحمد لله ^_^



أم مهند قررت تتدخل وتساعد إبنها وساره وتريحهم من العذاب إللى هم فيه ده ، راحت للحاج عبدالرحمن والحاجه صفاء البيت أول ما رن الجرس فتحتلها ساره ولما لقتها قصادها رحبت بيها جداا وكانت مستغربه سلمت عليها الحاجه صفاء وإستغربت إنها طلبت تشوف الحاج عبدالرحمن ، إتكلمت معاه وحكتله عن مأسآة إبنها وبنته نفسها بتعانى ، طلبت منه يرحمهم ويقبل على الأقل بخطوبه ولو ماعجبهوش مهند خلاص ينهى كل حاجه بس حرام ياخده بذنب أبوه وكمان أبوه مظلوم وإلا ماكنش خد براءه ، فضلت تحكى وتشكى وبكت من قلبها :'(
وأخييييييييييييييييييراً قدرت تقنع الحاج عبدالرحمن بس بشرط مفيش خطوبه وأى كلام فى الموضوع لحد ما تخلص السنه دى وفى الاجازه إن شاء الله موافق يقروا فاتحه ويلبسوا الدبل ، ساره كانت فى أوضتها واقفه عند الباب وبتسمع بيقولوا إيه

أول ما سمعت قرار أبوها سجدت فى الأرض و جررريت على بره وقفت قصاده ودموعها نزلت لحد ما بقت بتعيط بشهقات إبتسم أبوها جريت عليه وإترمت فى حضنه وهى بتبكي :'(

قبّل راسها :* ، إستأذن منهم ودخل أوضته ، قبّلت ساره راس أم مهند وقالت : ربنا ما يحرمنا منك أبدااااا ^_^

ضمتها أم مهند وقالت : مليش غير مهند وماشفتش إبن بار بأمه زى ما إبنى بار بيا كنت مستعده أتذل عشان أشوفه مبسوط وأدخل السعاده لقلبه :'(

الحاجه صفاء : ربنا ما يحرمك منه يا حاجه ويرجعهولنا بالسلامه إن شاء الله

جريت ساره ع التليفون وبشرت ملك وهى ومحمد مش مصدقييين إن الحاج عبدالرحمن بعد كل إللى عملوا فيهم واافق ملك قالت على أم مهند : كنتى فين من زمان يا حاجه

دعتلها ربنا يكملها فرحتها على خير ^_^

زى ما مهند لما عرف ماكنش مصدق وفضل طول الليل يصلى شكر لله لحد صلاة الفجر ودعى ربنا يتم الفرحه دى على خير ويجمعه بساره فى حلاله ^__^

.....................................................................

ملك من يوم خطوبة مروان ولسه الصداع والزغلله عندها وكل شويه يجيلها هبوط حتى محمد لاحظ ده وقالتله يظهر دور برد ولا حاجه -_-

نزلت تقعد شويه مع لينا ولوجين كانت لميس بره ولما رجعت دخلت سلمت على ملك بس وهى بتسلم عليها بصتلها بدهشه !! بصت فى عنيها

وقالت : ملك إنتى تعبانه مش كده ؟؟؟

ملك: أه يا أختى من يوم خطوبة لوجين وانا عندى صداع وهبوط وزغلله رخمه فى عينى قلت للبت لينا تجيبلى دوا برد وطنشتنى >.<

لميس : هاتى إيديك ، وقالت لـ لوجين ولينا : إسكتوا ثوانى !

حطت إيديها وقاست نبضات ملك وإبتسمت

وكلهم مستغربين O.o !!!!

لميس: ملك تعالى معايا العياده حالاً

ملك: ليه هو انا حالتى خطيره اوى كده !!!

لميس : عاوزه أتأكد من حاجه بس وبعدين هقولك

ملك: طيب ثوانى هكلم محمد

كلمت محمد وقالتله هتروح تكشف مع لميس زى ما طلب منها لو تعبت أوى ياخدها للدكتور وافق لبست نقابها وراحت معاها

كشفت عليها ومازالت مبتسمه

ملك: لميس هو فيه إيه ؟؟!!!

لميس : لحظه واحده بس

عملت سونار وشوية إختبارات وقالت : إنتى مفتررريه كل ده مش حاسه بإللى فى بطنك

ملك لسه مش فاهمه ومستغربه : هو فيه إيه أنا عندى حاجه :O ؟؟!!!

لميس: أيووووووه يا ماما ملك مبرووووووك ^_^

قامت ملك : مبـ مبروك إيه ؟؟

لميس: إنتى حامل ^_^

بصتلها ملك وبتحاول تستوعب كلامها حطت إيديها على فمها وإبتسمت وسعت الإبتسامه ثم تحولت لضحكه من القلب : يعنى أنا أنا فيه فى بطنى بيبى وهبقى أم ومحمد هيبقى أب صح صح؟؟؟

لميس: أيووووه لأ والمفاجأه الأكبر بقى إن مفيش بيبى واحد دول إتنين ^_^

ملك: إنتى بتهزرى صح يعنى انا فى بطنى توأم إتنين يعنى :O ؟؟

لميس: والله بتكلم بجد فيه توأم فى بطنك وكمان أهه دخلتى فى الشهر التالت عشان كده بدأتى تتعبى وتحسى بوجودهم ^_^

ملك ماحستش بنفسها غير وهى ساجده ومبلله أرضية العياده بدموعها :'(
لدرجة إن لميس دمعت لما شافت فرحتها دى وقالت : أنا طول عمرى ببشر حوامل بحملهم بس أول مره واحده ردة فعلها تأثر فيا أووى كده وتخلينى أدمع :'( ^_^

ملك: لميس أرجووكى متأكده ؟؟

لميس: والله متأكده جداااا ^_^

غمضت ملك عنيها وقالت : ياااااااااااااا الله أحمدك وأشكرك يا حنّان يا منّان :'( ، الحمد لله حمداً كثيراً طيباً مباركاً لما فيه ملء السماوات وملء الأرض وملء ما بينهما وملء ما شئت من شئ بعد :'(

لميس: يلا بقى إتصلى بجوزك وفرحيه


ملك: لأ مش هقوله فى التليفون وأحرم نفسى من شوفة ردة فعله أول ما يعرف أنا لازم أقولهله بمفاجأه أنا لازم أروح حالاً عشان ألحق أفكر فى طريقه أعرفهه بيها ^_^

لميس:سيدى يا سيدى ما شاء الله ربنا يهنيكم يا حبيبتي طيب يلا عشان اوصلك بسرررعه

وهم فى الطريق ملك فى العربيه بتفكر فى الطريقه إللى هتقوله بيها وهم ماشيين عدوا على محل ملابس للأطفال فطلبت من لميس تقف رغم إنها لسه ما توصلتش للطريقه إشترت سلوبته لونها أزرق ولادى وواحده تانيه زهرى بناتى ^_^

لميس فرحانه أوووى لفرحة ملك ^_^ ، وصلوا البيت ، طلبت من لميس تبشر لوجين ولينا وماماتها وملك طلعت على شقتها عشان تلحق تجهز قبل ما محمد يجي

أول ما طلعت إتوضت وصلت ركعتين شكر لله ودعت ربنا يحفظلها التوأم إللى فى بطنها ويجعلهم ذرية صالحه ^_^

كتبت لوحتين وحطت اللبس إللى إشترتهم على سرير أوضة النوم ^_^

مسكت الموبايل وإتصلت بمحمد

رد: أيوه يا عمرى

ملك: إنت كويس يا حبيبي ^_^ ؟؟

محمد: الحمد لله بخير إنتى إللى طمنيني الدكتوره قالتلك إيه ؟؟؟

ملك: الحمد لله يعنى شوية إرهاق وكده يعنى المهم إنت جاى إمته إن شاء الله ^_^ ؟؟


محمد: قدامى ساعتين وهكون فى البيت إن شاء الله عاوزه حاجه أجيبهالك معايا يعنى ؟؟؟

ملك: لأ كنت عوزاك تيجى بسرعه عشان فيه ضيوف ؟؟

محمد: ضيوف ؟؟!! ضيوف مين دول ؟؟

ملك: لما تيجى يعنى ناس كده كنت مستنياهم من بدرى وهم أخيييراً جم لوطنهم الأول ^_^

محمد: مين دول يعنى أول مره أعرف إنك منتظرة حد أووى كده ؟؟!!!

ملك: لما تييييجي بس هقفل معاك دلوقتى عشان الأكل هيشيط

محمد: طيب حابه أجيبلك حاجه معايا للضيوف وانا راجع ؟؟؟

ملك: لا يا قلبى ما تجبش أى حاجه هم لسه مش جايين دلوقتى لسه بدرررى

محمد: طاااااايب يلا سلام

ملك: سلام ^_^


ملك خافت تقول لحد من أهلهم يتصل بمحمد ويقوله وهى عايزه تكون أول واحده تعرفه فقالت هتعرفهم بعد ما محمد يعرف إن شاء الله

لينا ولوجين لما عرفوا كانوا فرحانييين أووى عشان ملك ^_^

كمان ملك إتصلت بكرستين لأنها مسافره وفرّحتها معاها بالخبر ^_^


رن محمد على ملك لما قرب يوصل البيت تممت على كل حاجه (Y) وإنتظرت وصوله وهى متشوقه تشوف ردة فعله ^_^


طلع محمد العماره بعد يوم إرهاق وتعب -_- ، لقى ورقه على باب الشقه إبتسم ولقى مكتوب فيها (( فيه ضيوف شرفونا بس هنشوفهم بعد 6 شهور إن شاء الله )) رفع حاجبه بإستغراب O.o ودخل الشقه لقى ورقه تانيه مكتوب فيها ((ضيوف طال إنتظارهم وتعبنا أوووى فى غيابهم )) زادت دهشة محمد وفضوله يعرف مين الضيوف دول ؟؟!!!!

نده محمد : ملك

خرجت ملك مبتسمه ^_^

محمد: ضيوف مين دول إللى جايين هو لغز ولا إيه !!!!

ملك: أممممممم ضيوف جايين بعد 6 شهور إن شاء الله

محمد: والله عرفت وقريت اللوحه اهه مين دول هى أم حفصه جايه ؟؟

ملك: لأ ^_^

محمد: أمال مين خلصى يا ملك >.<

ملك: أسهلهالك ضيوف لما يجوا هتحس بفرحه مفيش بعدها وهيبقى ليك لقب جديد ^_^

بصلها محمد وهو مش مستوعب ومن التعب مش فاهم كلامها

ملك: لسه برده مافهمتش طاب تعالى

مسكته من إيديه وراحوا على أوضة النوم ومحمد شاف هدوم الاطفال على السرير بص لملك وكأنه بيحاول يفهم إبتسمت وقالت : أيوووه ^_^ :'(

الضيوف هنا مسكت إيديه وحطتها على بطنها وقالت :سامع بيقولوا إيه ؟؟
وبدأت تنشد بدموعها :'( :
احب ابي وكفّيه .. واهوى قلبه الحاني
انا قُبلٌُ لرجليه .. تؤدي فرض احساني
ابي يا أكبر النعم .. رضاك علي ياحُلمي
فإن هواك في قلبي .. صلاة داخل الحرم

وكانت ردة فعل محمد إللى خلاص فهم كل حاجه إيديه إرتعشت وملك حست برعشتها على بطنها سالت دمعه من عنيه وقال : ملك إ إنتى حامل :'( ؟؟؟!!

ملك: أيوووه وفيه توأم دلوقتى عايشين بأمان وسكينه فـ رحمى :'(

محمد: توأم :O ؟؟؟!!!

ملك: أيوووه والله حامل فى توأم :'(

هبط ع الأرض فـ سجده وفضل يبكى زى الطفل الصغير فضل يبكى من قلبه :'( ويقول : يا قوى يا عزيز يا جاابر المنكسرين أحمدك ربى لنعمتك التى أنعمتها على ، الله أكبر ولله الحمد الله أكبر ولله الحمد

ملك واقفه بتبصله وماكنتش متوقعه ردة الفعل دى ماكنتش متوقعه إن محمد متشوووق أووى يكون أب أول مره تشوفه بيبكي بالشكل ده :'( ، قام من سجدته وقال لملك وهو بيبكي :'( : مش قولتلك ربنا هيعوضنا مش قولتلك إن الله مع الصابرين أهه رزقك بتوأم :'( رزقك بإتنين مش واحد بسم الله ما شاء الله تبارك الله :'(

قربت ملك وهى بتبتسم من بين دموعها وقبّللت راسه :'( :*

حضنها ورفعها عن الأرض وفضل يلف بيها وهو بيقول بحبببببببببببببببببببببببببببك

وفجأه وقف وقال : لأ لأ مش لازم أحركك خالص إنتى من إنهارده مفيش شغل ولا أى تعب بصى انا هخدمك وأنفذلك كل طلباتك المهم المهمــ ـــ
ووقف عن الكلام وبدأ يبكى تانى : يااااااااااا الله :'( وملك بتبكى جمبه من الفرحه :'(

مسح محمد دموعه وبصلها مبتسم وفجأه هبط قبّل قدميها

ملك مندهشه :O : محمد بتعمل إييه :O ؟؟!!!

محمد: خلاص الجنه هتكون تحت قدميكي يا ماما ملك ^_^

غمضت عنيها ونامت فى حضنه ^_^
قال : يلا يلا بسرررعه نتوضى ونصلى ركعتين شكر لله وبقولك إيه بعد ما نصلى هننزل دار الأيتام وعاوزين نتصدق وبكره إن شاء الله هنصوم شكراً لله و و

ملك: حااضر حاااضر هنعمل كل حاجه بس بالراحه يا حبيبي ^_^ ربنا يديم الفرحه إللى أنا شيفاها دى لقلبك دايماً ياااا قلبى :* ^_^

صلوا ركعتين شكر لله بدموعهم :'( ونذروا التوأم إللى فى بطن ملك لله زى ما إمرأة عمران قالت ( رب إني نذرت لك ما في بطني محررا فتقبل مني إنك أنت السميع العليم )
دعوا ربنا يسلم الطفلين من أى سوء ويجعلهما ذرية صالحة خالصة لوجه الله :'( ^_^

بعد ما خلصوا صلاه محمد قالها تلبس عشان يروحوا دار الأيتام

ملك: طاب إستنى نتغدى الاول يا قلبى إنت جاى تعبان

محمد: لاااا فرحتى شبعتنى من أى جوع أو عطش أو ألم وتعب فرحتى بدلت كل حياتى ^_^ يلا يا قلبى مش عاوزين نتأخر لحظه ع الولاد دول أكيد عطشانين لفرحه دلوقتى لازم نفرحهم زى ما هم فرحونا ^_^

ملك: مااشى يا حبيبي بس إستنى نتصل نفرح أهلك وأهلى محدش يعرف خالص إستنيت لما إنت ترجع عشان نقولهم

محمد: أه صحيح يلا طيب كلميهم

كلموا أهلها وأهل محمد وكاننت ردت فعلهم دموع فرحه :'( وملك طلبت من حماتها ووصتها تتصل بعمة محمد وتقولها ع الخبر

بعد ما بشروهم لبست ملك ونزلوا هى ومحمد على دار الأيتام ، إشتروا هدايا للأطفال ولعبوا معاهم وكانت الضحكات من القلب ^_^

تصدق محمد بمبلغ فى الدار وتصدق فى جمعيه خيريه تانيه وهم فـ طريقهم كل ما يلاقى محتاج يقف ويديله بيحاول يشكر ربنا على نعمه ^_^
حابب يفرح قلوب كل إللى عطشانين للفرح زى ما كان هو عطشان ومشتاق لفرحه زى دى وربنا رزقه بيها ^_____^

محمد غدّى ملك بره وأخدها عند أكتر مكان بيحبوه ويحبوا يقعدوا فيه ع النيل ^_^

الليل كان هاادى والسما صافيه أووى والنجوم ويا القمر ضوئهم منعكس ع النيل ومنورين المكان أو يمكن النور إللى جوا قلوبهم وصل لعيونهم وخلاهم شايفين الكون كله جمال وهدوء وسَكِينه ^_^

بصت ملك لمحمد وعيونهم إتلاقت قالوا هم الإتنين فى نفس واحد : بحببببببببببببببببك ^_^

وسكتت كل الأصوات وعلت دقات قلبهم ، عزفت لحن رباط الحب ومر الكروان فى الليله الصافيه دى و غرد مع دقات قلوبهم بتسبيحه الملك لك لك يا صاحب الملك ............ ^_^


☻.☻
\█/.\█/
.||. ||.



وبكده إنتهى الجزء التانى من رباط الحب إنتظرونى مع باقى القصة فى الجزء التالت إن شاء الله ^_^


لــ #ندا_سليمان