الحلقة ʚϊɞ ʚϊɞ •.¸(9)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(9)¸.• ʚϊɞ ʚϊɞ

وقفنا الحلقه إللي فاتت عند أما

وقفت داليا عند مكتبه أخدت نفس عميق ، سمّت الله وخبطت ع الباب ، مش عارف ليه أول ما خبطت ع الباب قلبه حس إن هي وعشان كده قال إتفضلي وكإنه متأكد إن إللي ع الباب بنت !
جالها إذن الدخول : إتفضلي

دخلت راسمه ابتسامه على شفايفها : السلام عليكم ‏‎kiki‎‏ رمز تعبيري

رد من غير ما يبصلها : وعليكم السلام

_صباح الخير يا فندم

بص في ساعته : صباح النور اممم ممتاز نجحتي في اول اختبار وإلتزمتي بالموعد أتمنى تستمري لإني بحب الانضباط بالمواعيد

_إن شاء الله أكون دوماً عند حسن ظن حضرتك

_ دلوقتي المفروض استاذ عصام هيجيب ابليكيشن من الـ HR حضرتك هتمليه وهو هيعرفك ع الشركه ويفهمك نظامنا وبعدها أنا هبقى أفهمك طبيعة شغلك هتكون إيه

_تمام يا فندم

_اتفضلي انتظري استاذ عصام في مكتبه

_حاضر ، بعد إذن حضرتك

_اتفضلي

خرجت من المكتب لكن لسه طيفها آسر قلبه ، بيحاول على اد ما يقدر يتحكم في انفعالاته في وجودها ، نفض كل الافكار دي من دماغه وبدأ يركز في الشغل ~
.
.
أما عن داليا فإنتظرت عصام ربع ساعه في مكتبه بعد ما سألت صفوت عن مكانه ، وصل عصام وساعدها تخلص إجراءات الشغل وأخدها جوله في الشركه وعرفها نظام شغلهم وأماكن باقي الفروع وشويه عن طبيعة شغلها وإللي المفروض تقوم بيه لحد ما عدنان يعرفها الباقي ، جهزولها مكتب صغير قصاد مكتب عدنان ،

دخلت مكتبها وتأملته بفرح ‏‎kiki‎‏ رمز تعبيري رغم إنه أصغر مكتب في الشركه بس بالنسبه لها كان كبير ومريح ، أول مره يبقى ليها مكتب لوحدها وخاص بيها ، عدلت فيه شويه على ذوقها وتأملت منظره بعد التعديلات ، صقفت بإعجاب ‏‎wink‎‏ رمز تعبيري وإتنهدت بإرتياح وقبل ما تقعد رن تليفون على مكتبها ، رفعت السماعه وقبل ما تقول أي حاجه جالها أمر من عدنان بالحضور للمكتب فوراً ، أول ما دخلت مكتبه لقته منتظرها على تربيزة الإجتماعات ، أذنلها تقعد ، بصت ع الأوراق إللي ع التربيزه وريقها نشف ‏‎gasp‎‏ رمز تعبيري ، 3 صفوف ملفات كبار

_ بصي يا آنسه داليا أنا بحب أعمل كل شغلي بنفسي وبما إنك هنا عشان تساعديني يبقى إعرفي إنك هتعيدي شغل كل كبيره وصغيره في الشركه وعشان مايطولش شرحي اتفضلي الورقه دي فيها شرح بكل مهامك والتعليمات إللي هتلتزمي بيها

إتناولت منه الورقه : تمام يا فندم أي أوامر تانيه ؟؟

_ لأ تقدري تتفضلي وتاخدي الملفات دي معاكي

_ معلش يا فندم ممكن استفسار ؟؟

_ إتفضلي

_ هو ليه يعني بنستخدم الورق لتسجيل البيانات مش الكمبيوتر موجود !!

_ لو حضرتك قريتي ورقة التعليمات قبل سؤالك كنتي هتلاقي الإجابة ، في البند التالت ، إتعودي ماتستفسريش قبل ما تدرسي كل المعطيات إللي قصادك

_ تمام يا فندم بعد إذن حضرتك

_إتفضلي بالتوفيق

أخدت الملفات وورقة التعليمات وراحت عل مكتبها وهي بتكلم نفسها : يا رب عينّي ده أنا هيطلع عيني مش هاين عليه حتى يفهمني لأ هنتعامل بورق اووووفففف استغفرك اللهم ربي وأتوب إليك ‏‎upset‎‏ رمز تعبيري
مسكت ورقة التعليمات واتصدمت من مهامها ، جالها اتصال من نهال

_صباح الخير يا دولّي ها اخبار الشغل ايه ؟؟

_صباح النور يا نهال شغل ايه بس ده أنا حاسه إني دبست نفسي ((

_ ليه كده !!

_ ورقة التعليمات والمهام اللي سيادته مسلمهالي وإللي الأستاذ عصام سلمهالي ناقصها أشيله وأنيمه في سريره ‏‎unsure‎‏ رمز تعبيري ‏‎upset‎‏ رمز تعبيري

_هههههههههههههه معلش يا دولّي هو كده شغل المساعده والسكرتيره الخاصه بتبقى دراع المدير اليمين وشايله كل الشغل

_الحمدلله على كل حال يلا كله يهون عشان أهلي :'))

_ ربنا يعينك يا حبيبتي ‏‎heart‎‏ رمز تعبيري

_ يا رب ، أنا هقفل بقى عشان ورايا بلاوي متلتله ((

_ماشي يا حبيبتي ، أبقي طمنيني ، الله معك ‏‎smile‎‏ رمز تعبيري

_حاضر ، سلام ‏‎smile‎‏ رمز تعبيري

قفلت مع نهال وبدأت تكتب الملفات على الكمبيوتر وتراجعها أكتر من مره ، اندمجت لحد ما المنبه رن بميعاد الدوا ، إتناولت علبة الدوا وراحت على مكتبه ، خبطت وأذنلها بالدخول

_خير ؟ فيه مشكله ؟؟

_لأ بس ميعاد دوا حضرتك يا فندم )

رفع أحد حاجبيه : بس أنا ماكتبتش المهام دي في ورقة التعليمات وجبتي الدوا منين ‏‎confused_rev‎‏ رمز تعبيري ؟؟!

_أستاذ عصام يا فندم فهمني مهام تانيه غير إللي حضرتك كتبتها وهو إللي إدالي الدوا

قربت وناولته الدوا لسه هيعترض ويتعصب ، بصلها وجت عينها في عينه فخمدت ثورة غضبه ولقى نفسه زي المسحور بينفذ وبس ، أخد منها الدوا وبعدها إستأذنت تكمل باقي شغلها وضبطت المنبه على ميعاد الدوا إللي بعده ، و هو من بعد خروجها مابقاش عارف يركز في الشغل ، مش عارف هيفضل ع الحال ده لحد إمته ‏‎frown‎‏ رمز تعبيري !!!!!
.
.
فضلت داليا ملتزمه بالتعليمات بحذافيرها وبتحاول تثبت لنفسها قبله إنها جديره بحمل المسؤولية ‏‎like‎‏ رمز تعبيري
وفي آخر اليوم كانت خلاص مش قادره تفتح عيونها ، نفسها تروّح تنام لكن في التعليمات ماينفعش تروّح قبل المدير ، عنيها غفلت وفجأه صحيت على صوت المنبه ، زفرت بضيق ، إتناولت الدوا وراحت لمكتبه

_ إنتي لسه هنا ‏‎confused_rev‎‏ رمز تعبيري ؟؟!!

_ أيوه يا فندم تعليمات أستاذ عصام بتقول إني ماينفعش أمشي قبل حضرتك ، إتفضل الدوا

إتناول الدوا منها ولاحظ إرهاقها فصعبت عليه : بصي يا آنسه داليا ملكيش دعوه بتعليمات عصام وقت ما تخلّصي شغلك عدّي عليا لو مش محتاجك في أمر ضروري هقولك تتفضلي وما تتأخريش للوقت ده هنا تاني أنا بحب أروّح متأخر ماينفعش تربطي مواعيدك بيا لإنك بالشكل ده هتروحي الفجر

_ تمام يا فندم ، متشكره جداً ‏‎smile‎‏ رمز تعبيري

وقبل ما تمشي : إستني

إتناول الموبايل وكلم السواق

_ إتفضلي السواق منتظر يوصلك البيت ويرجعلي

_ مفيش لزوم يا فندم أنا هقدر أروح مش حابه أتعب حضرتك

_ ماينفعش تمشي لوحدك في وقت زي ده ، إتفضلي

_ متشكره مره تانيه

_ العفو ، مع السلامه

شكرت ربنا لإنها كانت فعلاً قلقانه وزهقت من اتصالات خالها وكانت هتتصل بيه يجي ياخدها والحمدلله إتحلت المشكله ، إتناولت شنطتها ونزلت وهي مبتسمه ‏‎kiki‎‏ رمز تعبيري : ما هو طلع ذوق أهه وعنده نخوه أنا هتجنن الراجل ده بحالات الله المستعان ‏‎upset‎‏ رمز تعبيري !!

ركبت مع السواق وأول ما وصلت البيت ولسه خالها هيزعقلها : خااالو ارجوووك بكره ان شاء الله نتكلم في كل حاجه انا دلوقتي عاوزه اناااام والله ما قادره أفتح عيني ((

_ من أول يوم وحصلك كده أمال هيعملوا فيكي إيه الأيام الجايه لو سمحتي كفايه بقى مفيش شغل تاني ‏‎upset‎‏ رمز تعبيري

_ نتناقش بكره طيب إن شاء الله ، تصبحوا على خير

دخلت أوضتها ، قلعت حجابها ورمت نفسها ع السرير ~
.
.
وعدنان لسه قاعد في مكتبه سرحان في طيفها ونفسه قلبه ويّا عقله يحددوا موقف واحد ، الإتنين في صراعات تعبته ومش عارف يتصرف إزاي ‏‎grumpy‎‏ رمز تعبيري !!!

•••••••●••••••••●••••••••••●•••••••••●••••••••●••••••

قاعد ع السفره مع مارثا بيفطر ، نزلت مريم على غير العاده ، رحبت بيها مارثا بسرور لإنها أخيراً خرجت من عزلتها ، أكلت ساندوتش وودعت مارثا بعد ما قالتلها إنها رايحه الجامعه ، إبتسم وفرح إنها بدأت تتقبل الأمر وتركز في دراستها ‏‎kiki‎‏ رمز تعبيري ، فطر وراح ع الجامعه ، لقاها منتظراه في مكتبه ، قعد على كرسي المكتب مبتسم

_ صباح الخير ‏‎smile‎‏ رمز تعبيري

بتوتر وهي باصه في الأرض : صـ صباح النور

_ ممتاز إنك بدأتي تركزي في دراستك يا مريم

_ آنسه مريم لو سمحت ، ثم أنا قررت أحط أي أمور شخصيه على جنب وأركز في السبب في وجودي هنا وهو دراستي وبس

_ ممتاز جداً نقدر نبدأ دلوقتي ؟؟

_ أكيد إتفضل

_ أوك بس بما إنك هتحطي الأمور الشخصيه على جنب وتركزي في الدراسه ياريت تبطلي توتر وقلق

_ أ أنا ؟! لأ طبعاً مش متوتره ولا حاجه أنا جاهزه إتفضل حضرتك

بدأوا يتكلموا عن رسالتها وإللي المفروض هتعمله وهو بيتلاشى النظر ليها عشان ما يوترهاش وهي على أد ما تقدر بتحاول تبان طبيعيه !!

•••••••●••••••••●••••••••••●•••••••••●••••••••●••••••

ناصر حاول كتير يخلي داليا تقعد من الشغل لكنها رفضت و مر أسبوعين وداليا ماشيه في شغلها كويس جداً وقدرت بالفعل تثبت لعدنان إنها جديرة بحمل المسؤولية ، إتعود عدنان على وجودها وأصبح مابيقدرش يعدي يوم من غير ما يشوفها ، بتهتم بأدق تفاصيل يومه ، حتى الغدا بقت بتحددله مواعيده والدوا ومقابلاته الشخصيه والعامه ، وصفقاته ، إتعلمت بسرعه جداً وأصبحت مسؤوله عن تنظيم حياته ، لكن عند قلبه قلبت كل موازينه ونظام دقاته ‏‎heart‎‏ رمز تعبيري كل محاولاته إنه يمنع نفسه وقلبه عن التمادي في حبها باءت بالفشل بل خلته يتعلق بيها أكتر ‏‎heart‎‏ رمز تعبيري

مرت سما على داليا في مكتبها ، خبطت ع الباب

داليا : إتفضل ؟؟

سما : أدخل ولاّ هنعطل الناس الحلوه دي عن شغلها وعدنان يعلقنا ‏‎wink‎‏ رمز تعبيري ‏‎devil‎‏ رمز تعبيري

ضحكت داليا وهي بتقوم من ع الكرسي : حبيبة قلبي ده إنتي تنوري ‏‎kiki‎‏ رمز تعبيري

سلمت عليها وضايفتها

سما : ها أخبار الشغل معاكي إيه ؟؟

داليا : بصراحه كان في أول 5 أيام متعب جدااا فوق ما تتصوري كنت بروح أعيط من التعب بس دلوقتي خلاص إتعودت ع الضغط الحمدلله ربنا قدرني ويا رب أستمر للآخر ‏‎kiki‎‏ رمز تعبيري

سما : إنتي أدها ما تقلقيش

داليا : الله المستعان ‏‎smile‎‏ رمز تعبيري إنتي أخبارك إيه ؟؟

_ الحمدلله ، أهه راجعه نيويورك الأسبوع الجاي إن شاء الله ، بجد هتوحشيني أووي ‏‎heart‎‏ رمز تعبيري

_ إنتي أكتر والله ‏‎heart‎‏ رمز تعبيري

_ ياريت بعد إذنك بقى تفضّي نفسك يوم نقضيه سوا بره عشان مطوله في السفر شويه هبدأ دراسه بقى وكده مش هقدر آجي لندن غير لما أخلّص إن شاء الله

_ تمام إن شاء الله يا حبيبتي ، الجمعه مناسب ليكي ؟

_ أي يوم تحدديه مناسب ليا أنا مش ورايا حاجه ‏‎kiki‎‏ رمز تعبيري

_ تمام يبقى إتفقنا الجمعه الجايه إن شاء الله ‏‎wink‎‏ رمز تعبيري

_ إن شاء الله ‏‎kiki‎‏ رمز تعبيري ، هقوم أنا بقى عشان ما أعطلكيش وربنا يعينك

_ يا رب ، خدي بالك من نفسك ‏‎heart‎‏ رمز تعبيري

_ وإنتي كمان ‏‎kiki‎‏ رمز تعبيري ‏‎heart‎‏ رمز تعبيري في رعاية الله

_ مع السلامه

بعد ما سما مشيت داليا خلّصت شغل كان عدنان طلبه منها ، راحت مكتبه تسلم الأوراق ومالقتهوش ، قعدت تنتظره فإتصلت بيها أمها وهي منهاره ‏‎cry‎‏ رمز تعبيري أبوها تعب والمبلغ إللي ناصر بعتهلهم يدوبك كفى الدوا و سدوا بيه ديون جارتهم عشان تبطل فضايح في العماره ، كانت بتتصل تفضفض معاها شويه وتشتكيلها من أحمد إللي نزل يشتغل وإمتحاناته ع الأبواب ، قفلت مع أمها واتصلت بأحمد وكان في شغله ، فضلت تتكلم معاه وتقنعه يركز في مذاكرته وبس ويخلص السنه دي على خير وهو برده مُصر يشيل معاها مسؤولية البيت ، اتعصبت عليه وشدوا مع بعض ، دخل عدنان وكانت مدياله ضهرها وقاعده على تربيزة الاجتماعات ماحستش بوجوده و بتتكلم بعصبيه

_ حرام عليك بقى كفايه ‏‎upset‎‏ رمز تعبيري وأنا كنت بشتغل ليه وأتعب في نفسي مش عشانكم !! مش عشان تبقى معزز مكرم وتتخرج وتعوضنا ، حرام عليك تضيع تعبي وتعبك يا أحمد بجد حرام عليك ، حرام عليكم كلكم إرحموني بقى أنا بجد فاض بيا ‏‎cry‎‏ رمز تعبيري ارحم قلبي من القلق والخوف عليكم بقى أنا تعبت ، والله ما هتكلم معاك تاني غير لما تبطل جنان ، خلاص اصبر لآخر الشهر هقبض وإن شاء الله كل المشاكل هتتحل ، وحياة داليا عندك عشان خاطر ربنا يا أحمد ، أنا هكلمك بالليل لما أروح وعاوزه أسمع منك حاجه واحده بس إنك مش هتنزل شغل تاني وهتركز في امتحاناتك ومعنديش كلام تاني أقوله مع السلامه

قفلت السكه في وشه ، حطت الموبايل وفضلت تبكي ‏‎cry‎‏ رمز تعبيري ، سامع صوت بكاها ونفسه يطبطب عليها أو يخفف عنها بأي شكل ، مش قادر ، مابقاش ابيتأثرش ببكا البنات وبيعتبرها دموع مزيفه لكن دموع داليا بجد بتوجعه ، واقف مكانه ومش عارف يعملها إيه ؟
وفجأه رن موبايله فإلتفتت ولقته واقف قصادها ، مسحت دموعها : أ أ أنا أسفه يا فندم ، الشغل إللي حضرتك طلبته أهه :'(

حطت الورق على المكتب وجريت على مكتبها وهي خايفه يكون سمعها ، بعد ما خرجت إتصل بعصام وطلب منه يجي مكتبه

_ باشا

_ بقولك إيه يا عصام عاوز منك حاجه كده بشكل ودي

_ خير ؟

_ إصرف لداليا مرتبها إنهارده

_ نعم O.o ! دي بقالها معانا إسبوعين بس أول مره تعملها يعني يا عم عدنان وقال إيه تعاملها زيها زي باقي الموظفين

عدنان بعصبيه : عصام أنا مش فايقلك >.< إعمل إللي بقولك عليه وبس وقولها إن إحنا بنعمل كده مع الموظفين الجدد بعد أسبوعين من شغلهم ، قول أي حاجه بس ما تدخلنيش أنا في الموضوع

_ أمممم ولو إني مش فاهم حاجه بس حاضر

وبالفعل عصام نفّذ ، كلم داليا تروحله مكتبه وإدالها ظرف فيه مرتبها وفهمها زي ما قاله عدنان بالضبط ، راحت على مكتبها وإنهارت لإنها إتأكدت إن عدنان سمع مكالمتها وإلا ماكنش عمل كده ، مسحت دموعها وراحتله

_ خير فيه حاجه ؟

_ أ أنا كنت عاوزه أشكر حضرتك يعني عشان صرفتلي المرتب بدري

_ ما تشكرنيش أنا ماعملتش كده علشانك تحديداً ده نظام شركتنا الموظفين الجدد بعد أسبوعين من شغلهم معانا بنديلهم المرتب

_ بس أنا أول مره أعرف حاجه زي دي !!!

قاطعها : والله تعرفي أو ما تعرفيش ده شيئ مايخصنيش ، إتفضلي على شغلك

_ حاضر يا فندم ومتشكره مره تانيه

راحت على مكتبها وهي مش مقتنعه بمبرره وشبه متأكده إنه سمعها فعمل كده ، سجدت شكر لله على تفريجه لكربها وقررت تتفانى في شغلها كشكر لعدنان على إللي عمله معاها ~

•••••••●••••••••●••••••••••●•••••••••●••••••••●••••••

مريم مستمره في الدراسه وراكنه المشاعر على جنب ، تعبت في الأول عشان تقدر تتحكم في مشاعرها بس في النهايه قدرت وعمرو ساعدها بإنه رجع يتعامل معاها بشكل رسمي وبحدود ، بيتعاملوا كإنهم أول مره يعرفوا بعض لكن جوه قلوبهم براكين بتحرقها ، مريم مش قادره تنسى إللي حصل ، مروا 7 سنين ولسه لحد دلوقتي كل ليله بتصحى على كابوس ، خالد أصبح كابوس دمر حياتها :'(
بتتقدم في دراستها لكن لسه حابسه نفسها جوه قالب واحد ، لسه مصنفه نفسها كأخت مغتصب إتحكم عليه بالإعدام وبالتالي مش من حقها تحب ومش من حقها كمان تعيش :'( !!!

•••••••●••••••••●••••••••••●•••••••••●••••••••●••••••

داليا قابلت نِهال وحكتلها عن شغلها وحياتها وعن إللي عدنان عمله معاها وخوفها من إنه يكون سمعها

_ وحتى لو سمعك يا داليا مش مهم المهم إن خلاص الحمدلله مشكلتك إتحلت

_ لا يا نِهال أنا مش عوزاه يشوفني ضعيفه كده ، الرجاله كلهم واحد بيتفننوا في إنهم يستغلوا ضعف البنت وانا بكره الضعف >

_ إنتي مكبره الموضوع أوووي يا داليا ، أنا شيفاه شخص عنده ذوق وإنسانيه وماتفكريش بقى سمعك أو لأ !
فكري فإن ربنا يسرلك وفرج كربك إنتي وأهلك وبعدين ما إنتي قررتي تتفاني في شغلك كشكر ليه خلاص بقى ماتكبريش الموضوع وتنكدي على نفسك وخلاص

إتنهدت : الله المستعان ! عندك حق مش مهم أي حاجه المهم إني بعتلهم الفلوس وأحمد هيروح كورساته ويركز في دراسته ، بس صراحه ما توقعتش إن المرتب هيبقى كبير كده ما شاء الله ^_^

_ ربنا عوضك فعلاً عن الهم إللي شفتيه في الوظيفه إللي فاتت كنتي بتتعبي بس بمرتب ضئيل ومعامله وحشه لكن دلوقتي بتتعبي بس الحمدلله مع ناس بتقدر

_ الحمدلله ^_^ بس ربنا يهدي أستاذ عدنان عليا لإنه بحالات

_ ههههههه يا رب هتقابلي سما إنهارده إن شاء الله ؟

_ أه إن شاء الله ما أنا معنديش غير الجمعه ، ده حتى يوم أجازتي الوحيد صحاني الصبح بدري وطلب مني أبعتله ملفات ع الإيميل :/ -_-

_ ربنا يعينك يا حبيبتي

_ يا رب

مشيت نهال وداليا راحت ع المكان إللي إتفقت مع سما يتقابلوا فيه وقعدت تنتظرها ...
~
~
~
سما وهي بتلبس حجابها : بس أنا خايفه عدنان يتعصب ويتضايق يا عصام

_ يا بنتي ماتقلقيش بقى قولتلك مفيش حاجه من دي هتحصل ، أنا لا جبت سيرتك ولا سيرة داليا ، ده أنا أقنعته يجي معايا بالعافيه ومع ذلك لسه برده منشف دماغه -_-

_ طيب تمام أنا هلحق بقى أمشي دلوقتي عشان ما أتأخرش على داليا زمانها في إنتظاري

_ طيب وماتنسيش تفهمي منها بطريقه غير مباشره يعني في حد في حياتها ولا لأ وكده يعني

_ يا عصام إرحمني من إمبارح وإنت بتوصي فيا محسسني إنك أم عدنان

_ أم عدنان -_- !!! إنتي قفلتيني يا سما إمشي من قدامي حالاً

_ هههههههههه حاضر أنا مشيت أهه
.
.
راحت للمكان إللي اتفقوا عليه ولقت داليا في إنتظارها وبعد السلامات قعدوا يدردشوا شويه ، اتكلمت داليا عن الشغل وسما عن دراستها إللي بتستعدلها وأد إيه متشوقه هي وعصام تخلص الدراسه عشان يتزوجوا وهنا حست إن الوقت مناسب تفتح الموضوع وتسألها

_ إلا قوليلي بقى يا دودو مفيش حاجه كده ولا كده في حياتك ؟

_ حاجه كده ولا كده إزاي ؟!

_ يا سلااام على أساس مش فاهمه ، يعني حد ساكن في الحته الشمال

_ هههههههههه الحته الشمال ؟! متأكده إنك عايشه بره مصر طول حياتك !

_ المصري مسيطر في كل حته يا بيبي يلا قولي بقى

_ لأ مفيش حاجه خالص ولا هيبقى فيه

_ ليه كده ؟؟!

_ عشان أنا مش عاوزه كده

_ أممم شكلك جربتي الحب قبل كده وفشلتي بس صوابعك مش زي بعضها على فكره )

بإبتسامه باهته : بصي يا سما أنا موضوع الحب والإرتباط والكلام ده بره حساباتي خااالص ، ممكن نغير الموضوع بقى ؟؟! معلش مابحبش أتكلم فيه :'))

_ حاضر إللي يريحك ، بس إيه الإفترا بتاع عدنان ده مش مديلك غير يوم واحد أجازه وكمان مطلع عينك فيه >.<

_ ربنا يعينّي بقى وأكون جديره بحمل المسؤوليه

_ إنتي فعلاً جديره ربنا يوفقك يا دودو ^_^

_ ويوفقك يا حبيبتي يا رب ^_^
~
~
~
عدنان : عصام إنت عارفني مابحبش الخروج فـ بالكتير ساعه ولو ماقومتش أنا هروح وأسيبك

عصام : ماشي ، يا عم مالك كده ده أنا ماصدقت سما تسيبني شويه

_ هي فين صحيح ؟؟

_ خرجت مع صحبتها ، هنروح أنا وإنت نقعد شويه في كافيه وإحنا مروحين هتصل عليها وتروح معانا

_ طيب خلصني لما نشوف موضوع إيه الضروري إللي عاوزني فيه ده -_- !
.
.
راحوا الكافيه وقعدوا
_ هنقعد كده كتير ؟؟!

_ طاب ناخد نفسنا ونشرب حاجه وبعدين نتكلم

_ عصام والله انا مابصدق يجي يوم الجمعه عشان أناااام وأرتاح شويه من ضغط الأسبوع فـ خش في الموضوع على طول

_ بصراحه كده يا عدنان أنا وسما عاوزينك تقنع عمك يوافق إننا نتجوز وسما تكمل دراسه وإحنا متجوزين

_ عصام إنت كلمتني في الموضوع ده قبل كده وقولتك ماينفعش خالص إنت ناسي إن عمي كان رافض تكتبوا الكتاب أصلاً ولولا إني أقنعته وقولتله مش هنفتح موضوع الزواج غير بعد دراستها ماكنش هيوافق ! آجي دلوقتي بقى وأقوله معلش كنتــ ..... عصام إنت جبتنا الكافيه ده ليه O.o !!

_ هه عادي يعني مفيش سبب محدد

_ أمممم والله ؟! هي مش إللي هناك دي سما ومعاها داليا ولا أنا بيتهيألي >.< ؟!

عصام بخبث : إيه ده فين ؟! أه صحيح ده أهم هناك يا محاسن الصدفه :3

_ محاسن دي تبقى خالتك مش على عدنان الحركات دي >.< إنت حكيت لسما حاجه ؟؟!!

_ عيب عليك يا عدنان ، يا عم إنت ظالمني أنا حتى معرفش إن داليا هي إللي هتخرج معاها كل إللي قالته خارجه مع صحبتي أودعها قبل السفر

وقبل ما يتكلم عدنان لقى سما بتبص عليهم ومتفاجئه وجت ناحيتهم هي وداليا

_ أه واضح إن سما ماتعرفش حاجه وإن الموضوع كله صدفه طيب ماشي يا عصام >.<

سما : إنتوا هنا ماقولتليش إنكم خارجين يعني يا عصام ولا ماصدقت وإن غاب القط إلعب يا فار

_ محسساني إنك لقتيني خارج مع صحبتك مثلاً ده أنا خارج مع عدنان

عدنان متأكد إنهم متفقين ، كاظم غيظه وباصص في الأرض >.<

عصام : إزيك يا آنسه داليا ؟

_ الحمدلله بخير يا أستاذ عصام ، إزي حضرتك يا أستاذ عدنان

رد بإقتضاب : الحمدلله

سما : أ أقعدي يا داليا

داليا : لا معلش لازم أمشي عشان إتأخرت

عصام : لا مايصحش كده يا استاذه داليا لاز

قاطعه عدنان : أيوه ياريت تتفضلي وأنا كمان هروح لإن عندنا شغل كتير الصبح وكان نفسي أساعدك في موضوعك يا عصام لكن مش هقدر ، بعد إذنكم

قال جملته وسابهم مذهولين ومشي :O :O :O !

داليا حست بالإحراج بس خلاص إتعودت على كده من عدنان فعدتها ، سلمت على سما و روّحت وهي حاسه بالضيق من أسلوب عدنان إللي إحتارت فيه ومابقتش عارفه هو إنسان كويس ولا متعجرف وقليل ذوق ومتكبر >.< !!!
~
~
~
رجع عصام هو وسما البيت بيضحكوا وفجأه لقوا عدنان مستنيهم في الصاله ، وقفوا ضحك ،بصوا لبعض ولسه هيطلعوا على فوق ندهلهم عدنان :3 :3

سما : خـ خير يا عدنان إنت سهران لدلوقتي ليه ؟؟

_ مستنيكم :/ أقعدوا إنتوا الإتنين

قعدوا وسما بتغمز لعصام ، سكت عدنان لدقايق وبص لعصام

_ أنا عارف إن الحركات الصبيانيه بتاعة إنهارده دي ماكنتش صدفه وعارف كمان إنك حكيت لسما كل حاجه

بص لسما : و يا ترى بقى إنهارده قولتي لداليا إيه عني ؟؟!! حكيتيلها عن حياتي وعن عقدي فيها ؟! حكيتيلها عن أسراري ؟!

_ لا والله أبداً يا عدنان والله حتى سيرتك ماجبنهاش خاالص ولا حكيتلها عنك كل كلامنا كان عنها هي وعني وعن الشغل وبس (

_ ولو جبتي سيره مابقتش فارقه ، إسمعوا انتوا الاتنين أنا عارف أد إيه نفسكم تشوفوني مبسوط ، لكن أنا مش عاوز كده ولا عاوز مساعدتكم مش عاوز حد فيكم يتدخل في الموضوع ده تاني أبداً ! ولايجيب لداليا سيره عن أي حاجه خاصه بحياتي فاهمين >.< !!
وإنتي يا سما عاوزه تصاحبي داليا صاحبيها لشخصها مش عشاني

_ أنا فعلاً مصاحبه داليا لشخصها إنت مالكش علاقه بحاجه يا عدنان ، وأظن بقى كفايه ظلم لنفسك لحد كده ! إللي حصلك ده مـ

قاطعها بعصبيه : سمااااا خلاص إنتهى الموضوع مش عاوز حد يتكلم في أي حاجه >.<

سابهم وطلع على أوضته ، لمح عصام الدموع في عيون سما فربت على كتفها وضم إيديها

_ أنا مش زعلانه من عدنان يا عصام أنا زعلانه عليه مش كفايه إللي شافه في حياته :'(

_ ماتقلقيش أنا واثق في إن ربنا هيعوضه ، أكيد ربنا له حكمه في إن داليا تظهر في حياته تاني بعد ما إفتكرها إتجوزت ، هو بس بيعمل كده من إللي شافه ، بكره تشوفي الفرحه في حياته ^_^

_ يا رب ، نفسي أشوفه فرحان عشانه وعشان ساره تطمن عليه في قبرها :'(

قبّل راسها : ربنا يرحمها ، يلا يا حبيبتي قومي ريحي شويه ومش عاوز أشوف الدموع دي تاني في عيونك

_ حاضر (
~
~
~
عدنان مدد على سريره ، سرح في السقف ، مش عارف ليه إنهارده تحديداً إفتكرها ، رغم إنه من يوم ما شاف داليا وحبها وهي مابتجيش على باله ، إفتكر إللي عملته ، إفتكر وجع قلبه ومعاناته وقراره إنه مايفتحش قلبه ولا يثق في الحب تاني !
شاف طيف كل إللي فارقوا الحياه وسابوه يعاني من آلام فراقهم لوحده ،
قام من سريره ، إتناول دفتره وبدأ يفرغ طاقة الغضب والوجع إللي جواه في سطور...~

•••••••●••••••••●••••••••••●•••••••••●••••••••●••••••

تاني يوم الصبح داليا راحت على شغلها وبدأت تجهز لإجتماع مهم جداً هيبدأ بعد ساعه ، وصفوت بيساعدها ،دخلت تبلغ عدنان إنهم جاهزين ومالقتهوش في مكتبه ، سمعت تليفون المكتب بيرن دخلت ردت عليه وقبل ما تقوم لفت إنتباهها كاميرا محطوطه ع المكتب ، مسكتها بفضول وتفحصتها ، عجبها شكلها جداً ، ورجحت إن دي إللي صفوت يقصدها لما سألته عن كاميرا لتصوير الإجتماع وقالها هتلاقيها في مكتب عدنان ، أخدت الكاميرا وراحت لمكتبها تكمل شغلها ...
.
.
دخل عدنان مكتبه مع عصام ، إتكلموا في الشغل شويه وبعدين عدنان لاحظ إختفاء الكاميرا

_ عصام إنت أخدت الكاميرا بتاعتي من هنا ؟؟!!!

_ لأ أنا لسه دلوقتي داخل مكتبك من وقت ما جيت

وقف عدنان من مكانه وبدأ يدور

_ هتكون راحت فين يعني

_ معرفش المهم ألاقيها حالاً

طلب صفوت ع التليفون وسأله عن الكاميرا

_ لا يا فندم أنا مادخلتش مكتب حضرتك لكن الآنسه داليا سألتني عن كاميرا لتغطية الزياره وقولتلها هتلاقيها في مكتب حضرتك فربما تكون معاها دلوقتي

قفل معاه : مصيبه يا عصام :O

_ إيه فيه إيه :O ?

_ صفوت بيقول داليا سألت عن كاميرا لتصوير الإجتماع وهو قالها عن الكاميرا إللي هنا وإفتكرت الخاصه بتاعتي هي نفسها بتاعة الشركه

_ خلاص مش مشكله يعني مصيبه ليه !

_ لإن سيادتك صور داليا إللي كنت بصورهالها موجوده ع الكاميرا >.<

_ طيب الحمدلله إنــ :O ... يا نهار مش فايت :O
~
~
~
خلصت شغلها ، بصت في الساعه ولقت باقي ربع ساعه ع الإجتماع إتناولت الكاميرا وشغلتها عشان تجربها قبل الإجتماع ، صورت بشكل عشوائي وفتحت الصور عشان تشوف الصوره إللي صورتها و .........

إنتهت حلقتنا هنا إنهارده إنتظرونا الحلقه الجايه بعد بكره إن شاء الله

لـ #ندا_سليمان