الحلقة ʚϊɞ ʚϊɞ •.¸(14)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(14)¸.• ʚϊɞ ʚϊɞ

وقفنا الحلقة إللي فاتت عند أما كانت في مكتبها ودخلت عليها واحده

_أيوه يا فندم خير أقدر أساعد حضرتك بإيه ‏‎smile‎‏ رمز تعبيري ؟؟

وهي بتتأمل المكتب : صفوت قالي إنك المساعده والسكرتيره الخاصه لعدنان غريبه إنه عين سكرتيره عنده !! any way عاوزه أقابل عدنان

استغربت من لهجتها وأسلوبها وإنها بتقول عدنان بدون ألقاب !

ردت : حضرتك ممكن نحدد موعد وسيبي رقم موبايلك أنا هبلغك بموعد المقابله )

_ Sorry أنا مش هستنى لما حضرتك تتصلي بيا ‏‎unsure‎‏ رمز تعبيري

_طيب خير اتفضلي حضرتك قوليلي عاوزه مستر عدنان في إيه وأنا هبلغه ؟؟

_Sorry برده دي امور شخصيه وخاصه ماتخصكيش يعني ‏‎squint‎‏ رمز تعبيري

ردت بكل هدوء : اممم طيب والله إللي أعرفه حضرتك إن الأمور الخاصه مش في الشركه هنا لذلك تقدري حضرتك تكلميه في الموبايل وهو يبلغك بموعد للأمور الخاصه )))

_إنتي إزاي تتكلمي معايا كده ‏‎upset‎‏ رمز تعبيري

_ حضرتك أنا كلمتك بكل إحترام أنا بس بشوف شغلي وبقوم بواجبي

_أمممم طيب اتفضلي بقى بلغي عدنان بيه وقوليله كريمان خطيبته بره !!

داليا أول ما سمعت كلمة خطيبته اتصدمت : نعم ‏‎gasp‎‏ رمز تعبيري ؟ حضرتك بتقولي مين ‏‎gasp‎‏ رمز تعبيري ؟!

_زي ما سمعتي قوليله خطيبته ‏‎squint‎‏ رمز تعبيري وبعدين أنا بضيع وقتي معاكي ليه ‏‎unsure‎‏ رمز تعبيري

قالت جملتها وخرجت لمكتب عدنان وداليا فاقت من الصدمه وجريت وراها قبل ما تدخلّه ، لحقتها ووقفت عند باب المكتب : متأسفه حضرتك مش هينفع تدخلي دلوقتي ولو فعلاً خطيبته يبقى تقدري تتصلي بيه ع الموبايل الخاص

_وإنتي مين عشان تقوليلي أعمل إيه وما أعملش إيه ‏‎upset‎‏ رمز تعبيري

_يا فندم ياريت ماتعليش صوتك إنتي في مكان محترم وانا مازلت بكلمك بإحترام وقولتلك أنا بشوف شغلي
.
.
.
بيشتغل في المكتب وسمع دوشه وصوت عالي بره ، كلم داليا ومابتردش ، قام فتح الباب وداليا كانت سانده عليه وساده طريقها فكانت هتقع سندها ، إعتذرت وقبل ما تتكلم لقته بيبص لكريمان بغضب شديد وصرخ في وشها : إنتي ليكي عين تيجي هنا ‏‎upset‎‏ رمز تعبيري !!

_ عدنان أرجوك بلاش إنفعال ، إديني فرصه وإسمعني ولو لمره واحده أرجوك ‏‎frown‎‏ رمز تعبيري

_ الحيوانات أمثالك ماينفعش ياخدوا فرص تانيه يلا اطلعي بررره ولا استني!

كلم الأمن وطلب منه يجي حالاً ، وصل مسؤول الأمن

_ القذره دي لو لمحتها قدام باب الشركه مش بس تطردها لأ أطلبلها البوليس ‏‎upset‎‏ رمز تعبيري يلا خدها من قدامي حالاً ‏‎upset‎‏ رمز تعبيري

كريمان : هنت عليك يا عدنان ‏‎cry‎‏ رمز تعبيري

_اخرسي اسمي انضف من إنه يجي على لسان واحده زيك يلااا بررره
إلتفت للأمن : مستني ايه نفذ حالاً ‏‎upset‎‏ رمز تعبيري

سحبها وهي مازالت بتبكي وتتحايل على عدنان يسمعها ، دخل مكتبه وهو مش قادر يتنفس ، فك الكرفته وأزار القميص ، فيه زغلله في عينه وتنميل في اطرافه ، حاسس إنه دايخ وهيفقد الوعي ، فجأه وقع ع الأرض لكن مافقدش الوعي لسه فايق وشايف قدام عيونه كل حاجه حصلت وكإنها بتتكرر قصاده دلوقتي ‏‎grumpy‎‏ رمز تعبيري ، سامع كل كلمه اتقالت ، جريت داليا عليه بخوف : مستر عدنان مالك ‏‎gasp‎‏ رمز تعبيري أطلبلك الدكتور ؟! مستر عدنان رد عليااا ‏‎frown‎‏ رمز تعبيري

بصلها وسالت دموعه ‏‎cry‎‏ رمز تعبيري أول مره تشوفه بالضعف ده ، بكت لبكاه ومش فاهمه إيه إللي حصل لده كله ‏‎cry‎‏ رمز تعبيري ؟!
مش فاهمه البنت دي عملت إيه خلّى حالته بالشكل ده !!!

فاق وطلب منها كوباية مايه وهو بيمسح دموعه وقاعد ع الأرض ، ناولته المايه بسرعه ، شرب وطلب منها تقربله كرسي عشان يسند عليه ويقوم لإنه حاسس بدوخه ، حطتله كرسي سند عليه ووقف بصعوبة ، قعد ع الكرسي وطلب منها تخرج بره

_طيب يا فندم نجيب الدكتور يطمنا عليك الأول ‏‎cry‎‏ رمز تعبيري

_ ماتقلقيش أنا هبقى كويس إن شاء الله بس اخرجي ومش عاوز أي حد أيا كان يدخل عليا

_طيب يا فندـ

_دااااليا أنا دلوقتي في حاله من الغضب ‏‎upset‎‏ رمز تعبيري مش عاوز أطلّع غضبي فيكي فأرجوكي اخرجي حالاً وماتدخليش حد عليا يلااا اتفضلي

مشيت بإستسلام ولسه بتبكي على حالته ومش عارفه تتصرف ‏‎cry‎‏ رمز تعبيري ، خرجت وقفلت باب المكتب زي ما طلب منها ، مسحت دموعها لما شافت صفوت جاي ناحيتها

_خير يا أستاذ صفوت ؟؟

_مستر عصام اتصل بعدنان بيه ومابيردش وكمان حضرتك مابترديش عاوز حد منكم ضروري بخصوص فرع نيويورك

_خلاص أنا هكلمه دلوقتي بس لو سمحت أي حد عاوز مستر عدنان خد منه الرقم ونبقى نتصل لما نحدد موعد وماتبعتليش حد عندي هو مستحيل هيقابل أي حد حالياً

_طيب واجتماع الألمان ؟؟

_ معلش كلمهم وأجله مستر عدنان مش هيقدر يحضر أي اجتماعات دلوقتي

_تمام يا فندم بعد اذن حضرتك

_إتفضل

دخلت مكتبها ولقت نفسها بتبكي ‏‎cry‎‏ رمز تعبيري مش عارفه ليه خافت عليه بالشكل ده ! ولا عارفه ليه بتبكي من الأساس بس دموعه إللي لأول مره بتشوفها أثرت فيها ووجعتها وبرده ماتعرفش ليه ؟!!

لقت عصام بيتصل ردت عليه وطلبت منه يأجل أي شغل ويرجع لندن ، حكتله عن إللي حصل وأول ماسمع إسم كريمان جن جنونه وطلب من داليا تدخلّه الموبايل لعدنان حالاً ، قامت لمكتبه خبطت ماردش ، حاولت تفتح الباب ولقته قافله بالمفتاح ، بلغت عصام ، طلب منها تفضل جنبه وهو هيحاول يرجع في أقرب وقت ، بعد ما قفلت معاه فضلت قاعده في مكتبها رايحه جايه من القلق ، رن موبايلها وكانت سما ، عرفت إللي حصل لعدنان وبتطمن منها ، كدبت عليها و طمنتها عشان ماتفضلش قلقانه عليه ولقت نفسها بكل تلقائيه بتسألها : سما هي مين كريمان دي ؟؟؟

_ كريمان ؟! دي دي بصي يا داليا يعني بإختصار شديد كده ، كريمان دي كانت خطيبة عدنان وكان مكتوب كتابهم بس طلعت انسانه حقيره وخانته بس

_ خانته ‏‎gasp‎‏ رمز تعبيري ، طيب إزاي وليه ؟؟!

_ ما أعرفش أي تفاصيل عدنان ماقالش لحد يعني حاجه بالتفصيل إنفصلوا وخلاص ، المهم طمنيني على عدنان أول بأول عشان خاطري والبت دي لو جت الشركه تاني أنا إللي بقولك أهه اطرديها

_ما أظنش هتفكر تيجي هنا تاني بعد إللي مستر عدنان عمله فيها !

قفلت مع سما ، طلبت لمون وفضلت تخبط على باب مكتب عدنان لحد مافتحلها : انا مش قلت مش عاوز اشوف حد دلوقتي ‏‎upset‎‏ رمز تعبيري ؟!

_أ أ أنا يعني قلقت لما حضرتك ماردتش ، أسفه ع الإزعاج إتفضل حضرتك كوباية اللمون دي وهمشي ‏‎frown‎‏ رمز تعبيري

زفر بنفاد صبر ، أخدها منها وقفل الباب ، راحت لمكتبها ولسه إللي حصل شاغل بالها ‏‎frown‎‏ رمز تعبيري ....

•••••••●••••••••●••••••••••●•••••••••●••••••••●••••••

رجع عصام من الشركة بدري عشان يجهز للسفر ولقى سما في انتظاره

_ عصام إنت لازم تسافر لعدنان

_من غير ماتقولي أنا راجع بدري عشان أجهز للسفر بس بجد مش فاهم إيه الجبروت ده ‏‎upset‎‏ رمز تعبيري !!

_ولا أنا فاهمه بجد إزاي عملت كده ‏‎gasp‎‏ رمز تعبيري وكانت عاوزه منه إيه تاني بعد إللي عملته ! بس إتوترت أوي ساعة ما داليا سألتني عنها وماعرفتش اقول
إيه !

_ إوعي تكوني قولتيلها حاجه انتي عارفه عدنان !

_لا ماتقلقش قولتلها بإختصار إنها كانت خطيبته وخانته ومنعرفش الأسباب بقى وتوهت في الموضوع بس

_طيب تمام ، ربنا يستر ، هطلع أجهز شنطتي

طلع يجهز شنطته بعد ماحجز في أول طياره رايحه لندن ....

•••••••●••••••••●••••••••••●•••••••••●••••••••●••••••

بعد ما أخد منهاعصير الليمون قفل على نفسه باب المكتب بالمفتاح عشان محدش يدخل وخصوصاً داليا ، مش عاوز يطلع غضبه فيها وهو مش في وعيه ، فرد جسمه على كنبة الأنتريه إللي في مكتبه ، ندم إنه خلاها تشوف ضعفه ودموعه ‏‎cry‎‏ رمز تعبيري ، لكن لحظتها ماكنش بيفكر في أي حاجه غير إنه شافها قصاده أمه وطبيعي الضنا يبكي بلاخجل قصاد إللي إتولد من حشاها ‏‎heart‎‏ رمز تعبيري وهو حقيقي وقتها كان شايف أمه قصاد عينيه ، فبكى وكان محتاج لضمتها ‏‎cry‎‏ رمز تعبيري ، سمع صوت رساله في الموبايل كان هيطنش بس لما لمح إسم داليا فتحها بسرعه :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحياناً يبتلي الله عباده الصالحين ليصطفيهم ، فإصبر صبراً جميلا واعلم أن الله يخبئ لنا في الأقدار أشياءً إن علمناها بكينا فرحاً ، ثق بالله وتأكد أنك يوماً ما ستبكي فرحاً من فرط كرم الله ) ، الظهر أذن ‏‎smile‎‏ رمز تعبيري أخبر الأرض في سجدتك عما يؤلمك وتأكد أن صوتك سيصل لعنان السماء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قرا رسالتها أكتر من مره وإبتسم ‏‎heart‎‏ رمز تعبيري :')) وكإنها لبت ندا روحه فضمته بكلامها وطبطبت على قلبه ، مسح دموعه ، قام إتوضى وصلى الظهر ، أول ما سجد بدأ يبكي بإنهيار بين إيدين ربنا ويشكيله ع إللي في قلبه وهو بيدعي بحرقه ربنا يعوضه ‏‎cry‎‏ رمز تعبيري ‏‎heart‎‏ رمز تعبيري
~
~
~
قاعده في مكتبها وصلها تقرير ع الموبايل إنه شاف الرساله ، مش عارفه عملت ليه كده ، ولامت نفسها إنه مايصحش فعل زي ده ، بس هي نفذت إللي جه على بالها بدون تفكير ، فكرت بقلبها قبل عقلها
(( فكرت بقلبي ؟!!! وأنا قلبي ليه فكر في كده ؟! داليا إنتي ليه خايفه عليه بالشكل ده ، وبعدين مش شايفه إنه ماكنش يصح تبعتي الرساله ولا كان يصح تتعدي الحدود أصلاً غير إنه ماينفعش هو مديرك ، وبعدين تعالي هنا إنتي ليه إتضايقتي أوي كده لما قالت إنها خطيبته !!! داليا إنتي إيه إللي جرالك أوعي تنسي نفسك ‏‎upset‎‏ رمز تعبيري إستغفر الله العظيم ، أنا هقوم أحسن أصلي الظهر )) داليا لنفسها

صلت الظهر ودعيتله ربنا يفرج كربه ويبدل كل حزن في حياته لسعاده ...~

•••••••●••••••••●••••••••••●•••••••••●••••••••●••••••

جه وقت دفع الإيجار ، فتحت مريم شنطتها عشان تدفع وإتصدمت إن الفلوس إللي معاها قربت تخلص ‏‎gasp‎‏ رمز تعبيري ، الفتره إللي فاتت إحتاجت مصاريف كتيره وإشترت كتب و ماكنتش واخده بالها إنها بتسحب من الفلوس إللي شيلاها للإيجار ‏‎frown‎‏ رمز تعبيري ، طلّعت كل الفلوس إللي معاها وبدأت تحسب إللي هتصرفه تقريباً أد إيه ولقت نفسها بعد شهر ممكن ما تلاقيش تاكل !
نظمت مصاريفها وقررت تطلب من مارثا إنها تأجل الإيجار للشهر الجاي ومارثا أكيد مش هترفض ، بس لحد ما تدبر حالها وتكلم حد يبيع شقتهم في مصر ويبعتلها الفلوس ، كلمت مارثا وبالفعل ماكنش عندها أي مانع بل عرضت على مريم مساعده ماديه ومريم رفضت ، تاني يوم وهي ع الفطار ، شكرت مارثا للمره التانيه لكن مارثا فاجئتها إن عمرو دفع إيجارها قبل ما يروح الجامعه :O ، لامت مارثا إنها حكتله ومارثا أكدتلها إنها ماقالتش حاجه هو إللي سمعهم وهم بيتكلموا ، إتعصبت وقامت من ع السفره بسرعه للجامعه ، دخلت مكتبه من غير ما تخبط

_ أقدر أفهم إيه إللي عملته ده >.< ؟!

رد بهدوء : عملت إيه ؟!

_ بأي صفه تدفعلي الإيجار أنا ماطلبتش منك تعمل كده بتتدخل ليه >.<

_ لإن دكتور فهمي موصيني عليكي ثم إنتي بنت بلدي ومغتربه بره

_ بس ما طلبتش مساعدة حد >.<

_ وأنا مش منتظر تطلبي ، طيب خلاص إعتبريهم سلف وأبقي رديهم وقت ما تحبي

إنهارت ع الكرسي : وقت ما أحب ؟! هو أنا بقى فيه حاجه في حياتي بعملها زي ما أحب :'( ؟! هو أنا بقى عندي حياه أصلاً أنا متت من زمان :'(

_ إنتي إللي عاوزه تموتي نفسك يا مريم ، إنتي إللي بقيتي بتحبي الحزن والكآبه فعشتي فيهم ، إرحمني نفسك شويه بقى

_ أنا ما اخترتش حاجه ولا كان بمزاجي ، كل حاجه حصلت فجأه كل حاجه جتلي فجأه وحياتي إتغيرت فجأه أنا تعبت :'(

_ مريم إنتي أقوى من كده إنتـ

قاطعته قامت وهي بتمسح دموعها : في ظرف شهر إن شاء الله الفلوس هتكون عند حضرتك يا دكتور ، بعد إذنك

قالت جملتها وخرجت من المكتب ، قعد ع الكرسي وزفر بضيق ، نفسه يلاقي طريقه ترجع مريم بتاعة زمان ، نفسه يلاقي طريقه يحررها بيها من أسر كآبتها وحزنها .....

•••••••●••••••••●••••••••••●•••••••••●••••••••●••••••

أحمد كان رغم إمتحاناته وإنشغاله بالمذاكره على طول يسأل عن أم تقى وعن أحوالها ويشتريلها الدوا ويعملها أي تحاليل وآشعه مطلوبه على حسابه ، متكفل براعيتهم فقط لله ، أما عن تقى فغصب عنها وبدون مقدمات حبت أحمد ، من وقت ما أنقذها وساعدها هي وأمها وهي شيفاه مثال للشهامه والرجوله إللي إتعدموا في زماننا لكن مع الوقت غصب عنها لقت الإعجاب تحول لحب ، ملهاش سلطه على قلبها عشان تمنعه لكنّها إتربت كويس وخوفها من ربها بيمنعها من أي محاوله للفت إنتباهه بل بالعكس وقت ما يتصل بتخلي أمها هي إللي ترد ووقت ما يجي البيت بتختفي في أوضتها وماتخرجش غير بعد ما يمشي ، وأحمد إنسان أمين على حرمة بيوت الغير وبيتقي الله في كل فعل وخصوصاً مع تقى وأمها ، لإنه حاسس إن ربنا بيستخدمه عشان يساعدهم ويقف جنبهم في عدم وجود راجل يحميهم ويتولى أمرهم .
ساعات بيفكر في تقى ، لكن تفكير مختلف ، مش حب مجرد إعجاب بشخصيتها وقوة إرادتها ، فيها كتير أوي من داليا بل حاسسها نسخه منها ، كان قاعد بيفكر فيها في أوضته وإتصلت داليا وغصب عنه ندهلها بإسم تقى

_ يا نهارك ملون بكل ألوان الطيف ومشتقاتها تقى مين يا ولا :O

_ تقى ؟! وأنا جبت سيرة تقى :O ؟!

_ لاااااا ده إنت في مرحله متأخره خالص تعالالي كده ، يلا إحكي بالتفصيل

_ أحكي عن إيه يا داليا صلّي ع النبي إنتي ما صدقتي

_ عليه أفضل الصلاة والسلام ، ها مين تقى خلّص يا ولا

_ يا ربّي عليكي فظيعه بس ما تفهميش غلط هه مفيش حاجه من إللي في دماغك

_ ملكش دعوه بقى بإللي أفهمه إنت أحكي بس يلا توكل على الله

حكالها عن تقى وأمها ومارضيش يحكي ع الحادثه إللي حصلت لتقى لسببين الأول إنه من وقت ما أنقذها وهو عاهد ربنا إنه مش هيحكي لحد أبداً عن إللي حصل وثانياً مش حابب يفتح لداليا السيره دي عشان ما تفتكرش الحادثه لذلك قالها إنه كان ماشي جنب بيتهم وإستنجدت بيه إلى آخر الحكايه

_ كل ده وتقولي ما أفهمش غلط أنا فاهمه صح الصح كمان

_ شوفتي بقى أهه أنا ماكنتش عاوز أحكيلك عشان كده >.<

_ تقدر ماتحكيش أصلاً >.<

_ صراحه لأ

_ ربنا يباركلي فيك يا حبيبي ويرضى عنك ويجازيك كل خير بصي يا سيدي بقى أنا عاوزه أعمل للناس دي مرتب شهري ، يعني صدقه عن بابا عشان ربنا يشفيهولنا ويباركلنا فيه ، فكل شهر إن شاء الله مع مصاريف البيت هبعتلك مبلغ كده في ظرف ليهم تمام ؟

_ تمام يا حبيبتي ربنا يوسع عليكي في رزقك ويبارك فيكي

_ أخبار الأجازه معاك إيه بقى والنتيجه إمته إن شاء الله ؟

إتكلمت معاه شويه وإتطمنت عليه بعدين قفلت ونامت عشان تصحى بدري لشغلها ....

•••••••●••••••••●••••••••••●•••••••••●••••••••●•••••

•
عدنان بدأ يرجع لطبيعته ولسه بيتبادل الكتب مع داليا ويناقشها فيها ، وجودها لوحده بمثابة دوا بيطيب جروح قلبه ، حاسس بصداع شديد فروح بدري وإتفاجئ بوجود عصام في البيت : إنت شرفت يا مرحبا يا مرحبا ^_^

قام يسلم عليه وهو مستغرب لسه من شويه قبل ما عدنان يوصل كان متوقع إنه هيبقى في قمة غضبه وبدأ يدور على طرق يهديه بيها ويرتب كلام مناسب يقوله !

_إنت كويس يا عدنان ؟؟

_أنا كويس جدا الحمدلله

_طااايب الحمدلله وفرت عليا الرغي إللي كنت محضره

غمز لعدنان : الله يكرمها داليا قامت بالواجب

ابتسم عدنان : الله يهديك ، المهم يا سيادة نائب المدير بما إنك رجعت إتفضل روح ع الشركه مكاني لإني مصدع جدااا ونفسي انام

_أعوذ بالله أول ماتشوف وشي كده اعتبرني ماجتش يا اخي

_ بقولك مصدع يعني وفر رغيك ده واكسب وقت كده كده هتروح يلا

_ طيب يا سي عدنان أنا عارف كان إيه إللي جابني

ضحك وهو طالع لأوضته ، غير هدومه ونام ...

•••••••●••••••••●••••••••••●•••••••••●••••••••●••••••

هاله رجعت تاني تهتم ببيتها وبطلت أي ورديات بالليل ، وعلي بيحاول يرجع زي ماكان لكن لسه كلام داليا مأثر فيه وواجعه ، ملاحظ محاولات هاله وتغيرها وبيحاول هو كمان يرجع زي ما كان ...

•••••••●••••••••●••••••••••●•••••••••●••••••••●•••••

طارق رجع من شغله ولقى البيت هادي ، مستغرب إن شيماء نامت بدري وما استنتهوش كعادة كل يوم !
دخل أوضة النوم ولقى شيماء نايمه فمشي على اطراف صوابعه ، غير هدومه ، رفع الغطا عشان ينام جنبها واتفاجئ !
حاطه ظرف مكان نومه ، مسكه وقرا المكتوب عليه على ضوء الأباجوره (( إلى بابا حبيبي )) ابتسم وتوقع داليا خلت أمها كالعاده تكتبله جواب ، فتح الظرف ولقى ورقتين ، مسك الأولى وقرا إللي فيها
(( بابا حبيبي بعد السلام والتحيه ياريت تاخد بالك من مامتي وتستناني كلها 8 شهور وهاجي أسهركم طول الليل وازعجكم بصوتي وبعتلك مع مامتي أول صوره ليا ...بحبك يا اعظم بابا في الدنيا ))
قرا الكلام أكتر من مره بذهول وبسرعه مسك الورقه التانيه ولقى صورة سونار لجنين ففهم ، بص على شيماء لقاها كانت عامله نفسها نايمه ، اتعدلت وقعدت ع السرير وهي بصاله ومبتسمه

_إنتي حامل ؟؟؟

_أيووووه ^^

سجد شكر لله وهي وقفت فرحانه للفرحه إللي شيفاها في عيونه :")) ، قام من سجدته وضمها لحضنه ، قبل راسها بحنان : ربنا ما يحرمني منك ابدا يا حبيبتي ويباركلي فيكي وفي المولود

_يارب يا حبيبي ♡

_ عرفتي امته ؟؟

_ ما أنا حسيت بشوية تعب فروحت لمامتك انهارده وكنت شاكه وطلبت منها تيجي معايا للدكتور اكشف وطلعت حامل الحمدلله ^^

_يعني ماما عرفت ؟؟

_أول واحده وفرحانه جدا

_ربنا يديم علينا فرحتنا ويقومك بالسلامه يا حبيبتي

_يا رب

اخدها في حضنه وناموا وهم بيسترجعوا ذكرياتهم في ولادة داليا

شيماء قررت تغامر وتحارب عشان تكسب قلب حماتها ، بقت تتحمل كلامها واسلوبها وتلميحاتها وتشاركها كل كبيره وصغيره في بيتها وتحسسها ان هي الكل في الكل والأساس في حياة ابنها ، ووقت ما شكت في الحمل عملت إختبار وعرفت إنها حامل بس حبت تشارك حماتها وتحسسها بأهميتها وأهمية رأيها ....

•••••••●••••••••●••••••••••●•••••••••●••••••••●••••••

داليا راحت في ميعاد كل يوم لمكانها المفضل ، قعدت شويه تحاسب نفسها وتسترجع ذكرياتها كالعاده ، بتلتفت جنبها ، ثبتت نظرها وركزت في إللي قاعد على مسافه قريبه منها ، إتفاجئت وإتسمرت مكانها !!!

وإنتهت حلقتنا هنا إنهارده إنتظرونا الحلقه الجايه إن شاء الله

لـ #ندا_سليمان