الحلقة ʚϊɞ ʚϊɞ •.¸(17)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(17)¸.• ʚϊɞ ʚϊɞ

وأخيراً جه يوم الفرح ، سما قبل ما تروح الفندق خلت السواق يعدي على داليا الأول وراحوا سوا ، داليا ساعدتها في ترتيب حاجتها وقعدوا يشربوا عصير لحد ماتوصل إللي هتعملها الميك أب

_ ما شاء الله الفستان يجنن هتبقى قمر انهارده يا سمسم ^^

إبتسمت سما : عقبالك يا حبيبتي

_ سما إنتي فيكي حاجه مش مضبوطه مالك عيونك فيها حزن في حاجه مضيقاكي لو فيه مشكله قولي نحلها سوا !

اتنهدت بحرقه : هي كمان كانت بتفهم في لغة العيون كويس أوي وخصوصاً عيوني :"))

_ هي مين ؟؟! مش فاهمه !

طلعت من تحت الهدوم سلسله متعلقه في رقبتها فتحت القلب إللي فيها وورتها لداليا ، بصت ولقت صوره بتجمعها هي وبنت تانيه : ما شاء الله جميله خالص مين إللي معاكي دي ‏‎kiki‎‏ رمز تعبيري ؟؟

_أختي التوأم ساره الله يرحمها :"))

انقبض قلب داليا ، هي عارفه كويس أوي يعني إيه تفارق أحبابك ! يعني إيه تتحرم منهم في وقت فرحتك ووقت حزنك ماتلاقيهمش يطبطبوا عليك ويواسوك ‏‎cry‎‏ رمز تعبيري بس إللي يشوف بلوة غيره تهون عليه بلوته !
على الأقل هي تقدر تسمع صوتها وتشوفهم وممكن في يوم ترجع لحضنهم تاني لكن صعب تشتاق لحد خلاص مابقاش موجود في الحياه ، لإنك خلاص دفنت الأمل في إنك تلاقي في يوم حضنه بجد معاه في نفسه التربه ‏‎cry‎‏ رمز تعبيري
إلتمعت عيونها ومالقتش حاجه تقولها افضل من كلام الحضن ♡ انسابت دموع سما وداليا بتطبطب عليها ‏‎cry‎‏ رمز تعبيري

قامت حضنها وهي بتمسح دموعها وتبتسم : تعرفي يا داليا من يوم ما سابتني وأنا مابصاحبش حد ولا بدخّل حد جديد في حياتي بس انتي فيكي منها كتير أوي ، تشبهي لطيبة قلبها ‏‎heart‎‏ رمز تعبيري كانت دايماً تفهمني من عيوني ولما تلاقيني متضايقه ومفيش كلام تقوله بتحضني ‏‎heart‎‏ رمز تعبيري
كانت بتقول دايماً إن افضل معبر هو الحضن عشان بيخلي دقات القلب هي اللي تتكلم وتطبطب ، الحضن احتواء وحصن منيع ضد جيوش الوجع والهم اللي بتحتلنا :"))

ابتسمت داليا وهي بتمسح دموعها ، ضمت إيديها وضغطت عليهم بحنان ‏‎heart‎‏ رمز تعبيري : يبقى لازم تفرحي انهارده عشان خاطرها أكيد كانت هتبقى مبسوطه انهارده وعوزاكي تبقى مبسوطه ♡

_ الحمدلله على كل حال :"))

_الحمدلله ♡

اتشجعت سما تقولها عن عدنان اخدت نفس عميق : داليا كنت عاوزه اقولك على حاجه

_قولي يا حبيبتي ^^

_ بصي هو أصل يعني ع ــــ

سمعوا خبط ع الباب قامت داليا تفتح وكانت اللي هتعمل الميك اب ، لذلك سما غيرت رأيها وداليا انشغلت في مساعدتها وما سألتش .....!

•••••••●••••••••●••••••••••●•••••••••●••••••••●••••••

ساب عصام نايم شويه ونزل يتمشى في الفندق ، قعد في مكان هادي ، رجّع ضهره لورا وسند راسه ع الكرسي في محاوله للإسترخاء ، غمض عيونه
وشاف نفسه وهو متمدد ع الشيزلونج وبيقرا كتاب في أوضته ، خبّط الباب ودخلت قبل ما يأذنلها بالدخول : أنا قلت أكيد لسه مانمتش وبتقرا كتاب ‏‎kiki‎‏ رمز تعبيري

ساب الكتاب إتعدل ، قعد وهو مبتسم : لا ناصحه يا ست سوسو ‏‎kiki‎‏ رمز تعبيري فرد دراعه بحنان : تعالي ‏‎heart‎‏ رمز تعبيري

جريت بشقاوه على حضنه ‏‎heart‎‏ رمز تعبيري حوطتها بدراعه : هااا هاتي ماعندك !

_ إحم إحم ^^

_ أيووووه المقدمه دي بتقول إنك ناويه تصدعيني بخطاب ‏‎tongue‎‏ رمز تعبيري

_ لا والله ده هم كلمتين وهقوم على طول بس بعد ما اخد منك كلمه طبعاً

_ أمممم طاب قولي كلي آذان صاغيه

_ بص بقى ، بما إن يعني سليم قالك نتجوز وأكمل دراسه معاه وإنت وافقت ممكن تقنع عمو عشان سما وعصام ‏‎frown‎‏ رمز تعبيري

_ أممممم بصي هو الموضوع صعب بس مفيش حاجه تطلبها دلوعة قلبي وأقولها صعب أوامرها تتنفذ وبس وأنا يعني عندي في الدنيا كام ساره وسما ‏‎wink‎‏ رمز تعبيري

_ هم واااحد ‏‎kiki‎‏ رمز تعبيري

ضمته بقوه : يعني أقدر أقول للبت سما إن خلاص فرحنا هيبقى في يوم واحد ؟؟!

_ أمممم أفكر ‏‎tongue‎‏ رمز تعبيري

خبطته على كتفه : يا سلااااام ‏‎upset‎‏ رمز تعبيري

_ طاب خلاص بالراحه ، قوليلها يا ستي وبقلب جامد كمان ‏‎wink‎‏ رمز تعبيري

_ ييييسسسسسس فليحيا عدنان حامي الديار

_ ههههههههههههه حامي الديار ‏‎confused_rev‎‏ رمز تعبيري ! أه بني عبس وجو أفلام الجاهليه ده يبقى بدأتي تخاريفك يلا يا ماما مش فاضيين ‏‎squint‎‏ رمز تعبيري

_ كده يعني ماشي ‏‎frown‎‏ رمز تعبيري طاب ده الموضوع ده كله عشانك انت وبس تخيل كده معايا يوم الفرح لما تدخل وإنت ماشي كده في النص وعلى يمينك أميره بالفستان الأبيض وعلى شمالك أميره تانيه برده بنفس الفستان كده وإنت ماشي بـ بـ إسمها إيه !!!

_ إيه قصدك فخر مثلاً أو أنفه أو إيه عايزه تقولي إيه ‏‎grin‎‏ رمز تعبيري !

_ بص مش لازم ألاقي كلمه حسني هه حاسس ^^ ؟؟!!

_ هههههههههههههههه أه خلاص حسيت

_ شفت بقى إن أنا قلبي عليك وعاوزه أتجوز أنا واختي في يوم واحد بس عشان تبقى إنت مبسوط إزاي ‏‎frown‎‏ رمز تعبيري

_ يا سلام على الطيبه والبراءه يا سلاااام ، يلا بقى سحبتي الأكسجين إللي في الأوضه

_ كده ماشي ماشي ، أنا هتكرم وأمشي دلوقتي بس بكره تندم يا جميل بكره أتجوز وأسيب البيت وتستمنى بس لحظه كده لأ لحظه إيه فيمتو ثانيه كده أقعدها معاك وأشاكسك ولا هعبرك ساعتها ‏‎tongue‎‏ رمز تعبيري

سالت دموعه وهو مغمض عيونه : صدقتي يا ساره ودلوقتي مش لاقي حتى أقل من الفيمتو ثانيه أشوفك فيها وأقعد معاكي ‏‎cry‎‏ رمز تعبيري لو كنت أعرف إن هيجي اليوم ده ماكنتش سيبتك تخرجي من حضني لحظه ‏‎cry‎‏ رمز تعبيري ‏‎cry‎‏ رمز تعبيري

•••••••●••••••••●••••••••••●•••••••••●••••••••●••••••

لفوا شعر سما وحطولها ماسك على وشها ، بصت لداليا ولاحظت إنها زهقت : دودو ممكن يا حبيبتي لو عاوزه تنزلي تتمشي إنزلي كده كده لسه مطولين وأنا هسترخي شويه عشان تعبانه لحد ما الماسك ده ينشف

وكإنها ما صدقت : ماشي يا سمسم هنزل بس أتمشى شويه عشان ضهري وجعني من القاعده وهجيلك ‏‎heart‎‏ رمز تعبيري

غمضت سما عيونها واسترخت شويه وداليا نزلت تتمشى تحت ، إتمشت شويه وفجأه لمحت عدنان قاعد على كرسي قريب منها ، ماقدرتش تمنع دقات قلبها من سرعتها ولا قدرت تمنع عيونها وملامح وشها من الإبتسام ) ، كشرت فجأه ونهرت نفسها (( إيه إللي بتعمليه ده يا ست داليا هو ده إللي اتفقنا عليه ‏‎upset‎‏ رمز تعبيري ! مش قلنا نشيل الحاجات دي من دماغنا وبعدين ماينفعش تبصيله وتكزي فيه كده استغفر الله العظيم ))
وقبل ماتمشي لمحت دموعه نازله وملامح وشه بتتحول واضح إنه مغمض عيونه وبيعاني أو شايف كابوس ، نسيت نفسها ، مشيت خطوتين ناحيته وبعدين وقفت (( وأنا مالي وأنا يعني هعمله إيه !! طيب يا ترى إيه إللي حصل وضايقه كده ‏‎cry‎‏ رمز تعبيري !!! معقوله يكون هو كمان بيبكي لنفس سبب زعل سما وبكاها !! أكيد عشان ساره ‏‎frown‎‏ رمز تعبيري لإن مامة سما كمان كان باين عليها الزعل إمبارح ‏‎frown‎‏ رمز تعبيري ربنا يرحمها ويجعل مثواها الجنّه ‏‎frown‎‏ رمز تعبيري ))

رجعت مكانها وقبل ما تطلع بصت عليه ومش عارفه تعمل أي حاجه مفيش في إيديها حاجه تعملها ‏‎frown‎‏ رمز تعبيري ومش عارفه تقول لسما تخفف عنه لإن فيها إللي مكفيها !!
طلعت قعدت جنب سما وفضلت تدعيلهم ولسه حاسه بضيق علشانه ‏‎frown‎‏ رمز تعبيري ، خرجت في البلكونه وبصت ناحيته لقت عصام واقف معاه فإتطمنت شويه إنه هيبقى جنبه ويخفف عنه !
~
~
~
جهزت سما وداليا كمان لبست فستانها وخمارها ووقفت تتأمل سما بفرحه : ما شاء الله تبارك الله عليكي ربنا يحفظك ويديم الحب والود بينكم يا حبيبتي

إبتسمت سما : يعني بجد حلو كده ^^ ؟

_قمررر ما شاء الله ربنا يحرسك ^^

_ يا رب وعقبالك يا حبيبتي ‏‎kiki‎‏ رمز تعبيري ‏‎heart‎‏ رمز تعبيري

سمعوا خبط ع الباب ، داليا : شكل العريس وصل ‏‎wink‎‏ رمز تعبيري

فتحت الباب وإرتبكت لما لقت عدنان واقف قصادها ، وشها إحمر وبصت في الأرض ^^

وهو أول ما اتفتح الباب وشافها قصاده اتمنى في اللحظه دي لو كانت حلاله عشان يضمها ، لفت إنتباهه أناقتها وفي نفس الوقت ماهماش فرح ولا حفله وفضلت محافظه على إحتشامها و إحترامها ^^ ، ابتسم لما اتكسفت وبصت في الارض ، إتنحنح وسأل : هي سما خلصت ؟؟

_أيوه ^^

_طيب قوليلها تستعد عشان عمي واقف في انتظارها يعني والحفله هتبدأ تحت

_ حاضر هي خلاص جاهزه ومنتظره

دخلت داليا وهي بتفرك إيديها من التوتر : باباكي منتظر بره يا سما يلا

نزلتلها داليا الطرحه على وشها ، خرجت لقت ابوها واقف عند الباب مبتسم وعيونه مدمعه وواقف جنبه عدنان

طبع ابوها قبله على جبينها ومسكها من ايديها عشان يسلمها لعريسها مشيت معاه خطوتين ورجعت بصت لعدنان : مش هتسلمني لعريسي مع بابا يا عدنان :")) ؟؟

إبتسم وعيونه لمعت ، مشي جنبها وهي حاضنه دراع أبوها والفرحه مش سيعاها وعدنان ماشي جنبها ، سمع في ودانه همسها

(( تخيل كده معايا يوم الفرح لما تدخل وإنت ماشي كده في النص وعلى يمينك أميره بالفستان الأبيض وعلى شمالك أميره تانيه برده بنفس الفستان كده وإنت ماشي بـ بـ إسمها إيه !!!

_ إيه قصدك فخر مثلاً أو أنفه أو إيه عايزه تقولي إيه ‏‎grin‎‏ رمز تعبيري !

_ بص مش لازم ألاقي كلمه حسني هه حاسس ^^ ؟؟!!

_ هههههههههههههههه أه خلاص حسيت

_ شفت بقى إن أنا قلبي عليك وعاوزه أتجوز أنا واختي في يوم واحد بس عشان تبقى إنت مبسوط إزاي ‏‎frown‎‏ رمز تعبيري ))

همس : كان نفسي أوي أبقى مبسوط إنهارده وباصص بفخر يا ساره مش عيني وقلبي مكسورين على فراقك :'))

بص على يمينه يمكن يلاقيها ماشيه جنبه أميره بفستانها الأبيض لكن للأسف لقى فراغ وفجأه مشيت داليا على يمينه بمسافه فإبتسم ومسح عيونه قبل ما دموعه تنزل :")) ♡
.
.
نزلوا و سما حاضنه دراع ابوها وعدنان ماشي جنبها وداليا وراها ماسكه طرف الفستان وعصام واقف في آخر السلم وماسك بوكيه ورد ، بيبصلها وعيونه مدمعه ، بيشتم في إللي عمل السلم طويل أوي كده مش قادر يصبر لحد ما ينزلوا وتبقى حاضنه دراعه هو حضن بيحمل كل المعاني واهمها انه هيبقى ابوها واخوها وكل ما ليها وسندها في الدنيا دي :")) ♡
واخييررا نزلوا من ع السلم واول ما ابوها وعدنان سلموهاله رفع الطرحه من على وشها ، طبع قبله على جبينها ولقى نفسه بيضمها نسي كل الناس إللي حوليه ، ضمها بقوه ومش مصدق ان انهارده أخيرا يوم فرحهم :"))
فضلوا اصحابه يصفروا والكل بيصقف وعدنان باصللهم وبيضحك بفرحه عشانهم :')) لا إرادياً بص على داليا ولقاها ضامه إيديها وبتضحك والفرحه باينه على وشها وبكل تلقائيه برده عنيها دورت عليه وأول ما جت في عنيه بصوا في الأرض ^^ في اللحظه دي قرر مش هيستنى أكتر من كده ، إنهارده هيعترفلها بكل حاجه ويقولها كل إللي مخبيه عنها ويطلب إيديها للزواج ، بدأت الحفله ، وداليا صدعت شويه من الدوشه فخرجت بره القاعه ، واقفه في مكان هادي وعدنان بيدور عليها جوه عشان يعترفلها ويرتاح بقى مابقاش قادر يستنى أكتر من كده

مالقهاش في القاعه ولمحها واقفه بره ، راح ناحيتها ووقف فجأه (( إنت فاكر الموضوع بسهوله كده يا عدنان !! ولما تصدمها بالحقيقه إللي مخبيها عنها يا ترى هتتقبلها وتتقبلك على كده !!! طيب وهي ذنبها إيه ؟!! هي أكيد تستاهل الأحسن مني ألف مره ، لكن إللي متأكد منه إن محدش هيبقى زيي في الدنيا دي ! طيب أقولها إني عاوز أتجوزها ولو وافقت أحكيلها ؟! لأ من حقها تعرف قبل ما تاخد قرارها ، صدقني يا عدنان مش ده الوقت المناسب ( )) إتنهد بحرقه ورجع عن قراره ، لف تاني ودخل القاعه لكن روحه لسه واقفه هناك ضامه روحها

وصلوا لآخر فقره في الفرح ، وقفت العروسه بضهرها ومسكت البوكيه وإترصوا بنات الفرح وراها منتظرين ترمي البوكيه ، بصت سما وراها مالقتش داليا واقفه وسط البنات لقتها واقفه على جنب وبتتابعهم مبتسمه ، بصت قدامها وإستنت لما خلص العد التنازلي
5
4
3
2
1
0000 إستعدوا البنات ولكنها مارمتش البوكيه ، لفت وراحت لداليا والكل مستغرب وقصادها وإدتلها البوكيه هديه ، وداليا واقفه مذهوله ، أخدت منها البوكيه وحضنتها وعدنان واقف بيبصلهم ومبتسم :')) ...
~
~
~
خلص الفرح وودعوا العروسين ،مشيوا المعازيم وفضلت داليا واقفه مع أمها بتطبطب عليها وتواسيها جه عدنان ضمها وفضل يشاكسها لحد ما ضحكت ، حوطها زوجها بدراعه وأخدها ع العربيه ، بص عدنان لداليا : إنتي هتروحي إزاي ؟؟

_ إتصلت بخالو وهو أهه جاي في الطريق

_ طيب تمام هستناه معاكي لحد ما يجي

_ لأ ما تتعبش نفسك أكيد مجهد من ترتيبات الفرح تقدر تروّح وأنا هستنى هو أكيد قرب يوصل

_ ماطلبتش رأيك على فكره ولا بعزم عزومة مركبيه أمر غير قابل للنقاش -_-

إبتسمت : خلاص إللي يريحك قصدي إللي يريح حضرتك يعني ^^

_ إدخلي أقعدي في العربيه لحد ما يجي وأنا هشم شوية هوا هنا

_ لأ أنا مش عاوزه أقعد مرتاحه كده )

باصه في الأرض وبتقاوم نفسها من إنها تبصله

فجأه كسر حاجز الصمت : تعرفي يا داليا إنك بتفكريني بأغلى إنسانه عندي أو نقول أغلى إتنين عندي واحده أمي والتانيه

داليا : ساره مش كده ؟!

إلتفتله : أيوه ) عرفتي منين ؟

_ سما حكتلي عنها وكانت كل شويه تقولي إنتي فيكي كتير أوي من أختي التوأم ساره بس واضح إنها كانت غاليه عند الكل ومحبوبه

_ كانت عباره عن براءه وطيبه ونور ماشي ع الأرض هي إللي خلتني أقتنع إن الموت بيختار الطيبين لإن الدنيا دي ما تستاهلش ناس زيهم يعيشوا فيها :'))

_ واضح إنها كانت غاليه عندك جداً ( ومن جواها شكت إنه كان بينه وبين ساره دي حاجه ))

_ كانت أغلى عندي من نفسي ماكنتش مجرد أختي وبس كانت أختي وأمي وأعز أصحابي

_ (( أخته ؟! أمال سما بتقول أختها التوأم إزاي أنا مش فاهمه حاجه ؟! مش وقت تسألي يا داليا )) ربنا يرحمها هي ومامتك ويجعل مثواهم الجنه

_ يا رب

_ أهه خالو وصل هناك أهه

وقف ناصر عندهم بالعربيه ، نزل سلم على عدنان وشكره وداليا كمان شكرته ، ركبت مع خالها ورجعوا ع البيت .....

•••••••●••••••••●••••••••••●•••••••••●••••••••●••••••

رزان تصرفاتها زادت عن الحد مع عمرو ، كل مره بيصدها بشياكه وأكتر حاجه عجباه في الموضوع هي غيرة مريم وإحساسه إنها لسه جواها مشاعر ناحيته ، غير إنه مبسوط إنها قربت تناقش رسالتها وبعدها يقدر يتقدملها براحته زي ما طلبت منه داليا ، كانوا كلهم قاعدين في جنينة البيت ، جابت رزان الكوره وعاوزه عمرو يلعب معاها ومريم عملت نفسها مندمجه في قراية كتاب لكن تركيزها كله معاهم ، إعتذرلها بحجة إنه مرهق فخبطته على كتفه بهزار ، وإتحايلت على مارثا فقامت تلعب معاها

مريم وهي ماسكه الكتاب : قلة أدب ومياعه >.<

_ نعم ؟! بتقولي حاجه !

_ لأ أبداً :/ ولا لأ ليه بقول قلة أدب >.<

_ نسيتي ومياعه

_ ماحضرتك سمعت أهه بتسأل ليه -_- !

_ أصل مستغرب يعني فجأه كده يا ترى تقصدي إيه !

_ لأ أصلي بستغرب من تصرفات بنات وشباب اليومين دول ، واحده تهزر وتضحك مع واحد وهو يهزر ويضحك معاها عادي ، تقوله نلعب كوره ولما يقول لأ تخبطه على كتفه عادي جداً ولا كإن في حاجه حصلت !!

_ تقصدي رزان وأنا صح ؟!

_ رزان وإنت ! جميل أوي ولاّ حضرتك تقريباً شايفها تصرفات عاديه !!

ضحك : وهو حضرتك يعني يا دكتوره متضايقه أوي كده ليه !!

_ متضايقه !!! ومين قال إني متضايقه كل واحد حر في تصرفاته عاااادي جداااا

_ أه عندك حق كل واحد حر في تصرفاته ، بعد إذنك بقى عشان انا اتشجعت أقوم ألعب معاهم كوره تحبي تلعبي معانا ؟؟

_ لا ميرسي أنا أصلاً طالعه أنام >.<

أخدت كتابها بعصبيه ومشيت ناحية البيت ، بصت عليه وهو واقف عندهم وبصت على حنفية المايه ، حطت الكتاب ، فتحتها ومسكت الخرطوم ، هو واقف عندهم ماكنش هيلعب معاهم بس حب يستفزها شويه وفجأه حس بدوش مايه ساقع في ضهره ، بص وراه ولقى مريم واقفه بخرطوم المايه : أسفه يا دكتور كنت هسقى الزرع والمايه جت على حضرتك من غير قصدي 3:)

ضحك : كل ده ومن غير قصدك !!! عموماً مفيش مشكله كده كده كنت حرّان صراحه بسيطه هطلع أغير وأنزل أكمل لعب !

رمت الخرطوم بعصبيه ، قفلت الحنفيه وطلعت على أوضتها ، كلمت داليا

_ مالك حساكي متعصبه كده !!

_ لأ مش متعصبه >.< لأ متعصبه بقى >.< وأصلاً دي تصرفات مراهقين إللي بيعملوه ده وقلة أدب >.<

_ يا ستير يا رب إنتي سخنه يا حبيبتي هم مين دول !!!

حكتلها ع إللي حصل إنهارده وتصرفات رزان ، فضحكت داليا : طيب إنتي دلوقتي متعصبه ليه !! مش قولتي مش فارق معاكي عمرو ولا بتفكري فيه ؟!!

_ أنا مش عشان عمرو وفعلاً مش فارق معايا بس عيب مايصحش التصرفات دي وأصلاً يستاهل أحسن غرقته بالمايه >.<

_ هههههههه إرتحتي كده يعني إنتي !!

_ أيوه وأصلاً بصي أنا مش هفكر في الكلام الفارغ ده أنا واحده عندها مناقشة رسالة الدكتوراه بعد شهر مش فاضيه للتفاهات دي >.<

_ طيب أحسن برده فعلاً ركزي في دراستك ماتركزيش مع عمرو إللي مش فارق معاكي أصلاً ولا بتفكري فيه

_ أيوه مش بفكر فيه ولا مركزه مع حد مش مصدقاني !!

_ أنا لأ طبعاً مصدقاكـِ~ يا حبيبتي

_ طيب يا داليا سلام بقى عشان أروح أتخمد

_ بالراحه على نفسك شويه طيب

قفلت مع داليا ولسه الموضوع شاغل بالها ، زفرت بضيق وحطت مخده على راسها عشان تكتم أنفاس الدوشه إللي جواها ، حاولت تفرغ دماغها من التفكير في أي حاجه لحد ما استسلمت للنوم ......

•••••••●••••••••●••••••••••●•••••••••●••••••••●••••••

أحمد راح لأم تقى عشان يكشف عليها ويتطمن على حالتها الصحيه ، خبّط ع الباب وأول ما إتفتح الباب إستغرب !

_ السلام عليكم ، مش ده بيت الحاجه أم تقى ؟؟

_ وعليكم السلام أيوه يا دكتور إتفضل حضرتك ماما في إنتظارك جوه

ده صوت تقى وكمان بتقول يا دكتور يعني تعرفه وبتقول ماما ، بس إللي واقفه قصاده دي منتقبه ، (( معقوله تقى لبست نقاب :O !! ))

دخل سلم على أمها وتقى قدمتلهم الشاي ودخلت على أوضتها على طول كالعاده

_ شفت إللي عملته يا دكتور ! هتجنني تقى

_ هي دي تقى فعلاً مش كده ؟!

_ أيوه فضلت تعيطلي يا ماما عاوزه ألبس النقاب عشان خاطري لحد ما سبتها بقى تعمل إللي في دماغها وخلاص

إبتسم أحمد : كده أحسن والله يا حاجه ربنا يحميها ويثبتها

عقبت أمها بتلميح : ويرزقها بزوج صالح وابن حلال زيك كده يا ابني ياااا رب

_ اللهم آمين ) وفي سره بيقول (( مش هتكون غير ليا بإذن الله ))

كشف على أمها وروح وهو مبسوط جداً من وقت ما شاف تقى ، كان بيغير عليها من مجرد إن أي حد يشوفها في الشارع ، إبتسم وفضل يدعي يا رب إن كانت خير لي وأنا خير لها فأعنّي وأرزقني واجمعنا في حلالك عاجلاً غير آجل :'))

•••••••●••••••••●••••••••••●•••••••••●••••••••●••••••

عدنان كان بيتكلم في الموبايل ، قفل وإتصل بداليا تجيله المكتب حالاً

_ أيوه يا فندم خير ؟

_ داليا جهزي نفسك عشان هنسافر بكره الصبح إن شاء الله كاليفورنيا هروح أخلص الصفقه بنفسي

_ مش حضرتك قلت هتنتظر لما مستر عصام يرجع من شهر العسل ؟!

_ أولاً مش هنقدر ننتظر أكتر من كده الناس مش صابرين ودي صفقه مهمه جداً يا داليا وثانياً وده الأهم حتى لو أجلناها مش عاوز عصام أول ما يرجع كده يتمرمط في الشغل

_ تمام يا فندم

_ تقدري تروحي من دلوقتي عشان تجهزي نفسك وأنا هقول لصفوت يجهز نفسه

_ تمام يا فندم بعد إذن حضرتك

_ إتفضلي

أخدت شنطتها ونزلت ، قابلت مريم تحت

_ على وين العزم ؟؟

_ مسافرين بكره إن شاء الله كاليفورنيا ومستر عدنان طلب مني أروح بدري عشان أجهز وكده

_ هتطولي طيب ؟

_ لأ هو بالضبط يومين ، إن كان عليا مش عاوزه أسافر أصلاً بس مضطره الله المستعان

_ ربنا يعينك يا قلبي وماتتأخريش عليا يا دولّي

_ حاضر يا حبيبتي مع السلامه

_ مع السلامه

روحت جهزت نفسها ، خلصت شوية شغل وبعدين نامت
.
.
.
والصبح وصلها خالها للشغل ومشي معاهم بالعربيه للمطار ، ركبوا طيارتهم ومن وقت ما وصلوا وداليا حاسه عدنان مش طبيعي !!
خلّصوا الصفقه في نفس اليوم وصفوت إستأذن يزور حد من قرايبه قريب من المكان وبعدها هيرجع لندن مع قريبه وعدنان سمحله ، رجعوا الفندق ، دخلت داليا أوضتها وحاولت تسترخي عشان تعرف تنام لإن اليوم كان مرهق جداً ، أول ما حطت راسها ع المخده من التعب نامت ، مالحقتش تنام ولقت الموبايل بيرن ، إتناولت وبصت فيه بعين واحده لقت عدنان ، إستغربت وردت عليه : أيوه يا فندم ؟!

رد بصوت ضعيف : إلحقيني يا دالياااا !

وإنتهت حلقتنا هنا إنهارده ، إنتظرونا بعد بكره إن شاء الله في حلقه مليئه بالمفاجآت

لـ #ندا_سليمان