الحلقة ʚϊɞ ʚϊɞ •.¸(19)¸.• ʚϊɞ ʚϊɞ

[img][/img]


ʚϊɞ ʚϊɞ •.¸(19)¸.• ʚϊɞ ʚϊɞ

وقفنا الحلقة إللي فاتت عند أما
رجع عدنان الشركه وقبل ما يدخل مكتبه ، راح مكتبها ومالقهاش فيه ، سأل صفوت عنها فقاله إنها جت إمبارح ، سألت عنه وماكنش موجود ، دخل مكتبه ، طلب قهوه وبدأ يشتغل أو حاول يشتغل لكن ذهنه مشتت ومش قادر يركز في أي حاجه ‏‎frown‎‏ رمز تعبيري دخل صفوت
_ آسف للإزعاج يا فندم في واحده بقالها يومين بتسأل عن حضرتك ومُصره تقابلك !

_ مش عاوز أقابل حد دلوقتي ! حتى داليا لو جت ماتدخلهاش

خرج صفوت ورجعله تاني : يا فندم رافضه تمشي ومصممه تقابل حضرتك في أمر عاجل

_ يوووووه قلت مش عاوز أشوف حد ‏‎upset‎‏ رمز تعبيري

_ طيب ممكن أدخلها لحضرتك وتقولها بنفسك لإنها ع الحال ده من يومين

_ إسمها إيه ؟!!!!

_ بتقول إسمها نِهال !

_نهال!!! ماقالتش عاوزه إيه ؟!

_لأ بس مُصره تقابل حضرتك لأمر هام جداً

_طيب خليها تتفضل

دخلت نهال و أول ما لمحها إفتكر إنه شافها مع داليا ، وإفتكر كمان إسمها يوم ما داليا كانت بتكلمها في المستشفى ، قعد على كرسي مكتبه ، خبّط بضوافره على المكتب ونهال واقفه قصاده

_دكتوره نهال صاحبة داليا

رد من غير مايبصلها : غنيه عن التعريف مش حضرتك برده إللي كانت بتشرحلك أد إيه مشفقه عليا ‏‎unsure‎‏ رمز تعبيري !!

_حضرتك فاهم الأمور غلط

_غلط أو صح مش هتفرق بالنسبه ليا ولا داليا كمان رأيها يفرق معايا

_ولما هي مش هتفرق صدر منك رد الفعل ده ليه ) !!

_والله ده شيء مايخصش حضرتك ‏‎squint‎‏ رمز تعبيري خير أقدر أخدمك بإيه بس ياريت بسرعه لإن زي ماحضرتك شايفه كده مشغول ومش فاضي لأي حاجه !

_أقدر أقعد !!

_إتفضلي ‏‎unsure‎‏ رمز تعبيري

_ ممكن تقولي سمعت إيه بالضبط من داليا عشان تظلمها كده ؟؟!

_أظن قلت لحضرتك ده شيء مايخصكيش ‏‎squint‎‏ رمز تعبيري

_ﻷ يخصني عشان داليا تخصني

_طيب وأنا دخلي إيه !!

_ أستاذ عدنان لو سمحت ياريت تتخلى عن أسلوب اللامبالاه ده لأقل من ساعه وأنا مش هعطلك كتير

_ما أنا بقول لحضرتك إتفضلي قولي جايه ليه عشان مانضيعش وقت بعض

_ جايه عشان داليا

_أمممم يبقى حضرتك في المكان الغلط داليا كانت الـ assistant بتاعتي ومكتبها ماكنش هنا

_أمممم متأكد إنها كانت بالنسبه ليك مجرد الـ assistant بتاعتك وبس !!!

_بحذرك لآخر مره هسمحلك تسألي و تتدخلي في أمور لا تعنيكي ‏‎upset‎‏ رمز تعبيري

_ مادامت داليا طرف في الموضوع يبقى الأمر يعنيني

_ إنتـ

قاطعته : بص يا أستاذ عدنان أكاد أكون متأكده إن حضرتك سمعت مكالمتي أنا وداليا لكن سمعت غلط

_قولـ ‏‎upset‎‏ رمز تعبيري

قاطعته مره تانيه : لو سمحت إسمعني للآخر ، أنا دكتوره نفسيه فيه مرضى بيكلموني في أوقات خارج مواعيد العياده فطبيعي أنزل برنامج لتسجيل المكالمات عشان أقل كلمه بيقولها المريض بتكون مهمه وتساعدني في العلاج وماكنتش أعرف إن البرنامج ده هيكون سبب في تبرئة داليا عشان بجد داليا ماتستحقش منك كده ، داليا إتظلمت في حياتها كتير أوي

بدأ يسمعها بإهتمام مش عارف ليه يمكن لإن من جواه هو كمان عاوز يبرأ داليا !

_ داليا لما كلمتني كانت زعلانه علشانك إنت ، سألتها مشاعرها دي شفقه او تعاطف ولا لأ وقالت ﻷ

_ وهي داليا إتضايقت عشاني ليه !!!

_ أظن السؤال ده حضرتك عارف إجابته كويس جداً وحتى لو مش عارفها مش هدفي إللي جيت عشانه إني أعرفك هدفي هو إنك تعرف الحقيقه وبس !

طلعت الموبايل ، فتحت البرنامج ، جابت مكالمة داليا وقدمتها لحد آخر دقيقتين ، شغلت وسمعته الحوار في الدقيقتين دول ، بيسمع وهو مصدوم ‏‎gasp‎‏ رمز تعبيري وفي نفس الوقت قلبه حاسس بالفرحه من كلام داليا عنه وحاسس بفرحه أكتر إنها طلعت مختلفه وقلبه المره دي إختار صح ) ~

بعد ما خلص التسجيل : أظن أنا كده عملت إللي عليا ولو حضرتك مُصر بعد إللي سمعته تظلم داليا يبقى أعذرني إنت كده إنسان ظالم !

_ أ أنا متشكر لحضرتك

_ أنا إللي بشكرك إنك ضيعت وقتك لكن كان الأمر يستحق وأنا طبعاً ماقلتش لداليا إني هاجي لحضرتك لذلك أرجو إن داليا ماتعرفش أي حاجه عن المقابله دي

_ إطمني مش هقولها ، طيب أقدر أسأل حضرتك سؤال ؟

_ إتفضل !

_ هو يعني هي داليا لو طلبت منها الزواج تفتكري ممكن توافق !!

إبتسمت نِهال : والله أمر زي ده مش في إيدي ولا المفترض تسألني أنا ، داليا هي إللي المفروض حضرتك تتكلم معاها في الموضوع ده وإللي فيه الخير يقدمه ربنا )

_ متشكر مره تانيه

_ العفو ، بعد إذن حضرتك ^^

_ إتفضلي ، فرصه سعيده يا دكتور

_ أنا أسعد ^^ مع السلامه

_ مع السلامه

بعد ما خرجت نِهال عدنان تنفس الصعداء ‏‎kiki‎‏ رمز تعبيري فرح لدرجه خلّت عيونه تدمع ، حاسس إنه قريب من تحقيق حلمه بإنه يفوز بداليا :')) ، لام نفسه على الأسلوب إللي كلمها بيه وعصبيته ومش عارف يعمل إيه عشان يصلّح الحماقه إللي إرتكبها في حقها في ساعة غضب ‏‎frown‎‏ رمز تعبيري !!
أكيد فيه طريقه وأكيد هيلاقيها بس المهم مايخسرش داليا ولا يضيع لحظه زياده وهي بعيده عنه ، قرر هيقولها إللي كان مانعه خلاص داليا عرفته ومتقبلاه يبقى فيه إيه تاني يمنعه من إنه يتجوزها ويعيش معاها الباقي من عمره !!
خرّجه من شروده دخول صفوت : مستر عدنان داليا بره قولتلها إن حضرتك مش حابب تقابل حد دلوقتي بس هي مصممه تقابل حضرتك

_ دخّلها حالاً )

دخلت داليا باصه في الأرض وواضح الحزن على ملامحها ، حاسس بفرحه إنه شايفها قدامه ‏‎heart‎‏ رمز تعبيري وندم على إنه كان السبب في الحزن ده ‏‎frown‎‏ رمز تعبيري حطت ورقه على مكتبه ووقفت

_ إيه دي ؟!

_ إستقالتي إللي حضرتك طلبت مني أقدمها ‏‎frown‎‏ رمز تعبيري

•••••••●••••••••●••••••••••●•••••••••●••••••••●••••••

كشف على آخر حاله ، رجّع ضهره لورا وحاول يسترخي من التعب ، رن موبايله ولقاها أم تقى

_ السلام عليكم

_ وعليكم السلام إزيك يا ابني عامل إيه ؟؟

_ الحمدلله يا أمي بخير وحضرتك ؟

_ الحمدلله في نعمه وفضل ، بس يعني كنت عاوزه أشوفك

_ خير فيه حاجه ؟؟

_ كل خير إن شاء الله معلش لما تخلص شغلك بس عدّي عليا

_ حاضر أنا خلّصت أهه هشوف بس لو مش عاوزين حاجه تاني في المستشفى يبقى ساعه بالكتير إن شاء الله وهكون عندك

_ مستنياك إن شاء الله
.
.
خلّص شغله وراح على بيتهم ، إستغرب إن أم تقى هي إللي فتحتله ، قلبه سأل عنها وكإن أمها سمعت سؤاله فردت عليه : أنا بفتحلك أصل تقى رجعت من الجامعه تعبانه ودخلت تنام شويه

_ أه ربنا يعينها ‏‎smile‎‏ رمز تعبيري

قعد على كرسي في الصاله

_ لأ معلش تعالى في الصالون جوه عشان لو تقى صحيت عاوزه أكلمك في موضوع يعني مش عوزاها تعرفه

قام أحمد وهو مستغرب : حاضر إللي يريح حضرتك )

قعد قصادها وهي مش عارفه تبدأ منين ، لاحظ إنها بتفرك إيديها من التوتر

_ خير يا أمي أنا كده قلقت حصل حاجه ؟؟؟!!

_ لأ ما تخافش بس بصي يعني إنت زي ابني صح ‏‎frown‎‏ رمز تعبيري

_ صح ‏‎smile‎‏ رمز تعبيري

_ بص يا أحمد يا ابني إسمعني للآخر وماتردش عليا دلوقتي خالص

_ حاضر ‏‎smile‎‏ رمز تعبيري

_ تقى دي تبقى بنت إبني ، أمها ماتت وهي بتولدها ومن بعد ما ماتت وإخوالها إتخانقوا مع أبوها ومحدش بقى بيسأل فيها من يوم ما جدتها أم أمها ماتت غير فين وفين لما خال من خوالها يتكرم ويسأل لو شافها صدفه كده ولا جمعتهم مناسبه ، أبوها الله يرحمه تعب في تربيتها وأنا معاه من لما وعيت ع الدنيا ماشفتش قصادها أم غيري عشان كده بتقولي يا ماما ، ولما بقت في الثانويه أبوها عمل حادثه ومات الله يرحمه ‏‎cry‎‏ رمز تعبيري ‏‎cry‎‏ رمز تعبيري

_ ربنا يرحمه ويجعل مثواه الجنّه ‏‎frown‎‏ رمز تعبيري

_ يا رب ، المهم أنا من بعد ما ابني الوحيد مات بقت صحتي على أدي وإللي قومني من مرضي هي تقى عشان ملهاش حد غيري في الدنيا عافرت مع المرض وربنا أراد أفضل عايشه لدلوقتي معاها أسندها لكن أنا مش دايمه معاها طول العمر يا ابني أنا خلاص صحتي مابقتش مستحمله وشكلها آخر أيامي

_ ربنا يبارك في عمر حضرتك ‏‎frown‎‏ رمز تعبيري

_ ويبارك فيك يا رب ، المهم إن بسلامته خالها جاي يفتكرها دلوقتي وطالبها لإبنه بس مش عشانها عشان القرشين إللي أبوها شايلهملها حتى دول طمعانيين فيهم ومستكترينهم ع اليتيمه الغلبانه دي ‏‎cry‎‏ رمز تعبيري ، أنا حكيتلك كل ده عشان تبقى في الصوره يعني وصراحه مش عارفه أقولك إيه أنا مكسوفه منك أوي ‏‎frown‎‏ رمز تعبيري

_ خير يا أمي في إيه ؟؟!!

_ تتجوز تقى يا أحمد ؟؟ المثل بيقول أخطب لبنتك ولا تخطبش لإبنك أنا مش هعرف أستأمن عليها راجل غيرك وأسيب الدنيا وأنا متطمنه عليها ، إتجوزها يا ابني ربنا يصلحهالك وماتخافش والله زينة البنات وغلبانه وطيبه أوي هتشيلك إنت وأهلك في عنيها
.
.
صحيت من نومها وراحت تطمن على جدتها ، وسمعت صوت أحمد فوقفت على جنب وقبل ما تروح أوضتها سمعت جدتها بتتكلم عنها فوقفت وسمعت كل كلامها ، صعبت عليها نفسها أوي ‏‎cry‎‏ رمز تعبيري ، جريت على أوضتها وإتفتحت في العياط وهي حاسه إن جدتها رخصتها وداست على كرامتها ‏‎cry‎‏ رمز تعبيري
.
.
_ قلت إيه يا ابني ؟

أحمد بفرحه ^^ : والله يا أمي أنا مش هلاقي إنسانه أفضل من تقى تشاركني حياتي كنت عاوز آجي أتقدملها حتى إسألي أختي داليا لكن أخرت الطلب ده لإني لسه ماكونتش نفسي هاجي أطلبها وأقولك إيه بس !

_ وإحنا بنشتري راجل ومش طالبين منك غير إنك تصونها وتتقي الله فيها

إبتسم أحمد ‏‎smile‎‏ رمز تعبيري : يبقى ربنا يقدملنا إللي فيه الخير ، إنهارده إن شاء الله هقول لأهلي وأتصل بحضرتك نحدد ميعاد نيجي فيه نتقدم أنا وأهلي

سالت دموع الفرحه من عيونها ‏‎cry‎‏ رمز تعبيري : ربنا يسعدك ويستر عرضك دنيا وآخره يا رب ‏‎cry‎‏ رمز تعبيري
.
.
رجع بيتهم والفرحه مش سيعاه ، أول ما دخل لقى أمه قاعده هي وأبوه وهنادي وعادل في الصاله بيسمعوا مسرحية ، كان هينده لأمه ويقولها في الأوضه لكن فكر يكلم داليا الأول ويحكيلها ع إللي حصل عشان تقوله يتصرف إزاي !!
سلم عليهم ودخل أوضته ، مسك موبايله وطلب داليا ....

•••••••●••••••••●••••••••••●•••••••••●••••••••●••••••

_ إيه دي ؟!

_ إستقالتي إللي حضرتك طلبت مني أقدمها ‏‎frown‎‏ رمز تعبيري

_ إستقاله مرفوضه

إلتفتتله : نعم ؟! مش فاهمه قصد حضرتك ‏‎gasp‎‏ رمز تعبيري !!

_ يعني تتفضلي على مكتبك لإن ورانا شغل كتير

_ كده بسهوله ولا كإن حصلت حاجه !!!

_ هو حصل حاجه ؟!

_ لا والله ‏‎gasp‎‏ رمز تعبيري !! لو حضرتك بتنسى بسرعه فأنا ما بنساش ويهمني أدافع عن نفسي وده الحق إللي للأسف حضرتك دايماً حارمني منه لكن دلوقتي أنا مش هتحرك من هنا غير لما أوضحلك الأمور وأدافع عن حقي ‏‎upset‎‏ رمز تعبيري

_ وأنا عارف إني ظلمتك بجد أنا أسف ‏‎frown‎‏ رمز تعبيري

_ آسف !!!! بعد كل إللي عملته وبتقول آسف !!! هو إنت ليه دايماً كده ‏‎upset‎‏ رمز تعبيري !

_ داليا ‏‎frown‎‏ رمز تعبيري أنا عارف إني قسيت عليكي وكنت ظالم في حكمي بس أرجوكي حطي نفسك مكاني أنا عشت طول عمري مخبي الأمر ده عن كل الناس ، حتى محدش هنا في الشركه يعرفه ولا أي حد من معارفي محدش يعرف غير عمي ومراة عمي وسما وعصام ، لما عرفتي بجد كان يهمني أعرف رد فعلك وموقفك عشان هيترتب عليه أمر مهم جداً في حياتي ، أنا مش لاقي كلام أقوله وقبل ما تدخلي كنت برتب هقولك إيه عشان أعتذر معرفتش لإني فعلاً غلطان ‏‎frown‎‏ رمز تعبيري داليا أنا كنت ومازلت بخاف ، حتى أقرب الناس ليا ماكنتش بقلع الأطراف قصادهم أبداً كنت بخاف ألمح في عيونهم نظرة شفقه ‏‎frown‎‏ رمز تعبيري

قاطعته داليا وهي منفعله و ردت ودموعها على وشك النزول : ليه تخاف ؟! ليه هه ؟ عارف ! إحنا إللي بنسمح للناس تشفق علينا وإحنا إللي بنسمحلهم يحسوا بضعفنا ويحسوا إن فينا عيب ، إحنا محدش غيرنا ، لإننا بنفقد ثقتنا بنفسنا ونحس بالنقص فنحسس إللي قصادنا بنفس إحساسنا ونرجع نلومهم ! إنت معندكش عيب يا عدنان عقول كتير في مجتمعنا هي إللي فيها العيب ، عقول مريضه مستنيه اللحظه إللي تشوف فيها ضعفنا فتبدأ تستغله وتدوس على وجعنا ‏‎cry‎‏ رمز تعبيري

_ عندك حق ‏‎frown‎‏ رمز تعبيري ، أنا آسف أرجوكي يا داليا تقبلي أسفي أنا بجد مش لاقي كلام أقوله

_ أنا مش زعلانه منك أد ما أنا زعلانه على ظلمك لنفسك ، ولله العظيم ماقلت حاجه وحشه في حقك ولا قلت إني مشفقه عليك أنا

قاطعها : والله عارف أرجوكي سامحيني ع إللي عملته والله ماكنت في وعيي

_ :'( :'(

_ داليا !!!

مسحت دموعها : لو سمحت ملف الصفقه كامل عند حضرتك لسه ما سجلتش أي حاجه فيه ياريت تديهولي عشان ماينفعش نتأخر أكتر من كده كفايه يومين إتعطلنا فيهم >.<

إبتسم بفرح من جملتها إللي بتقوله فيها قبلت إعتذارك ^_^ ، ناولها الورق وقبل ما تخرج ندهلها ، إلتفتت

_ متشكر جداً لتفهمك :'))

إبتسمت من غير كلام ومشيت على مكتبها وهي حاسه بفرحه مش عارفه مصدرها إيه بالضبط مش مهم المهم إنها رجعت وعدنان خلاص مصدقها !

•••••••●••••••••●••••••••••●•••••••••●••••••••●••••••

خلّصت شغلها ورجعت ع البيت كلمت نِهال وعبرتلها عن فرحتها بإللي حصل وإستغرابها من إن عدنان إتحول ومش عارفه إيه إللي غيره فجأه كده !!!
بررتلها نِهال إنه حس بالذنب من ردة فعله معاها وقسوته عليها ، وهي بتكلمها لقت إتصال ع الإنتظار من أحمد ، إفتكرت إنه إتصل بيها إنهارده وهي في إجتماع وماقدرتش ترد ، فقفلت مع نِهال واتصلت بيه ، حكالها عن إللي دار بينه وبين أم تقى فقالتله إن ده أنسب وقت يتقدملها فيه ، طلبت منه يخليها تكلم أمها وأبوها فيديو عشان تشرحلهم كل حاجه وتقنعهم ، وقد كان ، أحمد فتح السكايب وداليا كلمتهم وماقفلتش غير وأبوها وأمها مقتنعين وفرحانين لأحم^_^ ، إتصل أحمد بأم تقى وحدد معاها ميعاد يروح هو وأهله تاني يوم يتقدموا لتقى ، بعد ما قفلت معاه ندهت لتقى وهي فرحانه ، جت من أوضتها وعيونها حمرا من البكا :'(

_ مالك يا حبيبتي ؟؟

_ مفيش يا ماما خير حضرتك كنتي عوزاني ليه ؟!

_ أقعدي يا حبيبتي عاوزه أتكلم معاكي في موضوع مهم

قعدت وهي عارفه إنه وافق على عرض جدتها : خير ؟!

_ في واحد متقدملك وأظن لما تعرفي مين مش هتقولي لأ ^^

_ أه وأقول لأ إزاي وإحنا إللي عرضنا نفسنا عليه ورخصنا نفسنا عشان يقبل مش كده يا ماما >.< ؟!!!

_ إيه إللي بتقوليه ده يا تقى :O !!!

_ إللي سمعته من حضرتك من غير قصد ياماما ، سمعتك وإنتي بكل بساطه بتتحايلي على أحمد يتجوزني وكإني بايره ولا معيوبه ولا حتى رخيصه >.<

_ بس اسكتي كفااايه إيه إللي بتقوليه ده حرام عليكي :'( ماانكرش إني قولتله بس ده مايعبكيش في حاجه ياا بنتي ثم إن هو قالي والله إنه هو إللي كان عاوز يتقدملك بس مستني يكوّن نفسه ، وأهم خلاص جايين هو وأهله بكره إن شاء الله

_ كلميهم وقوليلهم يوفروا جيتهم لإني مش موافقه >.< :'( !!

•••••••●••••••••●••••••••••●•••••••••●••••••••●••••••

باقي أسبوع على يوم ميلاد داليا وعدنان محضرلها مفاجئه ومنتظر اليوم ده بفارغ الصبر مش بس عشان هيقدملها هديه بيحضرهلها بقاله كتير لأ ده كمان ناوي يطلب منها الزواج في نفس اليوم ده ، قرر مش هيضيع الوقت أكتر من كده ، أصبح مقتنع إن داليا قدره وربنا بعتها ليه تعوضه عن كل الوجع إللي شافه في حياته وعشان كده مش ناوي يضيعها من إيديه ^^ ..~
~
~
~
داليا قاعده على أعصابها ومنتظره أحمد يكلمها ويطمنها عملوا إيه عند تقى ؟

زي ما أحمد قاعد هناك على أعصابه لإن بقالهم أكتر من ساعه قاعدين مع جدة تقى وأخو جدتها وتقى مش عاوزه تخرج !!
وأحمد ملاحظ إن الجو متكهرب عندهم فيه حاجه مش طبيعيه ، إستأذنت جدتها ودخلتلها

_ عشان خاطري يا تقى إلبسي وماتكسفيناش قدام الناس وتفضحينا ، ده حتى دكتور أحمد طول عمره ذوق ومحترم معاكي ووقف جنبنا كتير ميستهلش منك كده !

_ وقف جنبنا نردله معروفه بطريقه تانيه غير إننا نرخص نفسنا يا ماما :'(

_ والله مافيها رخص ليكي ده إنتي ست البنات ، قومي عشان خاطري ورحمة أمك وأبوكي عشان خاطري أنا يا تقى وأنا مليش خاطر عندك :'( ؟؟ حرااام عليكي بقى ماتزوديهاش عليا أنا مش هعيشلك طول العمر

جريت عليها وضمتها : ربنا يحفظك ليا يا أمي عشان خاطري ماتقوليش كده تاني أنا مقدرش أعيش من غيرك :'(

_ طاب لو بجد بتحبيبني إطلعي قابلي الناس ووافقي ولو ماعجبكيش في الخطوبه خلاص قوليلي عاوزه أفركش الخطوبه وساعتها والله ما هقولك لأ وهنفذ كلامك من غير ما انطق بحرف ، ريحيني بقى الله يريح قلبك :'(

بصت في الأرض بإستسلام وردت : حاضر يا ماما هغير هدومي وأحصلك
.
.
لبست عبايه وعليها نقابها وخرجت سلمت على أم خديجه وعمران ومابصتش ناحية أحمد

قامت جدتها وخدت خديجه وتقى وأحمد جوه عشان أحمد يشوفها ، وأول ما رفعت النقاب خديجه إنبهرت بجمالها ، أما عن أحمد فلما رفعت نقابها كان حاسس بخجل وباصص في الأرض ، إستجمع قواه وبص في وشها وكإنه إتسحر ! رغم إنه شافها قبل كده كتير بس عمره ما ركز في ملامحها و دلوقتي من حقه يبصلها ، فضل يتأملها وهو مبتسم لكن لاحظ إنها باصه في الأرض وواضح على ملامحها الحزن زي ما تكون كده مغصوبه ع الجوازه ! لما الفكره دي جت على باله كان هيتجنن :O ! إزاي كان دايماً يفكر في إنه هيتقدملها وعمره ما سأل نفسه هي رأيها فيه إيه ؟ ممكن توافق ولا في حد تاني في حياتها ، همس في ودن أمه وبعدها بصت لجدة تقى : بقولك إيه يا حاجه ماتيجي نقعد أنا وإنتي في الصاله مع الرجاله ونسيبهم في الصالون يتكلموا شويه ويتعرفوا على بعض يمكن مكسوفين مننا

ردت تقى بحده : لأ ما تخرجيش يا ماما لو الدكتور عنده ليا أي سؤال يتفضل يسأله دلوقتي قصادكم وأنا مستعده للإجابه

إبتلع ريقه ، مسح العرق من على جبينه بتوتر وبص لجدتها بيحاول يفهم منها أي حاجه ! لكن نظراتها مش مطمنه بتزود شكوكه !
قامت جدة تقى وأخدت خديجه معاها يعملوا شاي للرجاله إللي بره ، خرجوا وسابوا باب الصالون مفتوح قصادهم ، إتنحنح أحمد : آنسه تقى هو فيه حاجه مضيقاكي ؟؟

وهي لسه باصه في الأرض ومكشره : لأ مفيش الحمدلله

_ أمال ليه حاسس إن فيه حاجه مسببالك الضيق يعني !!

_ مفيش

_ طيب هو يعني قوليلي بصراحه ماما غصبتك ع إنك تخرجي أو إنتي مش عوزاني ؟!!

_ لأ محدش غصبني على حاجه

_ أنا بتكلم بجد على فكره مش هزعل لو إنتي مش عوزاني أو حد غصبك قولي

بصتله بعصبيه : قولتلك مفيش حاجه >.<

وفي اللحظه دي عنيها جت في عيونه ، لحظه خلتكل بركان جواها ناره تخمد ، إرتبكت وبصت في الأرض فبص في الأرض وهو مبتسم : طيب حضرتك عندك أي سؤال حابه تسأليه ؟؟!

_ لأ

_ طيب يعني موافقه ؟!

_ لما أصلي استخاره إن شاء الله

دخلت أمه ومعاها جدتها وبعدها أحمد خرج مع الرجاله وساب أمه تقعد معاها عشان يتعرفوا على بعض ، بعد ما مشيوا أحمد كبر جواه إحساس إن فيه حاجه مش طبيعيه فـ تقى وخصوصاً تصرفاتها معاها في الكلام وأسلوبها إللي كل حِده ! أما عن أمه فشايفه إن ربنا رزقه بملاك وبتدعي إنها توافق وربنا يتمم لإبنها على خير
.
.
تقى من وقت ما مشيوا وهي رغم الضيق إللي جواها حاسه بفرحه ، حبت أوي خديجه وكل ما تفتكر لحظة ما عنيها جت في عين أحمد تحس بلخبطه وخدودها تحمر ، إتوضت وصلت إستخاره قبل ما تنام
.
.
مروا يومين وجدتها بتزن على ودانها ، هي صلت إستخاره وحاسه براحه نفسيه بس مش قادره تنسي أبداً إن جدتها هي إللي عرضت على أحمد إنه يتجوزها !
في الأول كانت مقرره ترفض وبالفعل يوم ما اتفقوا يردوا على أحمد قالت لجدتها إنها مش موافقه لكن قلبها رق لحال جدتها لما بكت فوافقت وإتصلوا بأحمد بلغوه بالموافقه ، فرّحوا داليا ، إشتروا الدبل وعملوا حفله عائليه في بيت تقى ، في اليوم ده أحمد ما شفهاش غير مره واحده وكانت بنقابها وأمه لبستها الدبله وبعدها دخلت جوه هي وهنادي وأمه ، كان نفسه أوي داليا تكون معاه في اليوم ده حاسس في غيابها إن فرحته ناقصه

وداليا هناك هتتجنن عشان مش قادره تحضر وتكون معاهم في يوم زي ده :'( إتوضت وفضلت تبكي بين إيدين ربنا عشان يصبرها ويعينها ويفرح قلب كل إللي بتحبهم ...~

•••••••●••••••••●••••••••••●•••••••••●••••••••●••••••

مر أسبوع وجه يوم ميلاد داليا ، أمها من وقت ما صحيت وهي في المطبخ بتعملها تورته وبسبوسه عشان هيحتفلوا بيوم ميلادها ، بتعمل التورته وتغنيلها ودموعها سايله :'( ، نفسها في حضن بنتها ، نفسها تصحى تعمل وياها التورته وتشاكسها في المطبخ زي ما كانت بتعمل من صغرها :'( نفسها في حاجات كتيره أوي ضاعت بغياب داليا (
~
~
~
داليا من وقت ما صحيت وهي حاسه بوجع في قلبها زي كل يوم ميلاد بتفتكر لما كانت في مصر وتصحى في اليوم ده على ريحة الكيك والبسبوسه فتدخل المطبخ وتشاكس أمها وتفضل مستخبيه في حضنها كل يوم ميلاد يمر تتمنى تصحى تلاقي المشهد ده لكن للأسف مش لقياه غير في الأحلام
.
.
عدنان جهز المفاجئه ، وأول ما داليا دخلت الصبح إدالها حاجه متغلفه : كل سنه وإنتي طيبه يا داليا )

_ إيه ده حضرتك عرفت منين ^^ !!

_ إنتي ناسيه إن تاريخ ميلادك مكتوب عندنا ولا إيه !

_ بجد متشكره جداً يا فندم ^^

_ مش هتفتحي هديتك ^_^ ؟

فتحت الهديه وهي مبسوطه جداً وأول ما شافتها ، إتبدلت إبتسامتها ، رجعت فلاش باك وإفتكرت اليوم ده بكل تفاصيله ، بدأت كل الخيوط تتجمع في ذهنها جحظت عينيها :O ، بعد لحظات من الصمت بصتله : ويا ترى بقى أقول شكراً يا مستر عدنان ولاّ يا ريان المصري ؟؟؟!!

وإنتهت حلقتنا هنا إنهارده إنتظرونا الحلقه الجايه بعد بكره إن شاء الله عشان نكمل باقي الأحداث

لـ #ندا_سليمان