منتدى الأديبة ندا سليمان
ســـأكون كما أريد بأذن الله
اسمي: ندا سليمان
مواليد: السويس 1993
مكان اقامتي الان: الأسماعيلية
هوايتي: الكتابة و التصوير
حلمي: ان اكون كاتبة و أديبة
ادرس: كلية التجارة [ قسم انجليزي ] / S.C.U
صفحاتي على موقع الفيسبوك:-
للروايات بعنوان (حكايات على مر الزمان لـ ندا سليمان)
للخواطر بعنوان (ღخــواطر نــدا سليمان ღ)
رسائل بعنوان (No couple before marriage)
معتقداتي الدينية مسلمة وافتخر الحمد لله على نعمة الإسلام وكفى بها نعمة ^__^
اتمنى لكم اقامة سعيده معنا

انضم إلى المنتدى ، فالأمر سريع وسهل

منتدى الأديبة ندا سليمان
ســـأكون كما أريد بأذن الله
اسمي: ندا سليمان
مواليد: السويس 1993
مكان اقامتي الان: الأسماعيلية
هوايتي: الكتابة و التصوير
حلمي: ان اكون كاتبة و أديبة
ادرس: كلية التجارة [ قسم انجليزي ] / S.C.U
صفحاتي على موقع الفيسبوك:-
للروايات بعنوان (حكايات على مر الزمان لـ ندا سليمان)
للخواطر بعنوان (ღخــواطر نــدا سليمان ღ)
رسائل بعنوان (No couple before marriage)
معتقداتي الدينية مسلمة وافتخر الحمد لله على نعمة الإسلام وكفى بها نعمة ^__^
اتمنى لكم اقامة سعيده معنا
منتدى الأديبة ندا سليمان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الحلقة ʚϊɞ ʚϊɞ •.¸(21)¸.• ʚϊɞ ʚϊɞ

اذهب الى الأسفل

الحلقة ʚϊɞ ʚϊɞ •.¸(21)¸.• ʚϊɞ ʚϊɞ Empty الحلقة ʚϊɞ ʚϊɞ •.¸(21)¸.• ʚϊɞ ʚϊɞ

مُساهمة من طرف ندا سليمان الخميس سبتمبر 17, 2015 8:22 pm

[img]الحلقة ʚϊɞ ʚϊɞ •.¸(21)¸.• ʚϊɞ ʚϊɞ 11898910[/img]


ʚϊɞ ʚϊɞ •.¸(21)¸.• ʚϊɞ ʚϊɞ

داليا ماراحتش الشغل تاني يوم ، إتصلت بعدنان وحددت معاه ميعاد تقابله فيه ، خلّص شغله وراح الكافيه إللي اتفقوا عليه وهو متوتر وبيدعي داليا ماترفضهوش ‏‎frown‎‏ رمز تعبيري ، وصل هناك ولقاها في إنتظاره هي وخالها ، سلّم عليه وبعدها ناصر قام وقعد في التربيزه إللي جنبهم

_ خير يا داليا ؟؟

خدت نفس عميق : عدنان إنت حكتلي كل حاجه عن حياتك ، لكن ما تعرفش عني حاجه ولإني معنديش الشجاعه أحكيلك وجهاً لوجه كتبتلك كل حاجه في الظرف ده ، كل حاجه عن حياتي وكل سر مخبياه عنك هتلاقيه هنا بعد ما تشوف إللي في الظرف تقدر تحدد قرارك إذا كنت حابب تكمل معايا أو لأ ‏‎frown‎‏ رمز تعبيري

_ داليا من غير ما أشوف الظرف ده أنا مش عاوز أعرف حاجه وحتى لو عرفت أنا عاوزك كده وبس مش مهم أي حاجه المهم تكوني جنبي

_ لازم تشوف الظرف الأول أظن إللي فيه ممكن يخليك تغير رأيك ‏‎frown‎‏ رمز تعبيري

_ مش فاهم ؟! فيه إيه ؟

_ لما تشوف الظرف هتفهم ، هديلك مهله 3 أيام تفكر فيهم وتقرر براحتك وفي اليوم الرابع بالليل هكون في إنتظارك أنا وخالي ومراته وولاده في المطار ، هنطلع في الطياره إللي رايحه مصر لو كان ردك موافق يبقى هتيجي وهتسافر معانا عشان تقابل أهلي ولو ماجتش هفهم إنك مش مستعد تكمل معايا ‏‎frown‎‏ رمز تعبيري

عدنان : يعني أفهم من كده إنك موافقه ‏‎kiki‎‏ رمز تعبيري ؟؟

_ بعد ما تحدد قرارك هتعرف إذا كنت موافقه ولا لأ ، بعد إذنك Smile)

قامت مع خالها وقبل ما تخرج بصتله وعنيها بترجوه ما يخذلهاش ويخيب أملها لإن معندهاش إستعداد تتكسر مره تانيه :')) ~
~
~
~
رجعت البيت مع خالها ومش قادره تنام من القلق ، خايفه عدنان يرفضها بس قلبها وعقلها بيطمنوها إنه مختلف عن علي ، حساه نوع فريد من الرجاله ، بالإضافه لإنه تعب اوي في حياته وجرب نفس إحساس الرفض مع كاريمان واتقهر منه فمستحيل هيدوقها من نفس الكاس !

خرجها من شرودها صوت الموبايل ، ردت : السلام عليكم ♡ إزيك يا مريوم ؟؟

_وعليكم السلام ، مش عارفه أنام من القلق يا داليا ‏‎frown‎‏ رمز تعبيري

_حبيبتي انتي قويه وقدها وبعدين إنتي الحمدلله مستعده كويس جداً للمناقشه بكره فـ ليه الخوف !!

_ معرفش بقى ‏‎frown‎‏ رمز تعبيري

_ بطلي تقري في الورق بقى كفايه وقفي كل حاجه واسترخي وحاولي تنامي يوم مناقشة رسالتي برده كنت مرعوبه كده بس الحمدلله صليت ركعتين حاجه وربنا طمن قلبي :"))

_ طاب هروح أصلي أنا كمان ربنا يطمن قلبك يا شيخه بس بالله عليكي ما تتأخري بكره

_ إن شاء الله هكون أول واحده في القاعه ‏‎wink‎‏ رمز تعبيري

_ حبيبتي يا دولّي ‏‎kiss‎‏ رمز تعبيري يلا اشوفك بكره بقى إن شاء الله ، مع السلامه

_ مع السلامه ♥️

•••••••●••••••••●••••••••••●•••••••••●••••••••●••••••

قاعده في أوضتها وسامعه صوته بره ، بس مفيش كلام يخص فسخ الخطوبه زي ما أمها قالت !
سمعاه بيهزر ويضحك مع جدها وجدتها ، قامت لبست عبايتها وخمارها وراحت ع المطبخ جهزت عصير وكيك كانت عملاه لما عرفت إنه هيزورهم إنهارده ، سمت الله ، أخدت نفس عميق ،شالت الحاجه ودخلت الصالون ، أحمد ماكنش متوقع إنها هتخرجله إنهارده لأ وكمان بوشها ‏‎gasp‎‏ رمز تعبيري من المفاجئه وقف أول ما شافها ، إبتسمت أمها وإتأكدت إنها بتحب أحمد زي ما كان قلبها حاسس :')) ، حطت الصينيه وقعدت جنب أمها ، جدها بيكلم أحمد في مواضيع عامه وهو مش مركز بيرد بأه أمممم معقوله لأ وبس ‏‎grin‎‏ رمز تعبيري ‏‎grin‎‏ رمز تعبيري ‏‎grin‎‏ رمز تعبيري !

بصت جدتها لأخوها : بقولك إيه يا حاج صح كنت عاوزه أتكلم معاك في موضوع كده تعالى نقعد في الصاله شويه

_ طيب يلا يا حاجه خير اللهم اجعله خير

سند أخته وطلعوا في الصاله بعد ما فتح باب الصالون قصادهم على مصراعيه ‏‎grin‎‏ رمز تعبيري

لحظات صمت كسرها أحمد بجملته : أخيراً أخدتي بالك إنك مخطوبه وخرجتي تسلمي على خطيبك !

_ أ أ أنا كنت كنت يعني مشغوله بالدراسه وكده

_ أمممم وكده ‏‎grin‎‏ رمز تعبيري ! ماشي عموماً هعديهالك المره دي ‏‎devil‎‏ رمز تعبيري

بصتله بإستغراب : نعم ؟!

أول ما بصتله لقته باصص عليها وبيضحك فبصت في الأرض بسرعه وفضلت تفرك في إيديها من التوتر وغصب عنها إبتسمت فضحك قلب أحمد لبسمتها إللي هونت عليه الهموم :'))

_ لسه برده مُصره تسكتي طيب قولي أي حاجه إسألي أي سؤال أنا مستعد والله !

_ ............................

_ أممم طيب أنا هسأل مادمتي ساكته كده

بصوت خافت : إتفضل

_ الخَيْـلُ وَاللّيْـلُ وَالبَيْـداءُ تَعرِفُنـي
وَالسّيفُ وَالرّمحُ والقرْطاسُ وَالقَلَـمُ

من قائل هذا البيت وإسمه ثلاثي هه ومتى قاله ولم قاله وماذا قال بعد أن قاله ‏‎tongue‎‏ رمز تعبيري ‏‎devil‎‏ رمز تعبيري

ماقدرتش تمسك نفسها ، خرجت منها ضحكه عاليه ‏‎grin‎‏ رمز تعبيري ‏‎grin‎‏ رمز تعبيري فحطت إيديها على فمها وكتمتها وهي باصه في الأرض

_ يلاااا ما هو لو ماجاوبتيش إجباري هتسألي ولا هنقعد كده نستمع لصوت الصمت !!!

_ طيب ليه وافقت عليا ؟؟!

_ أممم والله هو السؤال الأول لازمله تعديل تقصدي ليه إخترتك إنتي تحديداً ؟ لإني لقيت فيكـِ~ شريكة حياتي ومش مجرد كلمه بتتقال في المواقف دي لأ صدقاً ولإني لقيت فيكـِ~ الزوجه الصالحه إللي بتمناها وبصي هكمل إجابه عن السؤال ده بس إن شاء الله بعد كتب الكتاب عشان حالياً ماينفعش ‏‎wink‎‏ رمز تعبيري

إتوردت خدودها عند آخر جمله

_ أه صحيح ولإن فيكـِ~ كتيير أوي من واحده بحبها ‏‎heart‎‏ رمز تعبيري

بصتله بعصبيه و غصب عنها إنفعلت : نعم ‏‎gasp‎‏ رمز تعبيري ‏‎upset‎‏ رمز تعبيري ؟؟!!!

_ إيه هو حرام الواحد يحب أخته ولا إيه قصدي داليا يعني صفوا نيتكم شويه ‏‎devil‎‏ رمز تعبيري

إبتسمت وإتوردت خدودها للمره التانيه ^^

بص أحمد في الساعه : والله كان نفسي تكملي أسئلتك بس جدك قالي قبل كده إنه بينام بدري حرام أزنّبه كده كل شويه ‏‎grin‎‏ رمز تعبيري ‏‎colonthree‎‏ رمز تعبيري هستأذن أنا بقى ، السلام عليكم ورحمة الله وبركاته

ردت : وعليكم السلام ورحمة الله وبركاته

ومن جواها ماكنتش عوزاه يمشي ‏‎frown‎‏ رمز تعبيري ، مشي أحمد ودخلت أوضتها ترقص من الفرحه ، وأحمد مشي للبيت والإبتسامه مافارقتش وشه بيراجع كل تفصيله في ملامحها وكل حاجه حصلت إنهارده وماشي يكلم نفسه زي المجنون ‏‎kiki‎‏ رمز تعبيري ‏‎heart‎‏ رمز تعبيري ...~

•••••••●••••••••●••••••••••●•••••••••●••••••••●••••••

_ داليا أنا بجد مش متوعبه كل إللي حكيتيه ‏‎gasp‎‏ رمز تعبيري

_ أمال أنا أقول إيه يا نِهال ، أنا أخدت كام مفاجئه ورا بعض كفيلين إنهم يجننوني ‏‎gasp‎‏ رمز تعبيري

_ سبحان الله ^^ بس بجد مبسوووطه أووووي ‏‎kiki‎‏ رمز تعبيري

_ أنا بقى مرعوووبه أوووي ‏‎frown‎‏ رمز تعبيري

_ بصي أنا نظرتي ماتخيبش في الناس ولما قابلت عدنان ده في الكام مره إللي شفته فيهم يعني معاكي عرفت إنه مختلف وبعدين نظرة الحب كانت باينه في عيونه لما كان يبصلك ‏‎wink‎‏ رمز تعبيري

_ بس عدنان راجل شرقي يا نِهال ما أظنش هتشوفي النظره دي تاني بعد ما يقرا إللي في الظرف ‏‎frown‎‏ رمز تعبيري

_ هو إنتي ليه فقريه كده على طول وإنسانه تشاؤميه هه ‏‎upset‎‏ رمز تعبيري !!

_ من إللي شفته في حياتي طبيعي أبقى كده :'))

_ لأ مش طبيعي طبعاً إنتي بجد بتناقضي نفسك منين بتقولي راضيه بقضاء الله ومنين دلوقتي عندك نظره تشاؤميه من إللي شفتيه وبعدين مش لولا قضاء ربنا وترتيبه للأقدار إللي حصلت في حياتك دي ماكنتيش هتقابلي عدنان ‏‎wink‎‏ رمز تعبيري ؟؟

_ ونعم بالله :'))

_ ما تقلقيش يا دولّي والله هتفرحي ، كان نفسي تحكيلي إمبارح قبل ما أحمد يحجز التذاكر عشان نسافر سوا بس مش مشكله هنحصلك بعدها بأسبوع إن شاء الله بس أوعي يا بت يا داليا تعملوا أي خطوبه غير لما آجي

_ عيب عليكي وأنا أعرف أفرح من غيرك أصلا ‏‎heart‎‏ رمز تعبيري ^^

بصت نِهال في الساعه : يلا لحسن مريم شكلها إستوت

_ أه صحيح أنا قولتلها هاجي أول واحده في القاعه يلا بينا عشان وقت ما توصل هتكون محتاجالنا نطمنها ، ربنا يستر

_ يا رب Smile)

•••••••●••••••••●••••••••••●•••••••••●••••••••●••••••

مريم قاعده في القاعه متوتره ، بتبص حوليها مش لاقيه عمرو ، بصت في الساعه ، طلعت الموبايل تكلم داليا لقتها داخله هي ونِهال ، راحت ناحيتهم : هو ده إللي هتوصلي أول واحده في القاعه يا داليا ‏‎upset‎‏ رمز تعبيري

_ معلش بقى زحمة مواصلات يا مريوم Very Happy

وهي بتسلم على نِهال : يا سلام ياختى الحجه دي تقوليها في مصر مش هنا -_-

_ خلاص بقى قلبك أبيض يا مريوم المهم جاهزه ؟؟

_ الحمدلله ، ربنا يستر Sad

_ يا رب

قعدوا جنب بعض ومريم كل شويه تبص ناحية باب القاعه همست داليا في ودنها : إنتي مستنيه حد تاني ولا إيه Wink

_ هه ! لأ هستني مين يعني !

_ عموماً أهه وصل هناك أهه

بصت ناحية الباب ولقت عمرو داخل : قـ قصدك مين يعني !

_ قصدي الدكتور إللي لسه باصه عليه دلوقتي وعيونك إبتسمت Wink

_ دالياااااا بطلي أنا مش ناقصه توتر >.<

_ حاضر سكتت خالص أهه

بدأت مريم المناقشه والحمدلله تمت الموافقه على رسالتها ، داليا ونِهال باركولها وكانت منتظره عمرو كمان يباركلها لكن إستغربت لما لقته مشي أول ما المناقشه خلصت !

داليا : يلااا يا آنسه مريم بالمناسبه الحلوه دي لازم تعزمينا ومكان على مزاجنا كمان

_ حاضر إللي تشوفوه Smile)

نِهال : مالك يا مريم حاسه إنك مش فرحانه كده !

_ أنا ؟! لأ أبداً فرحانه جداً

غمزت داليا لنهال وإبتسموا

_ إحم يلا يا مرييييم أنا هموت مـ الجوع
~
~
~
راحوا مطعم داليا هي إللي إختارته ، قعدوا ع التربيزه وبدأوا يختاروا من المينيو فغمزت نِهال لداليا ، مسكت الموبايل ورنت على رقم ، ثواني وكان عمرو واقف قصاد تربيزتهم : إحم السلام عليكم

بصتله مريم بدهشه وبعدين بصت لداليا ونِهال :O

داليا مسكت نِهال من إيديها : يلا بينا نقعد ع التربيزه بتاعتنا يا نونا Wink

قعدوا على تربيزه جنب تربيزتهم وعمرو قعد مكانهم ومازالت مريم بتتابع إللي بيحصل في دهشه !!!

دقايق صمت وتعجب ! وبعدها نطق عمرو وهو بيديلها بوكيه ورد : مبارك الدكتوراه يا دكتوره مريم ^^

إتناولت البوكيه : ا الله يبارك فيك ! هو فيه إيه :O ؟!

_ بإختصار شديد ومش هدور على مقدمات إنتي مش هتقومي من هنا غير وإنتي موافقه

_ موافقه على إيه بالضبط مش فاهمه حاجه :O ؟!!!

_ موافقه على إنك تكوني حرمي المصون وشريكة في كل لحظه في حياتي لحد آخر نفس فيها :’))

بصتله بتحاول تستوعب :O نزلت دموعها وردت بصوت خافت : إنت لسه متمسك بيا للدرجه دي يا عمرو :'( !!

_ للدرجه دي وأكتر مما تتخيلي كمان ولو قولتي لأ دلوقتي هفضل مستني برده بس عشان خاطري يا مريم ماتقوليش لأ تاني وكفايه إللي ضاع من عمرنا في العند والتفكير في أمور تافهه ملهاش أي لازمه غير إنها بتتعب قلوبنا وبس

_ :'( :'(

_ مريم أرجوكي بقى كفايه عياط وقولي موافقه عشان خاطري يا مريم

_ وحتى لو وافقت يا عمرو إللي كان هيبقى وكيلي في زواجي مات ومات بالإعدام كمان في قضيه مخذيه Sad( ! دلوقتي أنا مليش حد :'( !

_ أولاً إللي فات مات خلاص الكلام ده حصل من سنين وداليا صاحبة الشأن نفسها الحمدلله بقت أحسن بكتير أكيد بيمر عليها أوقات وتفتكر بس شايفها ما شاء الله إنسانه قويه جداً ، ثم إنك بتقولي مليش حد لأ ليكي مش كان خالك عايش في إسكندريه ؟

_ خالي ده من يوم موت ماما الله يرحمها ولا يعرف عننا حاجه أنا مليش حد

_ مش مهم أنا هكونلك كل أهلك بس إقبلي بقى وريحيني Sad(

مش مصدقه إن ممكن حد يستحمل حد بالشكل ده ، عمرو إستحملها كتير ولو مهما عاندت في نفسها وبينت إنها مش عاوزه ترتبط بحد بس الحقيقه هي ما تقدرش تعيش من غيره ومن وقت ما رجع تاني في حياتها وهي حاسه إنها أحسن بكتير مما كانت ، إبتسمت وسط دموعها :'))

_ بيقولوا السكوت علامة الرضا مش كده Wink ؟؟

ضحكت وهزت راسها بالموافقه ، وقف عمرو وهتف بفرحه : الله أكبر ولله الحمد أخيييييراً ^_^

قامت داليا ومعاها نِهال : ها يعني نقول مبروك ^^ ؟؟

ضحكت مريم وبصت في الأرض ، جريت داليا عليها فوقفت مريم وضمتها

_ أخيييراً يا مفتريه يا ريتني بعرف أزغرد ^_^ ربنا يتمملك بخير يا حبيبة قلبي يا رب ♥️ ^_^
.
.
.
مريم كان نفسها تسافر مع داليا بس قررت تستنى عمرو لما يخلّص كل أوراقه هنا ويسافر عشان يقابل خالها ويتمموا إجراءات الزواج ^_^

•••••••●••••••••●••••••••••●•••••••••●••••••••●••••••

مروا الـ 3 أيام وداليا مجافيها النوم ، ماكنتش بتروح الشغل ، وقافله الموبايل ، مش عاوزه تضعف وتكلم عدنان أو هو يكلمها قبل مرور المده إللي إتفقوا عليها ، شيرين بتحاول كتير بمساعدة ناصر ونِهال إنهم يخففوا عن داليا حدة التوتر إللي عندها لكن مازال الخوف مسيطر عليها ، بدأت تجهز شنطها وتمم على كل شيء ولسه مش مصدقه إنها راجعه مصر بعد غربه 8 سنين ، مش مصدقه إنها بكره هتنام في حضن أمها وأبوها ، فرحتها بقرب لقا الأحباب هي بس إللي خففت عنها التوتر والقلق ....
~
~
~
بدأ العد التنازلي ، طلع خالها عشان ياخد منها الشنط ويحطها في العربيه إللي هتوصلهم للمطار ولقاها شارده ع السرير ، ربت على كتفها وإبتسم : يلا يا أجمل عروسه في الدنيا ^_^

أول ما سمعت كلمة عروسه حست بوجع في قلبها وماتعرفش السبب إيه ! تناست الإحساس ده وإبتسمت لخالها Smile)
نزّل الشنط ، تمم ع البيت وداليا ودعت كل ركن في البيت إللي إستضافها في غربتها ، ودعت كل ركن في أوضتها إللي شاركتها كل لحظات وجعها وألمها وفرحها ، ودعت البيت بنظره أخيره قبل ما تقفل الباب وتركب معاهم العربيه
وهي في العربيه مرت على مكانها المفضل ، بصت لخالها : خالو !
فهم وطلب من السواق يقف ، نزلت ووقفت في المكان إللي شاركها غربتها ، بصت على مسافه من مكانها وإفتكرت كلام عدنان وتخيلته وهو قاعد بيراقبها Smile)
ودعت النهر وكل ركن في المكان ، عيونها دمعت ماكنتش متخيله إن هيجي يوم ترجع مصر وتفارق المكان ده :'( !
سمعت كلكس العربيه ، إلتفتت لقت خالها بينده من الشباك : يلا يا داليا كده الطياره هتفوتنا
بصت نظره أخيره ع المكان ، إتنهدت وركبت العربيه ، طول الطريق وهي شارده من الشباك بتتخيل لحظة اللقا في المطار ويا ترى عدنان هيقولها إيه ، سرحت بخيالها ليوم فرحهم ولقت نفسها بتبتسم :'))

وصلوا المطار وكانت نِهال في إنتظارهم هي ومريم ، ودعوها ، مريم قعدت معاها شويه ومشيت عشان طريقها طويل وخايفه تروّح متأخر لوحدها ، قعدت معاها نِهال وداليا تركيزها كله عند بوابة الدخول ، بتدور على عدنان حوليها وملهوش أثر ، بدأت شهيق زفير بسرعه عشان التوتر يقل لكن دقات قلبها بتزيد سرعتها وكإنها صفارات إنزار بتعلن قدوم الخطر !

همست داليا لنِهال : عدنان ماجاش يا نِهال !!

نِهال : أصبري أكيد حاجه عطلته في السكه أو ممكن يكون هيطلع في الطياره إللي بعدكم

_ لأ إحنا إتفقنا ع الطياره دي وحتى لو إللي بعدنا كان لازم يجي في ميعاد طيارتي عشان يطمني !

_ الغايب حجته معاه يا داليا !

_ أيوه بس إحنا إتفقنا إن الغياب معناه رفض !

_ إنتي ماكلمتيهوش اليومين إللي فاتوا خالص ؟

_ لأ كنت قافله الموبايل

_ طيب كلميه

_ لأ طبعاً مش هيحصل أبداً

_ مش وقته على فكره الأسلوب ده هنعرف جاي ولا لأ !

_ لأ يا نِهال مش هتصل بيه ولنفرض كان رافض ليه أحطه وأحط نفسي في الموقف ده !

_ خلاص بلاش إنتي أنا هتصل من موبايلي وإنتي خارج الموضوع خالص أهه هاتي الرقم

_ لأ بلاش Sad

سحبت من إيديها الموبايل ، أخدت رقم عدنان إتصلت بيه من موبايلها وكان مقفول ، جربت تاني وداليا بتبصلها بتوتر ولقته برده مقفول

_ إيه مابيردش !!!

_ مـ مغلق تلاقيه زمانه في السكه بس إهدي إنتي وماتوتريش نفسك ع الفاضي

فضلت منتظراه وعيونها متركزه ع البوابه لحد ما جه ميعاد طيارتهم ، ودعتها نِهال وداليا حاسه إنها فـ دوامه ، بتبص لنهال شويه ولخالها شويه وللبوابه شويه ، همست نِهال في ودانها : داليا إهدي يا حبيبتي أكيد حاجه عطلته وهيحصلكم في الطياره إللي طالعه بعد دي ، إهدي عشان خاطري إيديك متلجه ووشك بقى أصفر Sad

مشيت مع خالها وكإنها آله مش حاسه بأي حاجه ولا حاسه بأي مشاعر لا ألم ولا خوف ولا حب ولا كره حاسه إنها في عالم تاني !
خالها حوطها بدراعه وهمس : ماتقلقيش يا حبيبتي الغايب حجته معاه إن شاء الله لما نوصل مصر نتطمن Smile)

سامعه وبتبصله وكإنها جايه من كوكب تاني مش فاهمه لغة إللي بيتكلموا حوليها ، ركبت الطياره وفضلت طول الطريق باصه قدامها ومابتنطقش ، لما قربوا من مصر بصت من شباك طيارتها وهمست :

ودعتك يا مصر مكسوره وكان نفسي أرجعلك وأنا مجبور كسري بس رجعتلك مكسوره من تاني وكإنك كارهه تشوفيني مبسوطه :')) !!!
~
~
~
عادل كان منتظر خاله هو وأحمد في المطار وخالهم ماقالش إن داليا جايه معاه حب يعملها مفاجئه ، طول الطريق وهو باصص على داليا هو وشيرين ومتضايقيين لحالتها ، مش لاقي كلام يقوله Sad( !

هبطت طيارتهم ، خلصوا الإجراءات ، وقبل ما يخرجوا من البوابه ناصر ضم داليا من كتفها : داليا إخواتك مستنيين بره هم ما يعرفوش إنك جايه معانا ، داليا عشان خاطري فوقي بقى وإن شاء الله هنعرف سبب غيابه إيه !

_ السبب واضح يا خالو Smile) الحمدلله على كل حال يلا بينا عشان اخواتي وحشوني

خرجوا من البوابات ، أحمد جري سلم على خاله وعادل أول ما لمح داليا جري عليها وهو مش مصدق ، ضمها لحضنه بقوه وهو بيردد : والله مصر نورت من تاني يا داليا الدنيا كلها نورت :')) ♥️

أحمد خلّص سلام على خاله ومراة خاله وهو باصص على داليا وعادل حاضنها ، بعِد عادل عنها فإبتسمت لأحمد وفتحت دراعها ليه ، قرب ووقف شويه يستوعب إنه شايفها قصاده !
لمس وشها بإيديه وإنسابت دموعه وهو بيترمي في حضنها :'( بدأ صوت نحيبه يعلى وكإنه طفله كان تايه ورجع لحضن أمه ، ضمته لحضنها أكتر ♥️ قعد في الأرض وهو بيبكي فقعدت وحضنت راسه وهي بتطبطب عليه :'( منظرهم بكّا الواقفين حوليهم ، ماكنش متخيل إن داليا أخييراً هترجع ، كان مستني خاله ومايعرفش إن رجعله حضن أغلى إنسانه عنده ♥️ :'(
~
~
~
ركبوا العربيه وأحمد طول الطريق نايم في حضن داليا ، 8 سنين عاشهم من عمره بعيد عنها وهي كانت أمه التانيه وأعز أصحابه ، 8 سنين محروم منها ، و دلوقتي بعد ما رجعله دفا حضنها مش عاوز يخرج منه :')) ♥️

وصلوا البيت وناصر طلب من داليا تفضل بره لحد ما هم يسلموا الأول ، وفعلاً سلم على خديجه وجوزها وهنادي ، خديجه بعد ما سلمت على طول راحت ع المطبخ ومعاها هنادي عشان يجهزوا الأكل ، شويه وخبط الباب بطريقة خبطة داليا زمان إللي أبوها حافظها ومايتوهش عنها ، عمران كان قاعد على كرسيه المتحرك جنب ناصر و أول ما سمع الخبطه بكل تلقائيه قال : داليا !
ورجع ضحك : الواحد من كتر ما هو مشتاقلها بقت بتجيله تهيؤات بس أصلها زي خبطتها شوف مين يا أحمد

فتح أحمد وهو مبتسم ^_^ دخلت داليا وأبوها مديلها ضهره ، أول ما دخلت البيت وشمت ريحته إتردت فيها الروح ، إتنهدت وقالت : السلام عليكم ورحمة الله وبركاته وحشتوني يا أهل الدار ^^

أول ما عمران سمع صوتها حاول يلف كرسيه ، أحمد ساعده ، فضل يتأملها وهو مندهش مش عارف دي بجد ولا تهيؤات ، إبتسمتله : وحشتني أوي يا حاج عمران يا أعظم أب في الدنيا :'))

وفجأه وقف من على كرسيه ، نسي إنه مشلول ، عاوز يجري ويضمها في حضنه ، وقع ع الأرض فجريت داليا عليه سندته ، قعد في الأرض وفتحلها حضنه فإترمت فيه وبدأ يربت على ضهرها و يبكي :'( ♥️ ، سمعت خديجه صوت الدوشه ، خرجت ولقت عمران في الأرض حاضن داليا رمت المعلقه إللي في إيديها وجريت شدتها من حضن أبوها وضمتها بقوه لحضنها وهي بتبكي وكإن عمرها في حياتها مابكت :'( ♥️
.
.
سلمت داليا على هنادي وولاد أخوها بشوق ولهفه ، خلصت السلامات وداليا قاعده بين أمها وأبوها وأحمد قاعد في الأرض وساند راسه فـ حجرها ، مش عاوزين يسيبوها لحظه وكإنها هتهرب منهم ♥️

حطوا الأكل ، إعتذرت داليا وإتحججت إنها أكلت في الطياره رغم إنها مادقتش حاجه ، خالها عالم بإللي فيها وعارف إنها بتضغط على نفسها وتبين إنها كويسه ومبسوطه ، قال لخديجه تبطل إلحاح وتسيبها ترتاح شويه ، دخلت أوضتها ولقتها زي ما سابتها من 8 سنين ، كل حاجه في مكانها وواضح إن أمها كل يوم بترتبلها الأوضه وكإنها موجوده :')) ، فضلت تلمس كل حاجه وكإن لمستها بترجعلها كل ذكريات عمرها بحلوها ومرها من طفولتها لحد آخر لحظة ودعت فيها الأوضه من 8 سنين :')) ♥️ ، بصت في المرايه فضل كلام عدنان يدور في ذهنها ، لاحظت إنها مابكتش من وقت ما ركبت طيارتها ، حاولت تبكي بس مش قادره !!!
مددت ع السرير وحاولت تنام ، عدنان مش مفارق خيالها ♥️ ، قلبها عاوز يديله أعذار لكن كبريائها بيمنعها وحاسه إنها لو إدتله أعذار هتتوجع أكتر لإن الأعذار ملهاش لازمه كونه ماجاش ملهوش غير معنى واحد بس إنه رفضها وإن نظرتها ليه وثقتها فيه كانت غلط هو زيه زي علي زي أي راجل شرقي Sad(( ..~
~
~
~
من وقت ما داليا وصلت والبيت رجعتله البهجه ، وداليا بتمثل إنها مبسوطه ومداريه وجع قلبها عنهم كلهم ، أخدها أحمد تتعرف على تقي ، أول ما تقى شافتها جريت عليها وحضنتها وكإنها تعرفها من سنين مش أول مره تشوفها !
كانت مبسوطه أوي برجوع داليا ، أخدتها وقعدوا في أوضتها ، خلعت عبايتها وكانت لابسه تحتها فستان وفردت شعرها ، إبتسمت داليا : ما شاء الله ما شاء الله إنتي أحلى من الصور بكتيير اللهم بارك ربنا يحفظك يا حبيبتي ويتمملكم بخير ^_^

_ تسلمي يا دولّي ربنا يعزك ^_^ ♥️ ، بجد مبسوطه أوي إنك رجعتي

_ رجعت بعد إلحاح من الدكتور عاوزني أحضر فرحكم قريب بقى إن شاء الله Wink

بصت في الأرض بخجل : إن شاء الله ^^

فضلوا يتكلموا مع بعض شويه وكل واحده تحكي عن حياتها لحد ما أحمد رن على داليا ، مشيت وهي مبسوطه جداً بتقى ، وبعد ما رجعت من عندها إتفسحت هي وأحمد ، وهم قاعدين في الجنينه : بس عرفت تختار يا ولا ما شاء الله تبارك الله عليها ^_^

_ عشان تعرفي إننا مش أي كلام يا باشا تربيتك

_ غير إنها ما شاء الله جميله من جواها وأخلاق وملتزمه كمان شكلاً كويس إنها لبست النقاب صراحه دي فتنه Very Happy

_ صراحه أنا أكتر واحد إنبسطت بموضوع نقابها ده ماتتخيليش كنت بغير عليها إزاي لمجرد إنها تروح الجامعه ولا تخرج من البيت

_ ربنا يتمملكم بخير ويحفظكم لبعض يا حبيبي ♥️

_ يا رب

رن موبايلها برقم غريب : هو لحق حد يعرف الرقم ده أنا لسه جيباه !!!

_ ردي يمكن حد من البيت

ردت : السلام عليكم

_ دالياااااااا مش مصدق نفسي يا لمبي إنتي بجد في مصر !!!

_ شوشوووو وحشتييييني يا أم عمر ^_^

_ إنتي أكتر والله تعالي يا هانم ع البيت حالاً الآنسه داليا والأستاذ عمر جايين يسلموا عليكي إحنا عندكم ^^

_ حاضر مسافة السكه وهنكون عندكم ^^

رجعوا البيت وهم بياكلوا غزل بنات وآيس كريم زي زمان ^_^ ، وكانت السلامات الحاره بينها وبين شيماء ، فضلت تلعب مع داليا وعمر ، طارق عدّى عليهم وهو راجع من الشغل ، سلّم على داليا وأخد مراته وولاده وروّحوا ، سهرت داليا معاهم شويه وهي شارده كل تفكيرها في عدنان ، كل ذكرى بتمر قدام عنيها ، ومش قادره تمنع نفسها من التفكير فيه ، سابتهم و راحت على أوضتها ، قام ناصر وراها وقبل ما يدخل أوضتها ندهتله خديجه وقالتله إنها حاسه إن داليا فيها حاجه ونفسها تطمن لو يعرف حاجه يقولها وهو برر إن داليا بدأت تفتكر الحادثه ومحتاجه شوية وقت ترتاح بس وبعدين هترجع طبيعيه إن شاء الله ، دخل لداليا الأوضه وكانت واقفه عند الشباك

_ بتكلمي القمر والنجوم ؟؟

_ زهقوا من كتر كلامي أنا كمان زهقت فخلينا قاعدين بنتأمل بعض أحسن Smile)

_ عيطي يا داليا من وقت ما جيتي مابكيتيش إبكي يا حبيبتي البكا هيخفف عنك ماقدرتيش تباكي وهتلاقي نفسك بتبكي بس حرام عليكي نفسك وقلبك كده Sad(

_ تفتكر ماحاولتش !! والله حاولت بس مفيش دموع راضيه تنزل ، فضلت أتباكى وبرده مفيش فايده بس أنا بعيط بس نوع بكا أصعب بكتير من الدموع بكا القلب بيدبح ، أنا كمان نفسي دموعي تنزل وأرتاح بس مفيش دموع ،جفت من سنين ، ليه خلتوني أعيش في أحلامي وأغرق فيها ليه مافوقتونيش !!!

_ يا داليا الغايب

_ عارفه حجته معاه إنهارده رابع يوم لينا في مصر عدنان ظهر ؟ جه أي إتصال منه ؟! عدنان إختار يا خالو إختار يدوقني كاس مر أوووي داقه قبل مني ما علينا خلاص مابقتش فارقه Smile)) ، أنا هدخل أنام ، تصبح على خير

_ وإنتي من أهل الخير Sad

راحت ناحية السرير وكورت نفسها فخرج بره وهو بيحاول يبين إن مفيش حاجه
.
.
دخلوا كلهم يناموا ، وداليا النوم طاير من عينيها بتتقلب في سريرها ولما زهقت قامت لأوضة أمها وأبوها ونامت وسطهم زي ما كانت في صغرها تجري تنام وسطهم وقت خوفها من الضلمه ، صحيوا من نومهم وإبتسموا ضمها أبوها من ناحية وأمها من ناحيه فإبتسمت وحست إن الخوف والقلق هرب ، حضنهم دفّى قلبها من برد وقسوة الذكريات فراحت في نوم عميق ...~
~
~
~
نايم بالليل وفجأه جاله إتصال قرب الفجر فزعه :O ....!

وإنتهت حلقتنا هنا إنهارده إنتظرونا بعد غد مع الحلقة الأخيرة في رواية #عود_ثقاب إن شاء الله Wink

لـ #ندا_سليمان
ندا سليمان
ندا سليمان
Admin

عدد المساهمات : 242
تاريخ التسجيل : 23/11/2014
العمر : 30

https://nadasoliman.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى